لکھنؤ،9؍جون(ایس او نیوز؍ایجنسی) یوپی  میں آندھی ۔طوفان نے سنیچر کو تباہی مچائی ہے۔آندھی طوفان سے یوپی کے 11اضلاع میں کم از کم 26 لوگوں کی موت کی خبر ہے۔4 مویشیوں کی بھی جان چلی گئی ہے۔سی ایم یوگی آدتیہ ناتھ نے متعلقہ اضلاع مجسٹریٹوں کو متاثر لوگوں کی مدد کرنے کے احکام دئے ہیں۔

سنیچر کو شام قریب 5:30 بجے این سی آر ،کرناٹک ،بہار،مغربی بنگال اور یوپی سمیت کئی ریاستوں میں دھول بھری آندھی چلی۔دہلی کرناٹک اور یوپی کے کئی علاقں میں تیز بارش بھی ہوئی۔آندھی طوفان ست سب سے زیادہ موتیں یوپی کے جونپور میں 5 اناؤ میں 4 چندولی اور بہرائچ میں 3۔3 لوگوں کی موت ہوئی ہیں۔وہیں رائے بریلی میں دو جبکہ مرزا پور ،سیتا پور ،امیٹحی اور پرتاب گڑھ میں ایک ایک موت کی تصدیق ہوئی ہے۔اس کے علاوہ قنوج اور وارانسی میں بھی بارش ہوئی۔

آج ممبئی کے کچھ حصوں میں بھارئ بارش ہوئی ۔ایسے میں کئی علاقوں میں ٹریفک جام رہا ۔ممبئی سے متصل ٹھانے سے متعلق واقعات میں کم از کم دو لوگوں کی موت ہو گئی ۔

یوپی کے سلطان پور ضلع میں الگ الگ تھانہ علاقں کی دیر شام آئی آندھی۔بارش کے دوران بجلی گرنے سے تین بچوں سمیت پانچ لوگوں کی موت ہو گئی۔جبکہ دو بچوں سمیت چھ لوگ جھلس گئے۔زخمیوں کو سی ایچ سی لے  جایا گیا ہے ۔وہیں ممبئی میں بارش کے دوران ایک عمارت ڈھہنے سے کم سے کم دو لوگوں کی موت ہو گئی ہے۔