اڈپی 23؍فروری (ایس او نیوز)سرکاری بسوں کے اڈپی زون کی طرف سے 25نئی والوو کے ایس آر ٹی سی ایکسپریس بسیں چلانے کی اجازت دی گئی ہے۔ اس میں منگلورو بھٹکل کے لئے 9 اور کنداپور اڈپی کارکلا کے لئے 16بسیں مخصوص کی گئی ہیں۔یہ بسیں آئندہ دس دنوں کے اندر شروع کی جائیں گی۔

خیال رہے کہ ابھی تک منگلورو بھٹکل اور کنداپوراڈپی کارکلا کے لئے ڈائریکٹ ایکسپریس سرکاری بسوں کی سہولت موجود نہیں تھی۔ان بسوں کے ٹائم ٹیبل کو قطعی شکل بھی دئے جانے کی بات معلوم ہوئی ہے۔پتہ چلاہے کہ ان راستوں پر بسیں چلانے کے لئے کے ایس آر ٹی سے گزشتہ سال مانگ کی گئی تھی۔اب تک منظوری نہ دئے جانے پر پچھلے دنوں اڈپی کی کے ڈی پی میٹنگ کے دوران عوامی نمائندوں نے سخت اعتراض جتایا تھا۔