کیرالہ میں زوردار بارش؛ چٹان کھسکنے کی وارداتیں؛ 22 ہلاک؛ مرکز سے مانگی گئی مدد

Source: S.O. News Service | By I.G. Bhatkali | Published on 9th August 2018, 5:49 PM | ساحلی خبریں | ملکی خبریں |

تھیرووننتاپورم 9/اگست (ایس او نیوز) ریاست کیرالہ کے مختلف حصوں میں جمعرات کی صبح سے جاری زبردست بارش  کے نتیجے میں اب تک ملی اطلاع کے مطابق  22  لوگوں کی موت ہو گئی ہےاور حالات کی سنگینی کو دیکھتے ہوئے ریاستی حکومت نے مرکزی حکومت سے آرمی ، نیوی اور ائرفورس کی مدد طلب کی ہے،تاکہ اِیڈوکّی  ڈیم سے پانی کا اخراج کیا جاسکے۔ بتایا جارہا ہے کہ ایشیاء کے اس سب سے بڑے ڈیم سے 26 سال بعد زائد پانی کا  اخراج کیا جارہا ہے۔یہ ڈیم 45 سال پرانا ہے۔

کوچین ائرپورٹ میں طیاروں کی   لینڈنگ پر روک
ادھر کوچین بین الاقوامی ہوائی اڈہ لمیٹڈ نے پیریار ندی میں بڑھ رہے آبی سطح کو دیکھتے ہوئے یہاں طیاروں کی لینڈنگ پر روک لگا دی تھی مگر دو گھنٹوں بعد  اسے کھول دیا گیا ہے۔ بتایا گیا ہے کہ  یہ ائرپورٹ ندی  کے قریب واقع اور آبی سطح کو بڑھتے دیکھ کر ائرپورٹ میں پانی جمع ہونے کے خدشہ کے پیش نظر احتیاطی طور پر لینڈنگ روکی گئی تھی۔ ائرپورٹ کے ایک ترجمان نے بتایا کہ احتیاطی  قدم اٹھاتے ہوئے ہم نے دوپہر ایک بج کر 10 منٹ کے بعد طیاروں کی لینڈنگ روک رکھی تھی۔ مگر دو گھنٹوں بعد ائرپورٹ کو دوبارہ کھولے جانے کی خبر ملی ہے۔

کیرالہ کے وزیراعلیٰ پینارائی وجئین نے اخبارنویسوں کو بتایا کہ زبردست بارش کے بعد  ریاست کی صورتحال کافی سنگین ہے، زبردست بارش کو دیکھتے ہوئے ہمیں ریاست کے 22 ڈیموں سے زائد پانی کو چھوڑنا پڑ رہا ہے، اس طرح کی صورتحال اس سے پہلے کبھی پیش نہیں آئی۔مزید بتایا کہ صورتحال کو دیکھتے ہوئے ہم نے ایمرجنسی میٹنگ کے بعد  آرمی، نیوی اور ائرفورس کی مدد طلب کی ہے۔ وزیراعلیٰ نے بتایا کہ چھ سب سے زیادہ  متاثرہ اضلاع میں ہم نے عوام کے لئے کنٹرول روم بھی قائم کئے ہیں۔

ریلوے ٹریک کو بھی پہنچا   نقصان
بھاری بارش کےچلتے  بدھ کو کالیکٹ  اور والائیر کے بیچ  ریلوے ٹریک کو بھی نقصان پہنچا ہے. اس روٹ پر ریل کی خدمات بند کردی گئی ہیں. ڈویژنل ریلوے مینیجر (ڈی آر ایم) اور دیگر حکام نے یہاں کا دورہ کیا ہے اور  اس روٹ  پر ٹریک کی مرمت کرنے کا کام جاری ہے۔

وائناڈ میں زبردست بارش کے نتیجے میں زمین کھسکنے کی واردات پیش آئی ہے، جس کے بعد اس پہاڑی ضلع سے روڈ کا رابطہ ٹوٹ گیا ہے۔ بتایا گیا ہے کہ آرمی کی مدد سے سڑک کی مرمت کی جارہی ہے۔

میڈیا رپورٹوں کے مطابق پچھلے چوبیس گھنٹوں میں  22 لوگوں کی موت واقع ہوئی ہے، دس لوگ لاپتہ ہیں۔ ایڈوکّی ضلع میں گیارہ لوگوں کی موت واقع ہوئی ہے، ملپّورم میں پانچ، وائیناڈ میں تین، کننّور میں دو اور کالیکٹ میں ایک شخص کی موت واقع ہوئی ہے۔

بارش  متاثرہ علاقوں سے لوگوں کو راحت دلانے کے لئے وائناڈ میں آرمی کی ایک یونٹ لگائی گئی ہے اور یہاں سے تین ہزار لوگوں کو محفوظ مقامات کی طرف منتقل کیا گیا ہے۔

رپورٹوں کے مطابق ریاست میں ایک ہزار سے زائد مکانات بارش  کی نذر ہوگئے ہیں۔

بارش کی وجہ سے چھ اضلاع میں تعلیمی اداروں کو چھٹی دے دی گئی ہے اورلوگوں کو ہدایت جاری کی گئی ہے کہ وہ  ریاست کے پہاڑی علاقوں کی طرف نہ جائیں۔ وزیراعلیٰ کی طرف سے عوام الناس سے بھی اپیل کی گئی ہے کہ وہ ڈیم والی جگہوں کا رُخ نہ کریں اور بالخصوص  سیلفی فوٹوز لینے سے احتراز کریں۔

ایک نظر اس پر بھی

کاروار : یکم نومبر کے کنڑا راجیوتسوا پروگرام میں سرکاری افسران اور عملہ کی حاضری لازمی : ضلع ڈی سی

یکم نومبر کو منائےجانے والے ریاستی تہوار ’’کنڑا راجیوتسوا‘‘  ضلعی سطح پر کاروار میں منعقد ہونے والے پروگرام میں کاروار کے تمام سرکاری عملہ لازمی طورپر شریک ہونے کی ڈپٹی کمشنر ایس ایس نکول نے ہدایات جاری کی ہیں۔

بھٹکل میں کل بدھ کو ہوگا تنطیم میڈیا ورکشاپ کا عظیم الشان اختتامی اجلاس؛ بنگلور اور حیدرآباد سے میڈیا ماہرین کریں گے خطاب

مجلس اصلاح و تنظیم بھٹکل کی جانب سے پانچ روزہ ورکشاپ کا اختتامی اجلاس کل بدھ 17/اکتوبر کو  منعقد ہوگا جس میں سنئیر جرنلسٹ اور کرناٹکا کے سابق  وزیراعلیٰ سدرامیا کے خصوصی میڈیا مشیر مسٹر دنیش امین مٹّو مہمان خصوصی کے طور پر تشریف فرما ہوں گے۔

ہوٹل میں سابق بی ایس پی رہنما کے بیٹے کی غنڈہ گردی سے پارٹی نے جھاڑا پلہ

دہلی کے پانچ ستارہ ہوٹل حیات میں ایک شخص نے سرعام غنڈہ گردی کی۔پستول لے کر لڑکی اور اس کے دوست کودھمکاتے ہوئے اس کا ویڈیو وائرل ہوا۔ملزم یوپی کے امبیڈکر نگر سے بی ایس پی کے سابق ممبر پارلیمنٹ راکیش پانڈے کابیٹاہے۔

ہوٹل کے باہر ہوئے واقعہ پر واڈرانے کہا، بچوں کی حفاظت کو لے کر لگتا ہے ڈر

کانگریس کی سینئر لیڈر سونیا گاندھی کے داماد رابرٹ واڈرا نے دہلی کے ایک ہوٹل میں ہتھیار لہرائے جانے کے واقعہ کو لے کر منگل کو کہا کہ اس منظر کو دیکھ کر انہیں اپنے بچوں اور قومی دارالحکومت کے لوگوں کی حفاظت کی فکر ہو رہی ہے۔

مودی حکومت کی الٹی گنتی شروع ہوگئی ہے، بڑھتی مہنگائی اورچینی فوجیوں کی مبینہ دراندازی پرسررندیپ جیوالا نے آئینہ دکھایا

کانگریس نے پٹرول۔ڈیزل کی قیمتوں میں اضافہ اور ہندوستانی سرحد کے اندر چینی فوجیوں کے مبینہ تجاوز کو لے کر منگل کو وزیر اعظم نریندر مودی پر نشانہ لگایا اور دعوی کیا کہ اب اس حکومت کی الٹی گنتی شروع ہو چکی ہے۔