کاروار20؍ اپریل (ایس او نیوز) ضلع شمالی کینرا میں خط غربت سے نیچے جینے والوں کو فراہم کیے جارہے بی پی ایل راشن کارڈز کی مانگ بڑھتی جارہی ہے۔ ایک رپورٹ کے مطابق امسال جنوری سے اب تک بی پی ایل کارڈز کے لئے15,074درخواستیں موصول ہوئی تھیں جن میں سے صرف667کو منظور کیا گیا ہے۔بقیہ 12,614درخواست دہندگان ابھی تک کارڈ پانے میں کامیاب نہیں ہوئے ہیں۔

بی پی ایل کارڈ کی مانگ میں اضافے کی اصل وجہ یہ ہے کہ سرکار کی جانب سے سابقہ سخت قوانین کو کچھ نرم کرتے ہوئے، اب سالانہ 1.20لاکھ روپے سے کم آمدنی والوں کو بھی بی پی ایل کارڈ پانے کا اہل قرار دیا ہے۔اس کے نتیجے میں کارڈ حاصل کرنے کے لئے روزانہ آن لائن درخواستیں بڑی تعداد میں محکمہ کو دی جارہی ہیں۔مگر درخواست دینے کے تین تین مہینے بعد بھی کارڈ فراہم نہیں کیے جارہے ہیں۔جس سے عوام کے اندر بے چینی اور پریشانی دیکھی جارہی ہے۔