سرینگر 16 مارچ (ایس او نیوز؍آئی این ایس انڈیا ) بی جے پی کے ایک رہنما کے ذاتی سیکورٹی گارڈ سے ہتھیار چھیننے کی ناکام کوشش کے بعد سیکورٹی فورسز کے ساتھ ہوئے مبینہ تصادم میں کم از کم دو جنگجو مارے گئے۔ کل دہشت گردوں نے پلوامہ ضلع کے بلہاما میں بی جے پی لیڈر انور خان کے کانسٹیبل بلال احمد کی سروس رائفل چھیننے کی کوشش کی گئی تھی ۔ پولیس کے ایک ترجمان نے بتایا کہ خان کے ساتھ موجود پولیس اہلکاروں نے دہشت گردوں کی یہ کوشش ناکام بنا دی واضح ہو کہ اس دوران احمد کو ایک گولی بھی لگ گئی ہے ۔ ترجمان نے مبینہ طور پر کہاکہ ابھی تک دو دہشت گردوں کی لاشیں برآمد کی گئی ہیں، ان کی شناخت ابھی تک نہیں ہو پائی ہے،علاوہ ازیں انہوں نے کہاکہ ہتھیاروں اور گولہ بارود سمیت دیگر مواد بھی وہاں سے برآمد کئے گئے ہیں جائے تصادم پر سرچ آپریشن جاری ہے کیونکہ حادثہ کے وقت وہاں تیسرے دہشت گرد کے ہونے کی بھی خبر ہے ۔