نئی دہلی13 دسمبر (ایس او نیوز؍آئی این ایس انڈیا) دہلی کی اسمبلی کی سلور جوبلی پر منعقد کئے جا رہے جشن کو لے کر عام آدمی پارٹی حکومت کو ایک کے بعد ایک مایوسی کا سامنا کرنا پڑ رہا ہے۔

بی جے پی لیڈر لال کرشن اڈوانی نے جشن میں مہمان خصوصی کے طور پر شرکت کرنے سے انکار کر دیا ہے۔ کانگریس نے بھی اس جشن کا بائیکاٹ کر دیا ہے۔

دہلی اسمبلی کے 25 سال مکمل ہونے پر 15 دسمبر کو جشن منایا جائے گا۔ اس میں بی جے پی کے سینئر لیڈر اور دہلی میٹروپولیٹن کونسل کے پہلے چیئرمین لال کرشن اڈوانی کو چیف مہمان کے طور پر بلایا گیا تھا لیکن منظوری کے بعد اور کارڈ پر نام شائع ہونے کے بعد اڈوانی نے اس پروگرام میں آنے سے انکار کر دیا ہے۔اور ادھردہلی کانگریس نے بھی اس سلور جوبلی تقریب کا بائیکاٹ کر نے کا اعلان کیا ہے ۔

کانگریس کی دلیل ہے کہ 25 سال کی اسمبلی میں 15 سال جو شیلا دکشت دہلی کی وزیر اعلی رہیں، انہیں بلایا جانا چاہئے تھا ؛لیکن نہیں بلایا گیا؛ اس لیے کانگریس اس کا بائیکاٹ کر رہی ہے۔