دہرادون،19جولائی(ایس او نیوز؍آئی این ایس انڈیا) اتراکھنڈ میں چمبا اترکاشی شاہراہ پر کرگنی کے پاس جمعرات کی صبح اسٹیٹ روڈ ویز ٹرانسپورٹ کارپوریشن کی ایک بس گہری کھائی میں گر گئی جس میں 14 افراد کی موت ہو گئی اور 15 دیگر زخمی ہو گئے۔

سرکاری ذرائع کے مطابق بس میں 25 مسافر سوار تھے اور کرگنی کے پاس یہ بس 250 میٹر گہری کھائی میں گر گئی۔حادثے کی اطلاع ملتے ہی کاندیکھال اور چمبا تھانہ کی پولیس موقع پر پہنچ گئی اور راحت کا کام شروع کر دیا۔ ضلع انتظامیہ کے سینئر افسران اور فائر بریگیڈ کی ٹیمیں جائے حادثہ پر پہنچ چکی ہیں۔ روڈ سیکورٹی کی ٹیمیں ریسکیو کیکاموں میں لگی ہوئی ہیں اور آٹھ مسافروں کو کھائی سے نکال کراسپتالوں میں بھیجا جا رہا ہے۔چبا پولیس لائن ہیلی پیڈ سے ہیلی کاپٹر پہنچ چکا ہے۔چمبا پولیس لائن ہیلی پیڈ سے ہیلی کاپٹر پہنچ چکا ہے۔ مزید تفصیلات کا انتظار ہے۔