پہلے ٹیسٹ میں   جنوبی افریقہ نے ہندوستان کو 72رنز سے شکست دی؛ سریز میں1-0کی سبقت

Source: S.O. News Service | By Shahid Mukhtesar | Published on 10th January 2018, 1:11 PM | اسپورٹس |

کیپ ٹاؤن،9/جنوری(ایجنسی)  جنوبی افریقہ نے اپنی فاسٹ بولروں سے ہندوستان کو شکست دینے کے بعد دوسرے ٹیسٹ میچ کے لیے ڈیل اسٹین کی عدم دستیابی کے باعث ٹیم میں مزید دو فاسٹ بولروں دواننے الیور اور 21سالہ لونگی نگیڈی کو کو شامل کر لیا۔جنوبی افریقہ نے فاسٹ بولنگ کے خلاف ٹیم انڈیا کے بلے بازوں کی خامیوں کا فائدہ اٹھاتے ہوئے جہاں ایک طرف فاسٹ بولروں کے کمانڈر ڈیل اسٹین کے زخمی ہو کر میدان سے چلے جانے کے بعد صرف تین بولروں کی مدد سے ٹیم انڈیا کو ہدف سے میلوں دور روک کر پہلا ٹیسٹ میچ جیت کر سریز میں1-0کی سبقت حاصل کی وہیں ٹیم انڈیا کے لیے سریز جیتنا مشکل بنا دیا کیونکہ اسے سریز جیتنے کے لیے باقیدونوں میچ جیتنا پڑیں گے جو جنوبی افریقہ کی ٹیم میں مزیددو فاسٹ بولروں کی شمولیت سے محال نظر آرہا ہے۔

کیپ ٹاؤن میں پہلے ٹیسٹ کے چوتھے روز دونوں ٹیموں کے فاسٹ بولروں کا ہی جلوہ رہا اور ہندوستانی فاسٹ بولروں نے محض65رنز کے عوض8جنوبی افریقی کھلاڑیوں کو آؤٹ کیا تو دوسری جانب فاسٹ بولر ورنن فلانڈر کے وکٹوںکے سکسر سے جنوبی افریقہ نے ٹیم انڈیا کو 42.4اووروں میں ہی محض135رنز پر ڈھیر کر دیا۔ لیکن فاسٹ بولنگ کی اس جنگ میں جنوبی افریقہ 72رنز سے جیت گیا۔208رنز کے ٹارگٹ کے تعاقب میں ابھی ٹیم انڈیا نے ایک تہائی منزل ہی طے کی تھی کہ اس کے ٹاپ آرڈر کے پانچ بلے باز بشمول کپتان وراٹ کوہلی فلانڈر اور مورکل کا شکار بن کر پویلین جا چکے تھے۔

77رنز پر پہلی اننگز کے ہیرو ہاردک پانڈیا کے آؤٹ ہوتے ہی ٹیم انڈیا کی شکست نوشتہ دیوار بن گئی تھی۔ جسے اشون نے بھونیشور کمار کے ساتھ مل کر مٹانے کی کوشش کی لیکن 8ویں وکٹ کے لیے ابھی 49رنز کی پارٹنر شپہی ہوئی تھی کہ فلانڈر نے اشون کی اننگز ختم کر نے کے بعد اسیاوور میں محمد شامی اورجسپریت بومرا کو بھی پویلین کی راہ دکھا کر جنوبی افریقہ کو72رنز سے شاندار فتح دلا دی۔ فلانڈر کو مین آف دی میچ قرار دیا گیا۔

ٹیم انڈیا کی جانب سے اشون 53گیندوں پر پانچ چوکوںکی مدد سے 37اور کپتان کوہلی 40گیندوںپر چار چوکوں کے ساتھ28رنز بنا کر نمایاں رہے۔شکھر دھون نے 16، مرلی وجے نے13،پجارا نے 4،روہت شرما نے10، ردھیمان ساہا نے8 محمد شامی نے 4رنز بنائے جبکہ بھونیشور13رنز بنا کر غیر مفتوح رہے۔جنوبیافریقہ کیجانب سے فلانڈر نے 6اور ربادا و مورنےمورکل نے دو دو وکٹ لیے۔

ایک نظر اس پر بھی

ہرمن پریت کی کپتانی اننگز ؛ ہندوستانی خاتون ٹیم نے دی سری لنکا کو شکست ؛ پانچ میچوں کی سریز میں شاندار کامیابی

کپتان ہرمن پریت کور کی طوفانی نصف سنچری اننگز کی مدد سے ہندوستانی خاتون ٹیم نے منگل کو یہاں پانچویں اور آخری ٹی 20 بین الاقوامی کرکٹ میچ میں میزبان سری لنکا کو 51 رنز سے شکست دے کر پانچ میچوں کی سیریز 4-0 سے جیتی۔

رونالڈو۔میسی کی بادشاہت ختم لوکا موڈرک نے ’فیفا مینس پلیئر آف دی ایئر‘کا خطاب جیتا

لوکا موڈرچ نے فیفا کا سال کے بہترین کھلاڑی کا ایوارڈ حاصل کرکے کرسٹیانورونالڈو اور لیونیل میسی کی فٹ بال کے ذاتی ایوارڈز کو حاصل کرنے میں ایک دہائی سے چلی آرہی بادشاہت کو ختم کر دیا۔ریال میڈرڈ اور کروشیا کے مڈفیلڈر نے اپنے کلب اور ملک دونوں کی جانب سے شاندار کارکردگی کا مظاہرہ ...

ٹیسٹ کرکٹ کے موجودہ فارمیٹ سے چھیڑ چھاڑ نہیں کرنی چاہئے: وراٹ کوہلی

ہندوستان کے کرشمائی کپتان وراٹ کوہلی نے کہا ہے کہ ٹیسٹ کرکٹ کی موجودہ فارمیٹ سے چھیڑ چھاڑ نہیں کرنی چاہئے اور وہ نہیں چاہتے تھے کہ اسے پانچ کے بجائے چار دن کا کر دیا جائے۔آئی سی سی کرکٹ کے اس روایتی فارمیٹ کو فروغ دینے کے لیے اس میں کچھ تبدیلی کرنا چاہتی ہے

ایشیا کپ کے دوران افغان اوپنر محمد شہزاد کو اسپاٹ فکسنگ کی پیشکش

انٹرنیشنل کرکٹ کونسل (آئی سی سی) کے سخت اقدامات کے باوجود اسپاٹ فکسنگ کے عفریت نے ایک مرتبہ پھر کھیل پر اثرانداز ہونے کی کوشش کی ہے، ایشیا کپ کے دوران افغانستان کے اوپنر محمد شہزاد کو اسپاٹ فکسنگ کی پیشکش کی گئی۔

میتھیوز کی کپتانی چھنی، چنڈیمل کو ون ڈے کی بھی کمان

ایشیا کپ میں سری لنکا کی مایوس کن کارکردگی اور اس کے پہلے ہی راؤنڈ میں باہر ہو جانے کا نزلہ سری لنکا کے کپتان انجیلو میتھیوز پر گر گیا اور ان کی کپتانی چھین کر دنیش چنڈیمل کو ون ڈے ٹیم کا بھی کپتان بنا دیا گیا۔