ಭಟ್ಕಳ: ಭಾರತ ಚುನಾವಣಾ ಆಯೋಗದ ಸೂಚನೆಯಂತೆ ಇಲ್ಲಿನ ತಾಲೂಕಾಡಳಿತದ ವತಿಯಿಂದ ವಿಧಾನ ಸಭಾ ಕ್ಷೇತ್ರದ ಮತದಾರರ ಪಟ್ಟಿ ವಿಶೇಷ ಪರಿಷ್ಕರಣೆ ಅರ್ಹತಾ ಸಂಬಂಧಿಸಿದಂತೆ ಮೂರು ದಿನಗಳ ಆಂದೋಲನ ಹಮ್ಮಿಕೊಂಡಿದ್ದು ಶುಕ್ರವಾರದಂದು ದಿ ನ್ಯೂ ಇಂಗ್ಲೀಷ್ ಸ್ಕೂಲ್ ಶಾಲೆ ವಿದ್ಯಾರ್ಥಿಗಳಿಂದ ಮತದಾರರ ವಿಶೇಷ ನೋಂದಣಿ ಆಂದೋಲನಾ ಮೆರವಣಿಗೆ ಜಾಥಾವೂ ನಡೆಯಿತು.

1-1-2019ರ ಅರ್ಹತಾ ದಿನಾಂಕ ಆಧರಿಸಿ ಮತದಾರರ ಪಟ್ಟಿಗಳ ಸಂಕ್ಷಿಪ್ತ ಪರಿಷ್ಕರಣೆಗೆ ಸಂಬಂಧಿಸಿದಂತೆ ವಿಶೇಷ ನೋಂದಣಿ ಆಂದೋಲನ ನಡೆಸಲಾಯಿತು. ಸಾರ್ವಜನಿಕರು ನಮೂನೆ-6, 7, 8 ಹಾಗೂ 8ಎ ಅರ್ಜಿಗಳನ್ನು ಸಂಬಂಧಿಸಿದ ಮತಗಟ್ಟೆ ಅಧಿಕಾರಿಗಳ ಬಳಿ ನೀಡಲಾಗುವದು ಈ ಬಗ್ಗೆ ಸಾರ್ವಜನಿಕರು ಇದರ ಸದುಪಯೋಗ ಪಡೆದುಕೊಂಡು ಮತದಾರರ ನೋಂದಣಿ, ತಿದ್ದುಪಡಿ, ವರ್ಗಾವಣೆಯ ಕಾರ್ಯವನ್ನು ಮಾಡಿಕೊಳ್ಳಬಹುದಾಗಿದೆ ಎಂದು ಪ್ರಭಾರೆ ತಹಸೀಲ್ದಾರ ಬಿನಯ ಪಿಕೆ ಮಾಧ್ಯಮಕ್ಕೆ ತಿಳಿಸಿದರು. ಈ ಸಂಧರ್ಬದಲ್ಲಿ ಜಾಥಾವೂ ದಿ ನ್ಯು ಇಂಗ್ಲಿಷ್ ಸ್ಕೂಲ್‍ನಿಂದ ಆರಂಭವಾಗಿ ಸಂಶುದ್ದೀನ ಸರ್ಕಲ ಮಾರ್ಗವಾಗಿ ತೆರಳಿ ಪುನಃ ಬಂದು ಶಾಲೆಯ ಆವರಣದಲ್ಲಿ ಮುಕ್ತಾಯಗೊಂಡಿತು. ಜಾಥಾದಲ್ಲಿ ವಿದ್ಯಾರ್ಥಿಗಳು ಹಾಗೂ ವಿವಿಧ ಇಲಾಖೆ ಅಧಿಕಾರಿಗಳು ಸೇರಿ ಮತದಾರ ನೊಂದಣಿ ಬಗೆಗಿನ ಭಿತ್ತಿಪತ್ರವನ್ನು ಪ್ರದರ್ಶಿಸುತ್ತಾ ಸಾರ್ವಜನಿಕರನ್ನು ಗಮನ ಸೆಳೆದರು. 

ಈ ಸಂಧರ್ಭದಲ್ಲಿ ಪ್ರಭಾರೆ ತಾಲೂಕಾ ಕಾರ್ಯನಿರ್ವಹಣಾಧಿಕಾರಿ ಪ್ರಭಾಕರ ಚಿಕ್ಕನಮನೆ, ಕ್ಷೇತ್ರ ಶಿಕ್ಷಣಾಧಿಕಾರಿ ಎಂ.ಆರ್.ಮುಂಜಿ, ಕ್ಷೇತ್ರ ಶಿಕ್ಷಣ ಸಂಪನ್ಮೂಲಧಿಕಾರಿ ಯಲ್ಲಮ್ಮ, ಸಹಾಯಕ ಆಯುಕ್ತರ ಕಛೇರಿ ಶಿರಸೇದ್ದಾರ ಎಲ್.ಎ.ಭಟ್, ತಹಸೀಲ್ದಾರ ಕಛೇರಿ ಸಿಬ್ಬಂದಿ ಕಾರ್ತಿಕ, ದಿ ನ್ಯೂ ಇಂಗ್ಲೀಷ್ ಸ್ಕೂಲ್ ಮುಖ್ಯಾಧ್ಯಾಪಕ ಎಮ್.ಕೆ.ನಾಯ್ಕ, ಶಿಕ್ಷಕ ಗಣಪತಿ ಶೀರೂರು ಹಾಗೂ ಮುಂತಾದವರು ಉಪಸ್ಥಿತರಿದ್ದರು.