نئی دہلی،12اگست(ایس او نیوز؍آئی این ایس انڈیا)بہار کے مظفر پور کے شیلٹرہوم کا معاملہ ابھی تھما بھی نہیں تھا کہ پٹنہ کے راجیو نگر علاقے میں واقع آسرا شیلٹر ہوم میں 2 لڑکیوں کی موت ہو گئی ہے، دونوں لڑکیوں کو پی ایم سی ایچ اسپتال میں داخل کرایا گیا تھا جہاں علاج کے دوران دونوں کی ہفتے کی شام موت ہو گئی۔
حیرانی کی بات یہ کہ لڑکیوں کی موت کی خبر پولس کو 24 گھنٹے بعدملی ہے، پولس کا کہنا ہے کہ شیلٹر ہوم نے لڑکے اور لڑکیوں کے بارے میں انہیں کوئی معلومات نہیں دی تھی۔ پولس کا کہنا ہے کہ مجسٹریٹ کے آنے کے بعد انہیں اس معاملے کی اطلاع ملی۔ فی الحال پولس نے دونوں لاشوں کا پوسٹ مارٹم کروا دیا ہے اور پورے معاملے کی تحقیقات کر رہی ہے۔
یہاں کے شیلٹر ہوم میں 70 خواتین اور لڑکیاں رہتی ہیں، مقامی لوگوں کا الزام ہے کہ یہاں خواتین کو مناسب طریقے سے نہیں رکھا جاتا ہے، لوگوں کے مطابق، رات کو بھی شیلٹر ہوم میں لوگوں کا آنا جانا لگا رہتا ہے، شروعاتی جانچ میں شیلٹر ہوم میں بہت کمیاں پائی گئی ہیں۔