لکھنؤ،27؍جون(ایس او نیوز؍آئی این ایس انڈیا)اتر پردیش کے وزیر اعلی یوگی آدتیہ ناتھ نے ریاستی حکومت کے 100دن پورے ہونے پر ایک کتابچہ جاری کرنے کے بعد پریس کانفرنس کرتے ہوئے کہا کہ 100دن کا وقت بہت چھوٹی مدت ہوتی ہے لیکن یہ ایک مؤثر پہل ہے۔عوامی قرارداد خط کو لاگو کرنا حکومت کی ترجیح ہے۔سی ایم یوگی نے کہا کہ دین دیال اپادھیائے کے بی پی ایل کے خواب کے جذبے کا مقصد حکومت کی ترجیح ہے۔انہوں نے اپنی حکومت کی اب تک کی کامیابیوں کے بارے میں کہا کہ زیور میں ایئرپورٹ بنانے کو منظوری دی گئی۔اس سال کے آخر تک 30اضلاع کو کھلے میں قضاء حاجت سے آزاد کیا جائے گا۔اسکول کے بچوں کو کئی سہولیات مہیا کرائی جا رہی ہیں۔اس کے ساتھ ہی وزیر اعلی یوگی نے کہا کہ ان کی حکومت بغیر کسی امتیاز کے تمام طبقات کی بھلائی کے لئے کام کر رہی ہے۔انہوں نے گزشتہ ایس پی حکومت پر بالواسطہ نشانہ لگاتے ہوئے کہا کہ ریاست خاندانی سیاست کی زد میں تھی،اب اس کو اس سے نجات ملی ہے۔انہوں نے کسانوں کے قرض معافی کا خاص طور پر ذکر کرتے ہوئے کہا کہ پہلی کابینہ میٹنگ میں ہی مختصر اور معمولی کسانوں کی گزشتہ سال مارچ تک کی قرض معافی کا فیصلہ لیا گیا ہے۔اس سے قریب 86لاکھ کسان مستفید ہوئے ہیں۔اس کے ساتھ ہی کہا کہ کسانوں کی حفاظت کے لئے پانچ گنا زیادہ گندم خریدنے کا فیصلہ لیا گیا ہے،ساتھ ہی گنا کسانوں کے 22ہزار کروڑ کے لون معاف کئے گئے ہیں۔اس کے ساتھ ہی وزیر اعلی یوگی نے کہا کہ ریاست کے تمام دیہات میں 24گھنٹے بجلی کی سپلائی کے لئے مرکز پر زور دیا ہے۔وی آئی پی کلچر پر لگام لگائی ہے، ہنگامی خدمات کو چھوڑ کر لال بتی کی ثقافت کا مکمل طور پر خاتمہ کر دیا گیا ہے۔خواتین کے تحفظ بھی حکومت کی ترجیحات میں شامل ہے۔اس سمت میں اینٹی رومیو ٹیم کی تشکیل کی گئی ہے اور زور دیتے ہوئے کہا کہ ریاست کو مافیا راج سے مکمل طور پر نجات دلائیں گے۔