کاروار18/ ستمبر (ایس او نیوز) یہاں جنگل سے شہر کی طرف آنے والے ایک کافی لمبے اور تگڑے آژدھے کو مقامی لوگوں نے پکڑ لیا، جب وہ ایک مکان کے باہر غالباً مرغیوں کے شکار کے لئے پہنچا تھا۔ گیارہ فٹ لمبا اور کافی تگڑا اژدھا بعد میں محکمہ جنگلات کے حوالے کیا گیا جنہوں نے اسے دور جنگل لے جاکر چھوڑ دیا۔
بتایا گیا ہے کہ اژدھا جب کاروار شہر کے ایک مکان کے کمپائونڈ میں داخل ہوا تو مکینوں میں خوف وہراس کی لہر دوڑ گئی، مگر دیپک نائک نے ہمت دکھائی اور اپنے کچھ دوستوں کی مدد سے اس خطرناک اژدھے کو پکڑلیا۔ اژدھے کی موٹائی کا اندازہ فوٹو دیکھ کر کیا جاسکتا ہے۔