گجرات کے راجکوٹ میں موبائل فون پر پبجی کھیلنے والے 10 افراد گرفتار

Source: S.O. News Service | By Shahid Mukhtesar | Published on 15th March 2019, 12:10 AM | ملکی خبریں | ان خبروں کو پڑھنا مت بھولئے |

احمد آباد، 14 مارچ(ایس او نیوز؍آئی این ایس انڈیا) پولیس کی پابندی کے باوجود مبینہ طور پر اپنے موبائل فون پر پبجی گیمز کھیلنے کے لیے گزشتہ دو دنوں میں گجرات کے راجکوٹ شہر میں کالج کے چھ طالب علموں سمیت 10 افراد کو گرفتار کیا گیا ہے۔

پولیس کمشنر منوج اگروال نے چھ مارچ کو ایک نوٹیفکیشن جاری کر کے شہر میں آن لائن گیم پلیئر بیٹل گراؤنڈ (پبجی) اور ’موموچیلنج‘پر پابندی لگا دی تھی۔راجکوٹ تالک پولیس انسپکٹر وی ایس ونجارا نے کہا کہ پولیس تھانوں کو پابندی کو لاگو کرنے اور ان گیموں کو کھیلنے والوں کو گرفتار کرنے کے لئے کہا گیا ہے۔ انہوں نے کہاکہ منگل کو ہماری ٹیموں نے کلاواڈ روڈ اور جگن ناتھ چوک علاقے میں اپنے موبائل فونز پر پبجی گیم کھیل رہے کالج کے چھ طالب علموں کو گرفتار کیا تھا۔

پولیس کنٹرول پینل سے جاری ایک ریلیز کے مطابق اسی دن گاندھی گرام پولیس نے اپنے موبائل فون پر گیمز کھیلنے کے لئے ایک ذاتی فرم کے 25 سالہ ملازم کو گرفتار کیا تھا۔ایک اور سرکاری ریلیز کے مطابق راجکوٹ پولیس کے خصوصی مہم گروپ نے شہر کے مختلف علاقوں میں اپنے فون پر لائن گیمز کھیل رہے تین افراد کو گرفتار کیا۔

پولیس نے بتایا کہ تعزیرات ہند کی دفعہ 188 کے تحت ان تمام 10 لوگوں کے خلاف مقدمہ درج کیا گیا اور بعد میں انہیں متعلقہ پولیس تھانوں میں ضمانت دے دی گئی۔پولیس کمشنر کے نوٹیفکیشن کے مطابق یہ پابندی ضروری ہے کیونکہ ان گیموں سے بچوں اور نوجوانوں کے رویے میں تبدیلی ہورہی ہے۔ احمد آباد کے پولیس کمشنر اے کے سنگھ نے بھی بدھ کو ایک نوٹیفکیشن جاری کر کے انہی وجوہات کا حوالہ دیتے ہوئے ان دونوں گیم پر پابندی لگا دی تھی۔

ایک نظر اس پر بھی

گذشتہ دس سالوں سے جیل میں مقید مسلم نوجوان کو قانونی کی تعلیم جاری رکھنے کی اجازت، جمعیۃ علماء نے قانونی امداد کے ساتھ ساتھ تعلیمی وظیفہ بھی دیا، پہلے مرحلہ کا نتیجہ اطمنان بخش: گلزار اعظمی

ممبئی کی خصوصی مکوکا(این آئی اے) عدالت نے جھوٹے دہشت گردانہ معاملے کا سامنا کررہے ایک مسلم نوجوان کو قانون کی تعلیم جاری رکھنے اور اسے امتحان میں شرکت کرنے کی مشروط اجازت دی۔13-7 ممبئی سلسلہ وار بم دھماکہ معاملے کا سامنا کررہے ملزم ندیم اختر کو ایل ایل بی پہلے سال کے دوسرے مرحلہ ...

مرکز نے سپریم کورٹ سے کہا، رافیل معاہدہ میں پی ایم اوکادخل نہیں، تمام عرضیاں ہوں مسترد

لوک سبھا انتخابات میں اپوزیشن نے رافیل لڑاکا طیارے معاہدے میں بے ضابطگیوں کا الزام لگاتے ہوئے اسے سب سے بڑا مسئلہ بنایا۔کانگریس صدر راہل گاندھی نے اس معاہدے کے لئے براہ راست طور پر وزیر اعظم نریندر مودی کو ذمہ دار بتایا۔

جب تک کجریوال ہیں، دہلی کو مکمل ریاست کا درجہ دینے کی نہیں سوچ سکتے:ہرش وردھن

دہلی کی چاندنی چوک سیٹ سے تقریباََ228000 ووٹوں سے جیت کر دوبارہ ایم پی بنے مرکزی وزیر ڈاکٹر ہرش وردھن نے بات کی۔دہلی کو مکمل ریاست کا درجہ دینے کے معاملے پر انہوں نے کہا کہ جب تک اروند کجریوال وزیر اعلی ہیں، اس وقت تک اس کے بارے میں سوچا بھی نہیں جا سکتا۔

اسمرتی ایرانی کے قریبی سابق پردھان کا گولی مار کر قتل ، علاقہ میں کشیدگی

اترپردیش کے امیٹھی میں ہفتہ دیر رات اسمرتی ایرانی کے قریبی سابق پردھان کا گولی مار کر قتل کردیا گیا ۔ اطلاعات کے مطابق جامو تھانہ حلقہ کے برولیا گاوں کے سابق پردھان سریندر سنگھ کو نامعلوم بدمعاشوں نے گولی مار کر موت کے گھاٹ اتار دیا ۔ بدمعاشوں نے واقعہ کو اس وقت انجام دیا جب ...

مسلمانوں کے خلاف اشتعال انگیز بیانات دینے والوں کی بھاری اکثریت کے ساتھ جیت

مسلمانوں کے خلاف ہمیشہ اشتعال انگیز بیانات دینے والوں کو اس مرتبہ لوک سبھا انتخابات میں بھاری اکثریت کے ساتھ کامیابی حاصل ہوئی ہے۔ اترکنڑا لوک سبھا حلقے کے بی جے پی اُمیدوار اننت کمار ہیگڈے جنہوں نے کہا تھا کہ جب تک اسلام رہے گا دہشت گردی رہے گی،اسی طرح انہوں نے  دستور کی ...