نوئیڈا: والد کی کنپٹی پر پستول رکھ کر لڑکی کو کیا اغوا
نوئیڈا، 14؍ نومبر (ایس او نیوز؍ آئی این ایس انڈیا )این سی آر حلقہ اور یوگی سرکار کے زیر حکومت نوئیڈااور بالخصوص یوپی میں غنڈہ راج اپنے شباب پر ہے گرچہ یوگی اور ان کی سرکار لاکھ دعوے کرلیں ؛ لیکن حالات کچھ بھی بدلے نہیں ہیں ، بی جے پی جہاں بیٹی بچاؤ کا نعرہ لگاتی ہے وہیں نوئیڈا میں دن دہاڑے باپ کی کنپٹی پر پستول رکھ کر بیٹی کا اغواکرلیا جاتا ہے ، موصولہ اطلاع کے مطابق شہر کے سورج پور پولیس سٹیشن کے علاقے میں تین اغوا کاروں نے والد کی کنپٹی پر پستول رکھ کر بیٹی کا اغوا کر لیا ہے۔
سورج پور پولیس انسپکٹر گرشش کوٹیا نے کہا کہ بہرودی گاؤں کے ایک رہائشی رام لکھن نے اپنی شکایت میں کہا کہ وہ دن کے تین بجے اپنی بیٹی کاجل کے ساتھ اسکول سے واپس آ رہا تھا. اسی وقت، گاڑی میں آنے والی تین مجرموں نے ان کی کنپٹی پر پستول رکھ کر کاجل کا اغوا کرلیا ۔ اس سلسلے میں پولیس نے مقدمہ درج کیا ہے. وہ گاڑی اور مجرموں کی شناخت کرنے کی کوشش کر رہی ہے۔