کرناٹک کو انیل بھاگیہ اسکیم سے زیادہ کنکشن فراہم کرنے کا مطالبہ

Source: S.O. News Service | By Shahid Mukhtesar | Published on 10th September 2018, 9:15 PM | ریاستی خبریں |

بنگلورو،10؍ستمبر(ایس اونیوز) وزیر اعلیٰ ایچ ڈی کمار سوامی نے آج مرکزی وزیر برائے پٹرولیم دھرمیندر پردھان سے مطالبہ کیا کہ ریاستی حکومت کو مرکزی حکومت کی انیل بھاگیہ اسکیم کے تحت زیادہ گیس کنکشن مہیا کرائے جائیں اور کرناٹک میں اجولا اسکیم کے نفاذ کے لئے مرکزی حکومت بھرپور تعاون کرے۔

وزیر اعلیٰ نے مرکزی وزیر سے کہا کہ تیل کمپنیوں کو ہدایت دی جائے کہ وہ شہری اور دیہی علاقوں میں خط افلاس سے نیچے زندگی بسر کرنے والے خاندانوں کو اجولا اسکیم کے تحت گیس کنکشنوں کی فراہمی میں تاخیر نہ کرے۔ انہوں نے کہاکہ وزیر اعظم اجولا اسکیم کے تحت غریب خاندانوں کو مفت ایل پی جی کنکشن اور دو سلینڈر مہیا کرانے کی اسکیم کو ریاستی حکومت نے وزیراعلیٰ انیل بھاگیہ اسکیم سے مربوط کیا ہے۔ اس اسکیم کے تحت اگلے 18تا24ماہ کے دوران 30لاکھ خاندانوں کو گیس کنکشن مہیا کرائے جائیں گے۔

وزیر اعلیٰ نے بتایاکہ 2018کی شروعات میں ہی اس اسکیم کے نفاذ کی پہل کی گئی تھی، لیکن انتخابات کی وجہ سے اسے ٹالنا پڑا۔ انہوں نے مرکزی وزیر سے مانگ کی کہ تیل کمپنیوں کو ہدایت دی جائے کہ ستمبر کے اواخر تک ریاست میں انیل بھاگیہ اسکیم کے تحت گیس کنکشن اور سلینڈر مہیاکرائے جائیں۔ مرکزی وزیر نے اس سلسلے میں تیل کمپنیوں کو مناسب ہدایت دینے کا تیقن دیا۔ وزیراعلیٰ کے ہمراہ وزیر برائے تعمیرات عامہ ایچ ڈی ریونا بھی موجود تھے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔