گلبرگ سوسائٹی قتل عام کا مفرور ملزم آشیش پانڈے 16 سال بعد گرفتار

Source: S.O. News Service | By Shahid Mukhtesar | Published on 11th January 2018, 2:21 PM | ملکی خبریں | ان خبروں کو پڑھنا مت بھولئے |

احمدآباد،10جنوری (پی ٹی آئی) گلبرگ سوسائٹی میں 2002 قتل عام کا ایک ملزم گزشتہ 16 سال سے مفرور تھا۔ پولیس کے مطابق آج یہاں اسے گرفتارکرلیا گیا ہے ۔ ایک پولیس افسر نے بتایا کہ اس معاملہ کے 5 مفرور ملزمین میں سے ایک اشیش پانڈے کو کرائم برانچ سپاہیوں نے شہرکے اسلالی علاقہ سے گرفتارکیا ۔ یاد رہے 26 فروری 2002 کو مسلم اکثریتی علاقہ گلبرگہ سوسائٹی پر ایک مشتمل ہجوم نے حملہ کردیا تھا۔ گودھرا فساد کے بعد ہوئے یہ بدترین واقعات میں سے ایک تھا۔ اس میں کانگریس کے سابق رکن پارلیمان احسان جعفری سمیت 69 معصوم افراد کی جانیں چلی گئی تھیں۔پولیس نے بتایا کہ انٹلی جنس کی بنیاد پر، اشیش پانڈے کویہاں اسلالی سے کرائم برانچ کی ٹیم نے پکڑا ۔ اس کیس کی تحقیقات کرنے والی خصوصی تحقیقاتی ٹیم (ایس آئی ٹی) کی خصوصی عدالت میں اسے پیش کیا جائے گا ۔ یہاں نروڈہ میں رہنے والا پانڈے سانحہ کے بعد سے فرار تھا اور اتر پردیش اور جنوبی گجرات میں چھپا ہوا تھا۔ وہ یہاں کسی کام کے لئے آیا تھا ۔ 28فروری2002کو مگانی نگر میں اقلیتی سماج کی اس سوسائٹی میں بھیڑ حملہ آتش زنی کرکے 69افراد کو ہلاک کر دیا۔گزشتہ سال جون میں، ایس آئی ٹی عدالت نے اس کے24افرادکو قصور وار قرار دیا تھا جن میں سے 11کو قید کی سزا سنائی گئی تھی36دوسروں کو بری کردیا تھا۔ اس کے 4 ملزم اب بھی غائب ہیں۔

ایک نظر اس پر بھی

آپ کے20ممبران اسمبلی کی رکنیت منسوخ، الیکشن کمیشن نے دیا فیصلہ

الیکشن کمیشن نے منفعت بخش عہدہ معاملے میں دہلی میں حکمران عام آدمی پارٹی کے 20ممبران اسمبلی کو نااہل قرار دیا ہے۔کمیشن اپنی رپورٹ صدر رام ناتھ کووند کو بھیجے گا۔اب سب کی نظریں صدر لگی ہوئی ہیں، جو اس معاملے پر حتمی مہر لگائیں گے۔

پروین توگڑیا کاوشوہندوپریشد سے کوئی تعلق نہیں، سنت سمیلن میں رام مندرپر نہیں آئے گی تجویز: سوامی چنمیانند

وی ایچ پی کے صدر پروین توگڑیا کی طرف سے حکومت پر ان کے خلاف سازش کرنے اور انکاؤنٹر کر نے کی سازش جیسے الزامات کے بعد نہ صرف آر ایس ایس بلکہ وی ایچ پی نے بھی پورے تنازعہ سے خود کو الگ کر لیاہے

مہاتما گاندھی کو’’راشٹریہ پتا‘‘ کہناغلط،شنکرآچاریہ سروپانند کی زبان بے لگام 

اپنے متنازع بیانات کے لئے جانے جانے والے شنکرآچاریہ سوامی سوروپانندنے پھر ایک بار متنازعہ بیان دے کر ایک تنازعہ کو جنم دے دیا ہے۔انہوں نے مہاتما گاندھی کو بابائے قوم کہے جانے پراعتراض کیا ہے۔

حج کا معاملہ مسلمانوں پر چھوڑ دیا جائے،صرف حج سبسڈی روکناامتیازی سلوک،امرناتھ اورکیلاش میں بھی دی جانے والی سبسڈی ختم کی جائے: پاپولر فرنٹ آف انڈیا

مرکزی حکومت کے ذریعہ حج سبسڈی ختم کیے جانے پر، پاپولر فرنٹ آف انڈیا کی سینٹرل سیکریٹریٹ نے ایک بیان جاری کرتے ہوئے کہا کہ حکومت کو چاہئے کہ وہ مذہبی معاملات کو ان کے ماننے والوں پر چھوڑ دے اور ملک و بیرون ملک مختلف مذہبی اعمال پر دی جانے والی تمام مراعات کو ختم کرے۔

22جنوری ووٹرلسٹ میں نام درج کرنے یاترمیم و اضافے کی آخری تاریخ 

ضلع پنچایت کے سی ای او مسٹر ایل چندرا شیکھر نے کاروارآکاش وانی کے فون اِن پروگرام میں سوالات کے جواب دیتے ہوئے بتایا 18سال کی عمر کو پہنچنے والے ملک کے ہر باشندے کا یہ حق ہے کہ اس کا نام ووٹر لسٹ میں شامل ہو اور اسے حق رائے حاصل ہوجائے۔

اُلائی بیٹو فساد کے تعلق سے وجرے دیہی مٹھ سوامی کو عدالت میں حاضری کا سمن جاری

منگلورو سے قریب اُلائی بیٹو نامی مقام پر9دسمبر 2014کو ہوئے فساد سے متعلق معاملے کی سماعت کے دوران منگلورو کی سیکنڈ جے ایم ایف سی عدالت نے گروپور کے وجرے دیہی مٹھ کے سوامی راج شیکھرا نندا کو شخصی طور پر عدالت میں حاضر رہنے کا سمن جاری کردیا ہے۔