کولکاتہ پل حادثہ: زخمیوں کی تعداد بڑھ کر 24ہوئی

Source: S.O. News Service | By Shahid Mukhtesar | Published on 5th September 2018, 9:35 PM | ملکی خبریں |

کولکاتہ،05؍ ستمبر (ایس او نیوز؍آئی این ایس انڈیا) جنوبی کولکاتہ کا ماجھیرہاٹ فلائی اوورمنہدم ہونے کے معاملہ میں زخمیوں کی تعداد بڑھ کر 24 ہو گئی ہے۔ حادثے میں ایک شخص کی گزشتہ دیر شام علاج کے دوران موت ہو گئی تھی۔ کولکاتہ پولیس ہیڈکوارٹر کے ایک سینئر اہلکار نے بدھ کی صبح اس کی تصدیق کی۔ انہوں نے بتایا کہ منگل دیر رات دس بجے تک پل کے ملبے میں 21 لوگوں کو نکالا گیا تھا۔ ان میں سے ایک شخص کو ایس ایس کے ایم اسپتال میں مردہ قرار دے دیا گیا تھا، جبکہ باقی 20 زخمیوں کا ایس ایس کے ایم اورسی ایم آر آئی اسپتال میں علاج چل رہا تھا۔اس دوران مزید لوگوں کے دبے ہونے کے خدشہ کے پیش نظر رات بھر برج کے ٹوٹے ہوئے حصے کو ہٹا کر تلاشی مہم چلائی گئی، جس کے بعد چار اور زخمیوں کو نکالا جا سکا ہے۔ اس لحاظ سے واقعہ کی زد میں آئے لوگوں کی تعداد بڑھ کر 25 ہو گئی ہے، جن میں 22 مرد اور 03 خواتین ہیں۔ ان میں سے ایک مرد کی موت کی تصدیق ڈاکٹروں نے منگل کی شام کو ہی کر دی تھی اور باقی 24 لوگوں کا علاج چل رہا ہے۔پولس افسر نے بتایا کہ ایس ایس کے ایم اسپتال میں 11 افراد زیر علاج ہیں جبکہ 03 لوگوں کو ابتدائی طبی امداد کے بعد چھوڑ دیا گیا ہے۔ اسی طرح سے سی ایم آر آئی اسپتال میں نو افراد کو داخل کیا گیا تھا، جن میں سے پانچ لوگوں کو ابتدائی علاج کے بعد چھوڑ دیا گیا ہے اور چار لوگوں کا علاج چل رہا ہے۔ایک دیگر شخص کا علاج ودیا ساگر اسپتال میں ہو رہا ہے۔ واضح ہو کہ منگل کی دوپہر4بج کر40منٹ پر ماجھیرہاٹ پل کا ایک حصہ اس وقت اچانک منہدم ہو گیا تھا جب پل پر ٹریفک خوب تھا۔ایک بس کے گزرنے کے دوران پل کا حصہ ٹوٹ کر نیچے گرپڑا۔ حادثہ میں ایک شخص کی موت ہو گئی جبکہ 24لوگ زخمی ہو گئے ہیں۔وزیر اعلیٰ ممتا بنرجی نے اس کی تحقیقات کے لئے چیف سکریٹری ملے دے کی قیادت میں اعلیٰ سطحی کمیٹی تشکیل دی ہے۔ ساتھ ہی مرنے والوں کے اہل خانہ کو 5لاکھ روپے کی مالی مدد دینے کا اعلان کیا ہے۔ زخمیوں کے علاج کا تمام خرچ ریاستی حکومت برداشت کررہی ہے۔ اس کے علاوہ انہیں 50ہزار روپے کی مالی مدد بھی دی جائے گی۔ 

ایک نظر اس پر بھی

بچوں کے ساتھ ریپ کے معاملے میں سپریم کورٹ میں سماعت، ایمکس کیوری نے کہا، پاکسو ایکٹ نافذ کرنے میں حکومتیں ناکام

ملک بھر میں بچوں کے ساتھ ریپ کے معاملات میں از خود نوٹس کی درخواست پر سپریم کورٹ سماعت کے دوران ایمکس کیوری سینئر ایڈوکیٹ وی دانا نے اپنی رپورٹ میں عدالت کو بتایا کہ اس سنگین اور حساس معاملے میں پاکسو ایکٹ نافذ کرنے میں حکومتیں ناکام رہی ہیں۔

مالیگاؤں 2008 بم دھماکہ معاملہ: ممبئی ہائی کورٹ نے این آئی اے کو گواہوں کے نام بند لفافے میں پیش کرنے کا حکم جاری کیا

مالیگاؤں 2008 بم دھماکہ معاملے میں ا ٓج ممبئی ہائیکورٹ کی دو رکنی بینچ نے قومی تفتیشی ایجنسی NIAکو حکم دیاکہ وہ اگلے پییر تک ان تمام سرکاری گواہوں کے نام بند لفافے میں عدالت میں پیش کرے جنہیں وہ ملزمین کے خلاف گواہی دینے کے لیئے طلب کرنے والے ہیں۔