بھٹکل 12/جون (ایس او نیوز) ضلع اُترکنڑا کے انکولہ میں ایک مسافروں سے بھری  ٹمپو کی مخالف سمت سے  آنے والی لاری سے ٹکر ہوگئی جس کے نتیجے میں ٹمپو پر سوار 15 مسافر زخمی ہوگئے  جس میں تین کو شدید چوٹ آئی ہے۔ حادثہ آج منگل صبح  انکولہ تعلقہ کے سونکاسال نیشنل ہائی وے پر پیش آیا۔

اطلاع کے مطابق ٹمپو  ٹراویلر  گدگ سے  گوکرن جارہی تھی، سونکاسال ہائی وے پر مخالف سمت سے آنے والی لاری سے کافی تیز رفتاری کے ساتھ ٹکراگئی۔ حادثے میں تین لوگوں  کو شدید چوٹ لگی ہے جن کی شناخت بسوراج انیگیری (50)، کرشنا انیگیری (45) اور شکونتلا (45)  شدید طور پر زخمی ہوئے ہیں ۔ سبھی زخمیوں کو فوری طور پر انکولہ سرکاری اسپتال منتقل کیا گیا ہے۔

انکولہ پولس تھانہ میں معاملہ درج کیا گیا ہے، پولس چھان بین کررہی ہے۔