منی پور میں موب لنچنگ، مسلم طالب علم کا پیٹ پیٹ کر قتل

Source: S.O. News Service | By Shahid Mukhtesar | Published on 17th September 2018, 11:29 AM | ملکی خبریں |

امپھال،17ستمبر(ایس او نیوز؍ایجنسی)موجودہ حکومت کے دور میں موب لنچنگ کا جو سلسلہ شروع ہوا تھا وہ تھمنے کا نام نہیں لے رہا۔ ہندوستان کے شمال سے لے کر جنوب اور مشرق سے لے کر مغرب ہر خطہ میں موب لنچنگ کے ذریعہ بالخصوص مسلمانوں کو نشانہ بنایا جا رہا ہے۔ تازہ معاملہ شمال مشرقی ریاست منی پور سے سامنے آیا ہے جہاں ایک مسلم طالب علم کو پیٹ پیٹ کر قتل کر دیا گیا۔

گاڑی چوری کے شک میں ایم بی اے کے طالب علم فاروق احمد خان کو ہجوم کی جانب سے بری طرح زد و کوب کیا گیا، معاملہ 13 ستمبر کا ہے۔ میڈیا رپورٹوں کے مطابق پولس نے معاملہ درج کر کے 5 ملزمان کو گرفتار کر لیا ہے۔

مہلوک فاروق احمد خان منی پور کے تھوبل ضلع کے للونگ ہااوریبی کالج کا ایم بی اے کا طالب علم تھا۔ فاروق احمد خان پر ہجوم نے اس وقت حملہ کیا جب وہ اپنے دوستوں کے ساتھ کار کے ذریعہ تھورو ایجام اوانگ لیکئی نامی مقام سے گزر رہا تھا۔ ہجوم نے سب سے پہلے کار کو آگ کے حوالہ کر دیا اور اس کے بعد فاروق کو پیٹنا شروع کر دیا۔ موقع واردات سے فاروق کے دو دوست کسی طرح جان بچاکر بھاگ نکلے۔ مقامی لوگوں کا الزام ہے کہ گاؤں والوں نے انہیں گاڑی چراتے ہوئے پکڑا تھا۔

منی پور پولس نے اس معاملہ میں 5 افراد کو گرفتار کر لیا ہے اور آئی پی سی دفعہ 302، 117 اور 34 کے تحت مقدمہ درج کیا ہے۔ اس واردات کے بعد علاقہ میں کشیدگی کا ماحول ہے۔ احتیاط کے لئے بڑی تعداد میں پولس فورس کو تعینات کیا گیا ہے۔

پولس کے ایک سینئر افسر نے بتایا کہ موب لنچنگ کے الزام میں 5 افراد کو گرفتار کیا گیا ہے۔ خاص بات یہ ہے کہ ملزمان میں انڈیا ریزرو بٹالین (آئی آر بی) کا ایک حولدار بھی شامل ہے۔ اس واقعہ کا ایک مبینہ ویڈیو بھی سوشل میڈیا پر وائرل ہو رہا ہے۔

امپھال ویسٹ ضلع کے پولس سپرنٹنڈنٹ جوگیشور ہااوبیجام نے بتایا کہ موب لنچنگ کا شکار فاروق احمد کے دو دوست موقع واردات سے بچ نکلنے میں کامیاب رہے۔ اس واردات میں ملوث لوگوں کا پتہ لگانے کی کوشش کی جا رہی ہے۔

منی پور کے انسانی حقوق کمیشن نے اس معاملہ کا ازخود نوٹس لیا ہے اور ریاست کے ڈی جی پی (ڈائریکٹر جنرل آف پولس) کو معاملہ کی جانچ کرنے اور 22 ستمبر تک رپورٹ پیش کرنے کو کہا ہے۔

ادھر تھوروایجام گاؤں کے لوگوں نے جمعہ کو پٹسوئی تھانہ گھیراؤ کیا اور گرفتار شدگان کو رہا کرنے کا مطالبہ کیا۔ پولس ذرائع کے مطابق بھیڑ نے پولس اہلکاروں پر پتھرؤ بھی کیا۔ اس کے بعد بھیڑ کو منتشر کرنے کے لئے پولس نے آنسو گیس کے گولے داغے اور لاٹھی چارج کیا۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...