قابض اسرائیلی فوج کے شہر شہر چھاپے، 12 فلسطینی گرفتار
مقبوضہ مغربی کنارا،23مارچ(ایس او نیوز/آئی این ایس انڈیا)فلسطین کے مقبوضہ مغربی کنارے کے مختلف شہروں میں جمعرات کے روز اسرائیلی فوج کے نام نہاد سرچ ا?پریشن کے دوران ایک درجن فلسطینی شہریوں کو حراست میں لے لیا گیا۔ قابض فوج نے فلسطین کے مقبوضہ مغربی کنارے کے مختلف شہروں میں چھاپوں کے دوران شہریوں کو زدو کوب کیا۔ گھروں میں توڑپھوڑ کی اور قیمتی سامان جس میں نقدی اور زیورات شامل ہیں لوٹ لیے۔مقامی ذرائع کے مطابق جمعرات کو علی الصباح قابض اسرائیلی فوج نے شمالی شہر قلقیلیہ میں گھر گھر تلاشی کے دوران سات فلسطینیوں کو حراست میں لے لیا۔ہمارے نامہ نگار کے مراسلے کے مطابق قلقیلیہ کے نواحی علاقے مشاتل السبع میں متمرکز اسرائیلی فوج کی کوئی 20 گاڑیوں نے شہری آبادیوں میں داخل ہو کر فلسطینیوں کو زدو کوب کیا۔
نامہ نگار کے مراسلے کے مطابق صہیونی فوج کی گھر گھر تلاشی کی کارروائیوں کے خلاف فلسطینی شہریوں نے احتجاجی مظاہرے کیے۔ صہیونی فوج نے مظاہرین کو منتشر کرنے کے لیے ان پر لاٹھی چارج کیا۔ قابض فوج کی طرف سے فلسطینی شہریوں پر ا?نسوگیس کی اندھا شیلنگ کی گئی جس کے نتیجے میں کئی فلسطینی دم گھٹنے سے متاثر ہوئے ہیں۔اسرائیلی فوج نے سابق فلسطینی اسیر تحسین العدل کو اس کے گھر سے حراست میں لینے کے بعد نامعلوم مقام پر منتقل کردیا۔ گرفتار کیے گئے دیگر فلسطینیوں کی شناخت فراس ابو علبہ، ایک ہی خاندان کے تین افراد ولید، حمزہ اور وسیم الحوتری، ایمن رفیق آشتیوی اور نادر عامر کے ناموں سے کی گئی ہے۔ادھر عزون قصبے میں اسرائیلی فوج کی گھر گھر تلاشی کی مہم کے دوران فلسطینی شہریوں کی گاڑیوں کی بھی تلاشی لی گئی۔نابلس شہر میں جمعرات کو علی الصباح اسرائیلی فوج کی چھاپہ مارکارروائیوں کے دوران المعاجین کالونی سے برا ابو نواس، مشرقی نابلس میں بیت فوریک سے بشار عبدالحفیظ ملیطات اور یوسف الشلبی کو حراست میں لیا گیا ہے۔
