بھٹکل:30؍جنوری (ایس او نیوز) ضلع انتظامیہ کی طرف سے فاریسٹ اتی کرم داروں کے خلاف ہورہی بے انصافی کی مذمت میں 6فروری کو ہونےو الے ’کاروار چلو ‘احتجاجی ریلی میں ضلع کے مختلف مقامات سے 15000اتی کرم دار شریک ہونے کی بھٹکل اتی کرم ہوراٹ سمیتی کے صدر راماموگیر نے جانکاری دی۔
وہ یہاں پرائیویٹ ہوٹل میں منعقدہ پریس کانفرنس میں بات کرتے ہوئے کہاکہ گزشتہ 30برس زائد عرصہ سے فاریسٹ زمینات پر رہائش اختیار کئے اتی کرم داروں کی عرضیوں کو قانون کی خلاف ورزی کرتے ہوئے افسران ایک لخت رد کررہے ہیں۔ وزیر اعظم من موہن سنگھ کے دور اقتدار میں تشکیل دی گئی ’فاریسٹ حقوق سمیتی ‘ کو دستوری درجہ دیا گیا ہے، سمیتی کے ممبران کو صحیح تربیت نہیں ہونے کی وجہ سے اتی کرم داروں کوانصاف دلانا ممکن نہیں ہوا۔ آگومبے کے مالم دورو، شیموگہ ضلع کے اتی کرم داروں کو زمینی دستاویزات کے ساتھ ان کا حق دینا ممکن ہے تو اترکنڑا ضلع کے اتی کرم داروں کے لئے ممکن نہیں ہونےپر راماموگیر نے سوال اٹھایا۔ فاریسٹ افسران فاریسٹ اتی کرم داروں کو اگلی قانونی کارروائی کو موقع نہ دیتے ہوئے عرضیوں کو رد کرکے معلومات کو خفیہ رکھا جارہاہے، ان حالات میں اتی کرم داروں کو کیا کرسکتے ہیں۔ بھٹکل سے کاروار چلو احتجاجی ریلی میں بھٹکل سے 3000لوگ شریک ہونے کا امکان ہے۔ انہوں نے بھٹکل اتی کرم داروں سے زیادہ سے زیادہ تعداد میں شریک ہونےکی اپیل کی۔ اس موقع پر رضوان، منیر، سلیمان ، اجیت بینڈیگیری ، دیوراج، شری دھرنائک، ناگیش نائک وغیرہ موجود تھے۔