سبریملا مندر میں عورتوں کی پوجا کا معاملہ۔ سنگھ پریوار رضاکاروں کا زبردست احتجاج۔کل 3جنوری کو مکمل بند کا اعلان

Source: S.O. News Service | By I.G. Bhatkali | Published on 2nd January 2019, 9:49 PM | ساحلی خبریں | ملکی خبریں |

تھیرو اننت پورم2؍جنوری ( ایس او نیوز) کیرالہ کے مشہور زمانہ سبریملا آئیپّا مندر میں پچاس سال سے کم عمر کی خواتین کے داخلے پر لگی پابندی کو توڑتے ہوئے آدھی رات کو پولیس کے تحفظ میں دو خواتین کے اندر گھس کر پوجا کرنے کی خبر سے پوری ریاست کیرالہ میں کشیدگی پھیل گئی ہے اورسبریملا کرما سمیتی نے 3جنوری کوریاست گیرپیمانے پر صبح سے شام تک احتجاجی بند منانے کا اعلان کیا ہے۔

صدیوں پرانی روایت اور سپریم کورٹ کا فیصلہ: خیال رہے کہ صدیوں سے اس مندر میں دس اور پچاس سال کے درمیانی عمر والی خواتین کو مندر کے اندرحجرۂ مقدس تک جانے کی اجازت نہیں دی جارہی ہے۔ اس پابندی کے خلاف سپریم کورٹ میں شنوائی کے بعد عدالت نے یہ پابندی ہٹا دی تھی اور ہر عمر کی عورتوں کے لئے مندر کے دروازے کھول دینے کا حکم جاری کیا تھا۔

ہندوشدت پسندوں کی مخالفت: مگر مندر کمیٹی اور کٹر پنتھی ہندو تنظیمو ں کے علاوہ بی جے پی اور آر ایس ایس نے اس اجازت نامے کو اپنے مذہبی معاملات میں مداخلت قراردیتے ہوئے اس کی سخت مخالفت کی تھی اور کسی بھی حالت میں مندر کے اندر عورتوں کو داخلہ دینے سے انکار کردیا تھا ۔ جبکہ ریاستی حکومت نے سپریم کورٹ کے حکم کے مطابق عورتوں کومندر تک جانے کے لئے تحفظ فراہم کرنے کا یقین بھی دلایا تھا۔اس کشمکش کے دوران پچھلے ستمبر سے اب تک کچھ عورتوں نے مندر تک جانے کی کوشش بھی کی تھی، لیکن ہندوتنظیموں کے رضاکار اور آئیپّا بھکتوں نے شدید مزاحمت کرتے ہوئے انہیں آگے بڑھنے سے روکا تھا اور واپس لوٹنے پر مجبور کردیا تھا۔

آدھی رات کو خفیہ مہم: اب یکم جنوری کی رات کو 3.30بجے میڈیا اور خاص شخصیات کے لئے مختص راستے سے بِندو اور درگا نامی دو خواتین نے سادہ لباس والے پولیس اہلکاروں کے تحفظ میں مندر کے اندر جاکر بھگوان کا درشن کیاجس کا ویڈیو فوٹیج وائرل ہونے کے بعد ریاست کیرالہ میں کہرام مچانے کی کوشش کی جارہی ہے۔ وائرل فوٹیج میں ایسا لگتا ہے جیسے ان دوخواتین میں سے ایک نے کالا برقعہ پہن رکھا ہے۔ان خواتین کاکہنا ہے کہ حکومت کی طرف سے انہیں تعاون کا وعدہ کیاگیا تھا جس کے بعد انہیں خصوصی راستے سے مندر کے اندر داخلے کا موقع مل گیا۔ ویڈیو فوٹیج وائر ل ہوتے ہی مندر کمیٹی نے ہنگامی میٹنگ کے بعد ایک گھنٹے کے لئے مندر کو بھکتوں کے لئے بند کردیا تاکہ عورتوں کے داخلے سے جو ناپاکی ہوئی ہے ، اس کا’ شدھی کرن‘کیا جاسکے۔

حکومت کے خلاف شدید اشتعال: اس معاملے پر وزیر صنعت ای پی جیا رام نے کہا کہ’’ مندرکے پجاری کو مندر بند کرنے کا کوئی حق نہیں تھا۔یہ عدلیہ کو چیلنچ کرنے جیسا ہے۔ حکومت نے تو سپریم کورٹ کی ہدایات پر عمل درآمد کرنے کے سلسلے میں اپنا رول ادا کیا ہے۔‘‘ کانگریسی لیڈر رمیشن چینی تھلا نے بائیں بازو کی حکومت کے خلاف سخت احتجاج کرنے کی اپیل کرتے ہوئے کہا ہے کہ ’’وجیان (وزیراعلیٰ) کو اس کی بھاری قیمت چکانی ہوگی ۔‘‘ جبکہ دوسرے کانگریسی لیڈر کے سدھاکرن نے کہا کہ وجیان ایک فاشسٹ ہے اور یہ دو خواتین اس کی کٹھ پتلیاں تھیں۔کچھ ایسے ہی خیالات کا اظہار بی جے پی کے ریاستی سکریٹری ایم ٹی رمیش نے کہی اور رات کے اندھیرے میں خواتین کو مندر کے اندر لے جانے کو بزدلانہ اقدام قرار دیا ہے۔

دھرمستھلا دھرم ادھیکاری بھی ناخوش: سبریملا مندر کے اندر خواتین کے داخلے پر دھرمستھلا کے دھرم ادھیکاری ڈاکٹر ویریندرا ہیگڈے نے اپنی ناراضی جتاتے ہوئے کہا کہ جو لوگ ضد اور ہٹ دھرمی پر اڑے ہوئے تھے ان کے دل کو اب ٹھنڈک ملی ہوگی۔ ہیگڈے کے مطابق یہ جو کچھ ہوا ہے ٹھیک نہیں ہے۔ اب لوگ مندر میں داخلے کے رسومات کی پابندی نہیں کر رہے ہیں۔ صبح میں مالا پہنتے ہیں اور دوپہر کو درشن کے لئے جاتے ہیں۔ اسی وجہ سے یہ نوبت آگئی ہے۔

کمیونسٹ اور سنگھی کارکنان کے درمیان تصادم : مندر کے اندرخواتین کے داخلے کی خبر عام ہونے کے بعد سنگھ پریوار سے وابستہ تنظیموں کے کارکنان احتجاج کے لئے سڑکوں پر اتر آئے ہیں۔ انہوں نے ریاستی وزیراعلیٰ پینارائے وجیان کی حکومت کو اقتدار سے ہٹائے بغیر دم نہ لینے کا اعلان کیا ہے۔مختلف مقامات سے بسوں پر پتھراؤ اور سڑکوں پر ٹائر جلاکر احتجاج کرنے کی خبریں موصول ہورہی ہیں۔دارالحکومت تھیرواننت پورم میں سی پی آئی ایم اور سنگھ پریوار کارکنان کے تصادم کو روکنے اور مشتعل ہجوم کو منتشر کرنے کے لئے پولیس نے پانی کے توپ کے علاوہ آنسو گیس کا استعمال کیا۔ کوچی ، پالگھاٹ، کاسرگوڈ اور کوزی کوڈ جیسے شہروں سے بھی احتجاجی مظاہروں کی خبریں مل رہی ہیں۔اس کے علاوہ کیرالہ حکومت کے مختلف وزراء کی رہائش گاہوں کے سامنے یا ان کے کسی پروگرام کے مقام پر سنگھ پریوار کے کارکنان کی طرف سے احتجاجی مظاہرے کیے جانے کی بات بھی معلوم ہوئی ہے۔ 

اس دوران کیرالہ کے تاجروں کی سب سے بڑی انجمن KVVESنے دکانیں بند نہ کرنے کا اعلان کرتے ہوئے کہا ہے کہ بار بار کی ہڑتال کی وجہ سے تجارت کا نقصان ہوتا ہے۔مگر لگتا ہے کہ 3جنوری کا دن کیرالہ میں امن وامان کے لئے ایک اور مشکل دن ثابت ہوگا۔

ایک نظر اس پر بھی

اسپتال قائم کرنا میری ذمہ داری نہیں ہے: کاروار میں ایم پی اننت کمار ہیگڈے کا تکبرانہ بیان

ضلع شمالی کینرا میں ایک ٹراما سینٹر اور سوپر اسپیشالٹی ہاسپٹل تعمیر کرنے کے لئے سوشیل میڈیا جو مہم چلائی جارہی ہے اور متعلقہ محکمہ جات کے افسران کو میمورنڈم دئے جارہے ہیں اس سلسلے میں ضلع کے رکن پارلیمان اننت کمار ہیگڈے نے اب تک کسی قسم کاردعمل ظاہر نہیں کیاتھا۔ الٹے سوشیل ...

اڈپی کے موٹر بائک شوروم میں بھیانک آتشزدگی۔ فائربریگیڈ کی بروقت کارروائی سے ٹل گیا سنگین حادثہ

یہاں اندرالی ریلوے پل سے قریب واقع ہیرو ہونڈا موٹربائک کے جئے دیوا شو روم میں اتوار کی شب میں بھیانک آتشزدگی کا واقعہ پیش آیا۔ چونکہ اس شوروم سے متصل پٹرول بنک موجود ہے اس لئے حادثہ سنگین رخ اختیار کرنے کے امکانات پیدا ہوگئے تھے، لیکن فائر بریگیڈ عملے کی بروقت کارروائی کی وجہ ...

منگلورو میں ڈینگی بخار کے 40مشتبہ مریض اسپتال میں داخل۔ریاستی سطح پر% 70ملیریا کے معاملات منگلورو میں درج ہوئے

گزشتہ تین ہفتوں کے دوران منگلورو کے گجّر کیرے نامی علاقے میں ڈینگی بخار کے 40مشتبہ مریض اسپتال میں داخل کیے گئے ہیں تفتیش کے بعد ان میں سے ایک معاملے میں ڈینگی بخار کی تصدیق ہوگئی ہے۔

منگلورو ایئر پورٹ پر 20.67لاکھ روپے مالیت کا سونا ضبط

منگلورو انٹرنیشنل ایئر پورٹ پر سونا اسمگلنگ کرنے کی کوشش کو ناکام بناتے ہوئے کسٹم کے افسران نے ایک مسافر کے قبضے سے 24کیریٹ کا608  گرام سونا ضبط کرلیا جو مسافر نے پیسٹ کی شکل میں اپنے مقعد میں چھپاکر رکھا تھا۔

کاروار میں شراب کے نشے میں دُھت کار چلانے کے دوران چار سواریوں کو ٹکر دینے کے بعد عوام نے نیوی اہلکار کی لی خوب خبر

نیوی اہلکار کو کاروار میں  اُس وقت عوام  کے ہاتھوں بری طرح    پٹنا پڑا جب  شراب کے نشے میں ڈرائیونگ کرنے کے دوران اس کی کار  یکے بعد دیگرے چار کاروں سے ٹکرا گئی۔ واردات  کاروار کے بِنگا میں کدمبا نیوی کے گیٹ کے قریب سنیچر شب کو  پیش آیا۔

الیکشن کمیشن کا حلف نامہ - گجرات میں راجیہ سبھا انتخابات قانون کے مطابق، کمزور پڑ رہی کانگریس 

گجرات میں راجیہ سبھا انتخابات کو لے کر کانگریس کی درخواست پر الیکشن کمیشن نے حلف نامہ داخل کیا ہے الیکشن کمیشن نے دو سیٹوں پر الگ الگ انتخابات کرانے کے اپنے فیصلے کو برقرار رکھا۔

بی ایس این ایل کی حالت خراب؛ ملازمین کو جون کی تنخواہ دینے کے لیے نہیں ہیں رقم

رکاری ٹیلی کام کمپنی بی ایس این ایل نے حکومت کو ایک خط  بھیجا ہے، جس میں کمپنی نے آپریشنز جاری رکھنے میں تقریبا نااہلی ظاہر کی ہے۔کمپنی نے کہا ہے کہ رقم میں  کمی کے سبب کمپنی کے ملازمین کو  جون ماہ کی تنخواہ  تقریبا 850 کروڑ روپے  دے پانا مشکل ہے۔کمپنی پر ابھی قریب 13 ہزار کروڑ ...