ہندواڑہ میں تصادم، لشکر کے دودہشت گرد ہلاک

Source: S.O. News Service | By Shahid Mukhtesar | Published on 11th September 2018, 8:32 PM | ملکی خبریں |

جموں،11؍ ستمبر (ایس او نیوز؍آئی این ایس انڈیا) جموں و کشمر کے ہندواڑہ کے لنگیٹ میں سیکورٹی دستوں اور دہشت گردوں کے درمیان ہوئے ایک تصادم میں سیکورٹی دستوں نے لشکر طیبہ کے دو دہشت گردوں کو مار گرایا ہے۔ سیکورٹی دستوں کے ذریعہ جائے وقوع سے دہشت گردوں کی لاشوں کے ساتھ ہتھیار اور گولہ بارود بھی برآمد کیا گیا ہے۔آخری خبریں موصول ہونے تک سیکورٹی دستے علاقہ میں تلاشی مہم چلارہے تھے۔

موصولہ اطلاع کے مطابق پیر کی شب ڈھائی بجے کے قریب لنگیٹ کے گلورا علاقہ میں دہشت گردوں کی موجودگی کی اطلاع کی بنیاد پر فوج کی 30آر آر(راشٹریہ رائفلز)، سی آر پی ایف کی 92بٹالین اور پولس کے جوانوں کی ایک مشترکہ ٹیم نے پورے علاقہ کو گھیر کر دہشت گردوں کوپکڑنے کے لئے تلاشی مہم چلائی۔تلاشی مہم کے دوران علاقہ میں چھپے دہشت گردوں نے سیکورٹی دستوں کو قریب آتا دیکھ کرگولہ باری شروع کر دی۔ اس کے بعد تصادم شروع ہو گیا۔ منگل کی صبح تک چلے تصادم میں سیکورٹی دستوں نے لشکر کے دو دہشت گردوں وک مار گرایا ۔سیکورٹی دستوں کے ذریعہ دہشت گردوں کی لاشوں کو برآمد کر لیا گیا ہے۔ ڈی جی پی دلباغ سنگھ نے اس تصادم کی تصدیق کرتے ہوئے کہا کہ آپریشن تقریباً ختم ہو گیا ہے۔ اس دوران تصادم کے پیش نظر انتظامیہ نے ہندواڑہ کے کئی علاقوں میں موبائل انٹرنیٹ خدمات منسوخ کردی ہیں۔ تصادم میں دو دہشت گردوں کی موت کی وجہ سے تشدد پھیلے کے خدشہ کے پیش نظر انتظامیہ نے منگل کے روز جی ڈی سی ہندواڑہ اور لنگیٹ و ماوار علاقوں میں ہائر سیکنڈری تک کے اسکولوں میں بند رکھنے کا فیصلہ لیا گیا ہے۔ 
 

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...