چین میں لینڈ سلائیڈنگ، 2ہلاک اور10 لاپتہ
بیجنگ،21؍جنوری(ایس او نیوز؍آئی این ایس انڈیا)وسطی چین میں مٹی کے تودے گرنے سے دو مزدور ہلاک اور دس لاپتہ ہو گئے ہیں۔ چینی صوبے ہنان کے علاقے نان ژانگ کی مقامی انتظامیہ کے مطابق مزدور ایک ہوٹل کی تعمیر کے لیے زمین کھود رہے تھے کہ وہ اِس حادثے کا شکار ہو گئے۔ امدادی ورکروں نے ملبے تلے دبے تین افراد کو زندہ نکال لیا ہے۔ چینی سرکاری نیوز ایجنسی شنہوا کے مطابق مزدور ایک تین منزلہ ہوٹل کی تعمیر کے لیے ڈھلان پر کام کر رہے تھے کہ مٹی کے تودے زیر تعمیر ہوٹل پر آن گرے۔ ان تودوں کے گرنے سے ہوٹل کا تین ہزار کیوبک میٹرز کا ملبہ کام میں مصروف مزدوروں پرآن گرا۔ مقامی پولیس نے اِس حادثے کی تفتنیش شروع کر دی ہے۔