20فروری سے اسکول میں بچوں کے مفت داخلوں کا آغاز

Source: S.O. News Service | By Shahid Mukhtesar | Published on 12th February 2018, 11:39 AM | ریاستی خبریں |

بنگلورو،11؍فروری(ایس او نیوز)سرکاری اور خانگی اسکولوں دونوں طرح کی اسکولوں میں 25 فیصدی آن لائن داخلوں کی کارروائی کا آغاز اب20 فروری سے کرنے کے لئے محکمہ تعلیم نے تیاریاں شروع کردی ہیں۔اس سے قبل15فروری کی تاریخ ہی سے داخلوں کی شروعات کا اعلان کیا گیا تھا لیکنکچھ تکنیکی ضروریات کے تحت 19 تاریخ کو پانچ دنوں کے لئے آگے بڑھا دیا گیا ہے، واضح رہے کہ پچھلے سال سے ہی آدھار کارڈ کو داخلوں کے لئے لازمی قرار دیا جا چکا ہے اور اس میں درج پن کوڈ نمبر کی بنیاد پر ہی وارڈوں کی تقسیم اور داخلہ کے لئے اسکولوں کی فہرست کی تیاری ہوئی ہے۔اب والدین یا سرپرستان کو آن لائن درخواست جمع کرنے میں کوئی پریشانی نہیں ہوگی، درخواست جمع کرنے کے وقت ہی ان کی وارڈ حدود میں کون کون سی اسکولس موجود ہیں اور کن اسکولوں میں داخلہ حاصل کیا جا سکتا ہے اس کی تفصیلات مل جائیں گی اور مزید برآں ضروری دستاویزات کی جانچ بھی آن لائن ہی ہو جائے گی۔ پچھلے سال وارڈ سے باہر رہنے والے کئی افراد نے غلط دستاویزات بنا کر اپنی پسند کی اسکولوں میں داخلہ لے لیا تھا لیکن اس مرتبہ یہ ممکن نہیں ہوگا اس لئے کہ آن لائن رجسٹریشن کے موقع پر ایسی دستاویزات خود بخود مسترد کر دی جائیں گی۔محکمہ تعلیم کے ڈائرکٹر کے آنند نے بتایا کہ ،آن لائن میں آر ٹی ای کے تحت بچوں کے داخلہ کے سلسلہ میں محکمہ کی طرف سے کیا گیا تجربہ تقریباً کامیاب رہا ہے۔

ایک نظر اس پر بھی

ملپے سے گم شدہ ماہی گیر کشتی معاملہ میں نیا موڑ: نیوی کے افسران نے مانا کہ جنگی جہاز سے ہواتھا کشتی کا تصادم

مہاراشٹرا میں سندھو درگ کے قریب سمندر میں ماہی گیری کے دوران مچھیروں سمیت لاپتہ ہونے والی کشتی ’سوورنا تریبھوجا‘ کے تعلق سے اب ایک نیا موڑ سامنے آیا ہے اور تحقیقاتی افسران کو یقین ہوگیا ہے کہ اس ماہی گیر کشتی کی ٹکر بحریہ کے ایک جنگی جہاز’آئی این ایس کوچی‘ سے ہوئی اور ماہی ...

کاروار بوٹ حادثہ: زندہ بچنے والوں نے کیا حیرت انگیز انکشاف قریب سے گذرنے والی بوٹوں سے لوگ فوٹوز کھینچتے رہے، مدد نہیں کی؛ حادثے کی وجوہات پر ایک نظر

کاروار ساحل سمندر میں پانچ کیلو میٹر کی دوری پر واقع جزیرہ کورم گڑھ پر سالانہ ہندو مذہبی تہوار منانے کے لئے زائرین کو لے جانے والی ایک کشتی ڈوبنے کا جو حادثہ پیش آیا ہے اس کے تعلق سے کچھ حقائق اور کچھ متضاد باتیں سامنے آرہی ہیں۔ سب سے چونکا دینے والی بات یہ ہے کہ کشتی جب  اُلٹ ...

گرفتاری کے خوف سے رکن اسمبلی جے این گنیش روپوش

بڈدی کے ایگل ٹن ریسارٹ میں ہوسپیٹ کے رکن اسمبلی آنند سنگھ پر حملہ کرنے والے رکن اسمبلی جے این ۔ گنیش کے خلاف بڑدی پولیس تھانہ میں ایف آئی آر داخل کرنے کی خبر کے بعد سے گنیش لاپتہ ہیں ۔

وسویشوریا یونیورسٹی رجسٹرار پر200کروڑ کے گھپلے کا الزام گورنر نے چھان بین کے لئے وظیفہ یاب جج کو مقرر کیا ۔ تعاون کرنے ملزم کو ہدایت

وسویشوریا ٹکنالوجیکل یونیورسٹی (وی ٹی یو) کے رجسٹرار اب مشکل میں پڑگئے ہیں۔ گورنر واجو بھائی روڈا بھائی والا نے جو یونیورسٹی کے چانسلر بھی ہیں،200کروڑ روپئے تک کے گھوٹالے کی چھان بین کا حکم دیا ہے۔

لنگایت طبقہ کے مذہبی رہنما شیوکمارسوامی کی آخری رسومات ادا، اسلامی تعلیمات اوراردو زبان سے بھی تھی واقفیت

یاست کرناٹک کی ایک عظیم شخصیت، لنگا یت طبقہ کے مذہبی رہنما، شیوکمارسوامی جی کی آج آخری رسومات انجام دی گئیں۔ بنگلورو کے قریب واقع ٹمکورشہرمیں شیوکمارسوامی جی کولنگایت رسومات کے مطابق دفنایا گیا۔ سدگنگا مٹھ میں آج اورکل لاکھوں کی تعداد میں لوگوں نے سوامی جی کا آخری ...