اڈپی 9؍فروری (ایس اونیوز) اڈپی پولیس کی ڈسٹرکٹ کرائم برانچ نے ایک شخص کو گانجہ فروخت کرتے ہوئے گرفتار کیا اور اس کے قبضے سے 1.5کیلو گرام گانجہ بھی بر آمد کرلیا ہے۔

گرفتار ملزم کی شناخت اوچیلا کے رہنے والے عبدالرحمن صفوان(29سال)کے بطور کی گئی ہے، جو ایم آئی ٹی منی پال کالج کے قریب طلباء کو گانجہ فروخت کرتے ہوئے پولیس کے ہتھے چڑھا ہے۔ پولیس کا کہنا ہے کہ مصدقہ اطلاع ملنے پرایس ایچ او سیتارام کی قیادت میں پی ایس آئی گجیندرا کے علاوہ دیگر عملے نے یہ کارروائی انجام دی ہے۔ضبط شدہ گانجے کی قیمت کا اندازہ 22,500/-روپے لگائی گئی ہے۔