نالندہ میں آر جے ڈی رہنما کے قتل پر کشواہا نے آئینہ دکھایا، نتیش جی کم از کم اپنے آبائی ضلع کو تو بچا لیں: کشواہا 

Source: S.O. News Service | By Shahid Mukhtesar | Published on 3rd January 2019, 9:16 AM | ملکی خبریں |

پٹنہ 3جنوری (ایس او نیوز؍ آئی این ایس انڈیا ) نئے سال کے ابتدائی 48 گھنٹے کے اندر ہی تین فائرنگ کے واقعات نے بہار کی انتظامیہ پر ایک بار پھر سوال کھڑے کر دیئے ہیں۔تازہ معاملہ صوبہ کے وزیر اعلی نتیش کمار کے آبائی ضلع نالندہ کا ہے جہاں بدھ کو آر جے ڈی لیڈر اندل پاسوان کا گولی مار کر قتل کر دیا گیا۔ اس واقعہ کے بعد آر ایل ایس پی صدر اوپیندر کشواہا نے نتیش پر نشانہ لگایا۔ انہوں نے ٹوئٹ کیا کہ نتیش جی! اپوزیشن پارٹیوں کے لیڈروں کا چن چن کر قتل ہورہا ہے ۔ آپ کی حکومت میں قتل، لوٹ، اغوا، جنسی درندگی جیسی وارداتیں تو عام ہو چکی ہیں،کم از کم آپ اپنے آبائی ضلع کو تو بچا لیجئے یا 2020 کے پہلے ہی بہار چھوڑنے کی تیاری ہے؟واضح ہو کہ یکم جنوری کو اندل پاسوان کا اپنے ہی گاؤں کے کچھ لوگوں سے کسی بات کو لے کر جھگڑا ہوا تھا۔ اسی بات کو لے کر گاؤں کے ہی کچھ نوجوانوں نے اندل پاسوان کا گولیوں سے بھون کر قتل کر دیا۔غور طلب ہے کہ قتل کے واقعہ کو جہاں انجام دیا گیا وہ علاقہ کافی بھیڑ بھاڑ والا علاقہ ہے۔ اس کے باوجود بھی مجرم آرام سے فرار ہونے میں کامیاب ہو گئے۔ واقعہ کی اطلاع ملتے ہی دیہی عوام مشتعل ہو گئے اور ایک مکان کی توڑ پھوڑ کی اور آگ کے حوالے کر دیا۔ بھاری تعداد میں پہنچ کر پولیس صورتحال کو کنٹرول کر رہی ہے۔ اس واقعہ کے بعد پورے گاؤں میں افراتفری مچی ہے۔جائے واقعہ سے مہلوک آر جے ڈی لیڈر کی موٹر سائیکل برآمد کی گئی ہے۔ مجرموں نے آر جے ڈی لیڈر کے قتل کے بعد لاش کو گھسیٹتے ہوئے کھیت میں پھینک دیا تھا ۔
 

ایک نظر اس پر بھی

چوکیدارکا ٹھپہ نہیں چاہتی پرائیویٹ سیکورٹی انڈسٹریز

قریب 80 لاکھ پرائیویٹ سیکورٹی گارڈز والی انڈسٹری وزیر اعظم نریندر مودی کے ’چوکیدار‘ مہم سے بہت حوصلہ افزاء نہیں ہے، البتہ وہ اپنی بہت مشکلات کو لے کر خود مرکزی حکومت سے لڑ رہی ہے۔سیکورٹی سروسز پر 18فیصد جی ایس ٹی کے خلاف برسرپیکار رہی کمپنیاں اب حکومت پر وعدہ خلافی کا الزام لگا ...

بورڈنگ پاس پر مودی کی تصویر پر تنقید کے بعد ایئر انڈیا نے انہیں واپس لیا

ایئر انڈیا نے تنقید کے بعد وزیر اعظم نریندر مودی اور گجرات کے وزیر اعلی وجے روپانی کی تصاویر والے بورڈنگ پاس واپس لینے کا فیصلہ کیا ہے۔ایئر لائنز نے پہلے کہا تھا کہ تصاویر والے بورڈنگ پاس تیسری پارٹی کے اشتہارات کے طور پر جاری کئے گئے اور اگر یہ مثالی ضابطہ اخلاق کی خلاف ورزی ...

دہلی میں خدمات پر کنٹرول کے معاملے پر فیصلے کیلئے وسیع بنچ بنائے عدالت عظمی: آپ حکومت

قومی راجدھانی دہلی میں انتظامی خدمات پر کنٹرول کے معاملے پر جلد فیصلہ لینے کے لیے آپ حکومت نے پیر کو سپریم کورٹ سے ایک وسیع بنچ قائم کرنے کی درخواست کی۔چیف جسٹس رنجن گوگوئی اور جسٹس دیپک گپتا کی بنچ کے سامنے اس معاملے کا ذکر کیا گیا تو بنچ نے آپ حکومت کے وکیل سے کہا کہ اس پر غور ...

عدالت نے منی لانڈرنگ کیس میں گوتم کھیتان اور تین دیگر کو طلب کیا

دہلی کی ایک عدالت نے منی لانڈرنگ کے ایک معاملے میں ای ڈی کی طرف سے چارج شیٹ داخل کئے جانے کے بعد پیر کو وکیل گوتم کھیتان، ان کی بیوی ریتو اور دو کمپنیوں اسمیکس اور ونڈفور کو طلب کیا۔خصوصی جج اروند کمار نے چاروں ملزمان کو چار مئی کو پیش ہونے کے لئے کہا ہے

سبرامنیم سوامی بولے: میں برہمن ہوں، چوکیدار نہیں ہو سکتا

کانگریس کی جانب سے 'چوکیدار چور ہے" کا نعرہ اچھالے جانے کے جواب میں بھارتیہ جنتا پارٹی نے " میں بھی چوکیدار ہوں' کیمپین شروع کیا۔ اس کے بعد وزیر اعظم نریندر مودی سمیت بی جے پی کے تقریبا سبھی لیڈران نے مائیکرو بلاگنگ سائٹ ٹویٹر پر اپنے نام کے آگے 'چوکیدار' لفظ لگایا لیا۔