مالیگاؤں ۲۰۰۸ بم دھماکہ معاملہ ؛ پیر کو سپریم کورٹ میں کرنل پروہیت کی عرضداشت پر سماعت متوقع، جمعیۃ علماء مداخلت کرنے تیار

Source: S.O. News Service | By Staff Correspondent | Published on 15th November 2018, 9:16 PM | ملکی خبریں | ان خبروں کو پڑھنا مت بھولئے |

ممبئی ۱۵؍ نومبر (پریس ریلیز/ایس او نیوز) مالیگاؤں ۲۰۰۸ ء بم دھماکہ معاملے کی کلیدی ملزمہ سادھوی پرگیا سنگھ ٹھاکر و دیگر بھگواء ملزمین کی جانب سے سرکاری گواہوں کی تفصیلات طلب کرنے والی عرضداشت کی آج قومی تفتیشی ایجنسی NIAنے شدید مخالفت کی اور عدالت میں دو صفحات پر مشتمل تحریری جواب داخل کرتے ہوئے کہا کہ گواہوں کے ناموں کو قانون کے تحت اور ان کی حفاظت کے مد نظر مخفی رکھا گیا ہے نیز گواہی دینے سے قبل ان کی تفصیلات ملزمین کو بتا دی جائے گی لیکن ابھی جبکہ گواہوں کو گواہی کے لیئے طلب کیا جانا باقی ہے گواہوں کی تفصیلات ملزمین کو نہیں بتا ئی جاسکتی۔

موصولہ اطلاعات کے مطابق قومی تفتیشی ایجنسی کے خصوصی سرکاری وکیل اویناس رسال نے خصوصی این آئی اے جج ونود پڈالکر کو بتایا کہ ملزمین کے خلاف فرد جرم داخل کرنے کے بعد انہیں این آئی اے قانون کی دفعہ 17، یو اے پی اے قانون کی دفعہ 44 اور مکوکا قانون کی دفعہ 19 کے تحت گواہوں کے نام مخفی رکھتے ہوئے ان کے بیانات ملزمین کو دیئے گئے تھے۔

سرکاری وکیل نے عدالت کو مزید بتایا کہ ملزمین کی درخواست کو مسترد کردینا چاہئے کیونکہ گواہوں کے نام ظاہر کرنے سے مقدمہ پر اثر پڑھ سکتا ہے ۔ فریقین کی عرضداشتوں کو سماعت کے لیئے قبول کرتے ہوئے عدالت نے فریقین سے اس معاملے پر بحث کرنے کے لیئے ۱۹؍ نومبر کی تاریخ مقرر کی ہے ۔

آج دوران کارروائی عدالت میں متاثرین کی نمائندگی کرنے والی تنظیم جمعیۃ علماء مہاراشٹر (ارشد مدنی)کے وکلاء ایڈوکیٹ شاہد ندیم ، ایڈوکیٹ ابھیشک ودیگربھی موجود تھے۔ اسی درمیان اطلاع موصول ہوئی کہ کرنل پروہیت کی ممبئی ہائی کورٹ کے فیصلہ کے خلاف داخل عرضداشت پر پیر کو سپریم کورٹ میں سماعت متوقع ہے نیز متاثرین کی جانب سے جمعیۃ علماء نے بھی کرنل پروہیت کی عرضداشت کی مخالفت کے لیئے سپریم کورٹ سے رجوع کیا ہے۔

واضح رہے کہ گذشتہ ماہ خصوصی این آئی اے عدالت نے ۷؍ ملزمین کے خلاف یو اے پی اے اور دیگر قوانین کی مختلف دفعات کے تحت چارج فریم کردیا تھا جس کے بعد سے ہی ملزمین نت نئے ہتھکنڈے استعمال کررہے ہیں کہ ٹرائل شروع نہ ہوسکے۔ جس میں کرنل پروہیت کا سپریم کورٹ سے رجوع ہونا و دیگر شامل ہیں۔

ایک نظر اس پر بھی

سرمائی سیشن میں رافیل اور آر بی آئی کی خودمختاری کامسئلہ اٹھایاجائے گا:غلام نبی آزاد

کانگریس کے سینئر لیڈر غلام نبی آزاد نے پیر کو کہا کہ پارلیمنٹ کے سرمائی اجلاس میں رافیل طیارے سودے کی تحقیقات کے لئے مشترکہ پارلیمانی کمیٹی (جے پی سی)کے قیام کا مطالبہ اور ریزرو بینک کی خود مختاری اور جانچ ایجنسیوں کے مبینہ غلط استعمال سمیت کئی دیگر مسائل اٹھائے جائیں گے ۔

مودی حکومت غیر قانونی طریقے سے سوچھ توانائی کے پیسے کوکہیں اورلگارہی ہے: سیتا رام یچوری

کمیونسٹ پارٹی (سی پی ایم)کے سیکریٹری جنرل سیتا رام یچوری نے پیر کو الزام لگایا کہ مرکز کی بی جے پی حکومت ریاستوں کو جی ایس ٹی میں ان کے حصے کی ادائیگی کے لئے سوچھ توانائی فنڈ کی رقم غیر قانونی طور پر استعمال کر رہی ہے۔

اقلیتی تعلیمی پروگرام میں آندھرا پولیس کے ذریعہ زیادتی کی پاپولر فرنٹ نے کی مذمت

پاپولر فرنٹ آف انڈیا کے جنرل سکریٹری ایم محمد علی جناح نے آندھرا پردیش میں پاپولر فرنٹ کے ایک تقسیمِ اسکالرشپ پروگرام میں کچھ پولیس افسران کی خلل اندازی اور جھوٹے الزامات میں تنظیم کے زونل سکریٹری و دیگر ضلعی لیڈران کی من مانی گرفتاری اور انہیں زدوکوب کرنے کے طریقے کی سخت ...

کاروار : نجومی اور جوتشی سے اپنے مستقبل کو معلوم کرنے کے بجائے اپنی سوچ وفکر کو بدلیں  : کروالی اتسوا میں کرشماتی ماہر ڈاکٹر ہولیکل نٹراج  

دنیا میں فریب،دھوکہ عام بات ہے مگر دھوکہ کے جال میں پھنسنا بڑی بےو قوفی اور غلط بات ہے۔ گھر توڑ کر واستو(توہم پرستی کے چلتے گھر کے دروازے اور کھڑکیوں کے رخ کو متعین کرنےو الا نجوم ) صحیح کرنے کے بجائے اپنی ذہنی سوچ وخیال کو بدل لیجئے۔ کرشموں کا کچا چٹھا نکالنےمیں ماہر ڈاکٹر ...