منگلورو میں رشوت لینے کے دوران اے سی بی نے مارا چھاپہ؛ 2افسران گرفتار

Source: S.O. News Service | By I.G. Bhatkali | Published on 27th October 2018, 11:54 AM | ساحلی خبریں | ان خبروں کو پڑھنا مت بھولئے |

منگلورو27؍اکتوبر(ایس اونیوز) ایک کالج کی عمارت میں توسیع کرتے ہوئے دوکمرے اور ایک ٹوئلیٹ تعمیر کرنے کی اجازت دینے کے لئے مبینہ طور پر رشوت لینے والے دوافسران کو اینٹی کرپشن بیورو نے گرفتار کرلیا ہے۔

موصولہ رپورٹ کے مطابق گرفتار کیے گئے افسران میں ایک کا نام سوریہ نارائنا بھٹ ہے جو کہ رورل ڈیولپمنٹ اور پنچایت راج محکمے میں ٹیکنیکل اسسٹنٹ ہے اور دوسرے کا نام سدھین ہے جو اسسٹنٹ انجینئر کے عہدے پر فائز ہے۔ اے سی بی ٹیم کے چھاپے میں شامل افسران کا کہنا ہے کہ رشوت میں لی گئی رقم کے علاوہ ان ملزمین کے پاس سے 26ہزار اضافی رقم بھی دستیاب ہوئی ہے۔

بتایاجاتا ہے کہ چکمگلورو ضلع کے کالسا نامی مقام پر گورنمنٹ پی یو کالج میں دوکمرے اور ٹوئلیٹ تعمیر کرنے کے لئے باپونگر موڈیگیرے کے آدم نے اپنے عمر رسیدہ والد ابوبکر کے نام سے ٹینڈر کے ذریعے اپنی پیش کش رکھی تھی۔آدم کے بارے میں بتایا جاتا ہے کہ اس نے انجینئرنگ کی تعلیم مکمل کرنے کے بعد تعمیراتی ٹھیکے لینا شروع کیا ہے اور گزشتہ دس برسوں سے اپنے والد کے ساتھ مل کر یہ کام کررہا ہے۔

جب مذکورہ ٹینڈر آدم کے والد ابوبکر کے نام پر منظور ہواتو سوریہ نارائنا بھٹ نے آدم کو موبائل فون کے ذریعے پیغام دیا کہ دفتر کے سپرنٹنڈنگ انجینئر رویندرا اس ٹینڈر کو ابوبکر کے نام پر دینے کے لئے 50ہزار روپے طلب کررہا ہے۔مبینہ طور پر فون پر گفتگو کے بعدسوریہ نارائنا بھٹ نے آدم سے کہا کہ رقم کے سلسلے میں مزید کمی بیشی پر گفتگو ہوسکتی ہے ، لیکن وہ کم از کم 50فیصدرقم کے ساتھ دفتر میں آکر ملاقات کرے۔

آدم نے اینٹی کرپشن بیورو پہنچ کر مذکورہ بالا تین افسران کے خلاف شکایت درج کروائی۔ اس کے بعد منصوبے کے تحت اے سی بی کی ٹیم نے سٹی کارپوریشن کی عمارت میں واقع پنچایت راج دفتر میں پہنچ کر دو افسران کوآدم کے ہاتھ سے 25ہزار روپے رشوت لیتے وقت اپنے جال میں پھانس لیا۔اے سی بی افسران نے جب تلاشی لی تو بھٹ کے بیگ سے 26ہزار روپے کی اضافی رقم دستیاب ہوئی جس کے بارے میں بھٹ کی جانب سے کوئی اطمینان بخش جواب نہیں ملا۔

اے سی بی سپرنٹنڈنٹ آف پولیس شروتھی این ایس، ڈپٹی سپرنٹنڈنٹ سدھیر ایم ہیگڈے، اڈپی ڈپٹی سپرنٹنڈنٹ دینکر شیٹی، انسپکٹر یوگیش کمار اور دیگر افسران اس چھاپہ ماری میں شامل رہے۔

ایک نظر اس پر بھی

لوک سبھا انتخابات؛ اُترکنڑا میں کیا آنند، آننت کو پچھاڑ پائیں گے ؟ نامدھاری، اقلیت، مراٹھا اور پچھڑی ذات کے ووٹ نہایت فیصلہ کن

اُترکنڑا میں لوک سبھا انتخابات  کے دن جیسے جیسے قریب آتے جارہے ہیں   نامدھاری، مراٹھا، پچھڑی ذات  اور اقلیت ایک دوسرے کے قریب تر آنے کے آثار نظر آرہے ہیں،  اگر ایسا ہوا تو  اس بار کے انتخابات  نہایت فیصلہ کن ثابت ہوسکتےہیں بشرطیکہ اقلیتی ووٹرس  پورے جوش و خروش کے ساتھ  ...

بھٹکل میں بی کے ہری پرساد کا بی جے پی اور مودی پر راست حملہ، کہا؛ پسماندہ طبقات کومزید کمزور کرنے کی سازش رچی جارہی ہے

بی جے پی بھلے ہی اپنے آپ کو اقلیت مخالف پارٹی کے طور پر پیش کرتی ہو، مگر  دیکھا جائے تو یہ پارٹی حقیقتاً پسماندہ طبقات، دلت اور ادیواسیوں کو  مزید  کمزور کرنے کی سازش میں لگی ہوئی ہے اور صرف ایک طبقہ کو برسراقتدار پر لانے میں کوشاں ہے۔ یہ بات  آل انڈیا کانگریس کمیٹی (اے آئی ...

اگر آپ عزت دار ماہی گیر ہیں تو آننت کمار ہیگڈے کو ہرگز ووٹ نہ دیں؛ بھٹکل میں ماہی گیروں سے پرمود مدھوراج کی اپیل

اگر آپ عزت دار ماہی گیر ہیں تو  آپ کو چاہئے کہ  ماہی گیروں کی پرواہ نہ کرنے والے بی جے پی اُمیدوار آننت کمار ہیگڈے  کو ہرگز ووٹ  نہ دیں۔ ملپے سے نکلی سات ماہی گیروں پر مشتمل بوٹ لاپتہ ہوکر  پانچ ماہ ہوچکے ہیں مگر مرکزی وزیر آننت کمار ہیگڈے کو ماہی گیروں کی پرواہ ہی نہیں ہے۔ ...

منگلورو میں ایک عجیب سانحہ۔بوتھ کے آخری ووٹر نے ووٹ دینے کے بعد لی آخری سانس

پاجیرو گاؤں کے پانیلا میں ایک شخص نے پولنگ بوتھ میں اپنا ووٹ ڈالنے کے بعد گھر لوٹتے ہی دم توڑ دیا۔پانیلا کے رہنے والے والٹر ڈیسوزا(۴۰سال) گردے کی بیماری میں مبتلا تھاجس کے لئے وہ بہت عرصے سے زیرعلاج تھا۔

لوک سبھا انتخابات: اُترکنڑا ڈپٹی کمشنر نے کمٹہ اوربھٹکل میں پارلیمانی انتخابات کی تیاریوں کا لیا جائزہ

ڈپٹی کمشنر ڈاکٹر ہریش کمار نے ضلع شمالی کینرا کے حلقے میں واقع کمٹہ اور بھٹکل شہروں میں پارلیمانی الیکشن کے لئے انتظامیہ کی طرف سے کی گئی حتمی تیاریوں کا معائنہ کیا۔

دو مراحل میں ایس پی۔بی ایس پی اور کانگریس ’ صفر‘: یوگی

اتر پردیش کے وزیر یوگی آدتیہ ناتھ نے جمعہ کو کہا کہ لوک سبھا انتخابات کے لئے ووٹنگ کے اختتام پذیر ہو چکے دو مراحل میں ایس پی، بی ایس پی اور کانگریس ’ صفر‘ رہی ہیں۔ یوگی نے سنبھل میں ایک جلسہ عام میں کہا کہ ووٹنگ کے دو مرحلے ہو چکے ہیں۔ بی جے پی کو سب سے زیادہ ووٹ ملے ہیں۔ انہوں نے ...

لوک سبھا انتخابات: کیا اُترکنڑا میں انکم ٹیکس کے مزید چھاپے پڑنے والے ہیں؟

پارلیمانی الیکشن کے پس منظر میں محکمہ انکم ٹیکس اور انتخابی نگراں اسکواڈ کی طرف سے مختلف ٹھکانوں پر جو چھاپے مارے جارہے ہیں، اس تعلق سے خبر ملی ہے کہ ضلع شمالی کینرا میں مزیدکئی سیاسی لیڈروں اورتاجروں کے ٹھکانوں پر چھاپے پڑنے والے ہیں۔