ہبلی :شراب کے نشے میں گروہی جھگڑا۔2کو چاقو گھونپا گیا
ہبلی 7؍اگست (ایس او نیوز) شراب کے نشے میں مدہوش نوجوانوں کے دو گروہوں میں شروع ہونے والے جھگڑے میں دو لوگوں کو چھرا گھونپنے کی واردات ہبلی کے اُنکل میں واقع ایک ہوٹل میں پیش آئی ہے۔
چاقو کے وار میں شدید زخمی ہونے والوں کی شناخت شاہد(۲۵سال) اور عاقب(۲۶سال) بتائی جاتی ہے، جنہیں شہر کے نجی اسپتال میں داخل کیا گیا ہے ۔ اس خونیں حملے کے لئے کرشنا کھوڑے، پیوش پرجاپتی، نرمل پرمار اور راجیو چودہری کو ذمہ دار قرار دیا جارہا ہے۔بتایا جاتا ہے کہ شراب نوشی کے دوران زبانی تکرارسے بات آگے بڑھتی گئی اور بالآخر چاقوزنی پر ختم ہوگئی۔ اس سلسلے میں ودیانگر پولیس اسٹیشن میں معاملہ درج کرکے تحقیقات شروع کی گئی ہے۔