ಮಾಸ್ಕೋ: ಫಿಫಾ ವಿಶ್ವಕಪ್ 2018ರ 'ಎಫ್' ಗುಂಪಿನ ಸೌತ್ ಕೊರಿಯಾ ಹಾಗೂ ಸ್ವೀಡನ್ ತಂಡಗಳ ನಡುವಣ ಪಂದ್ಯದಲ್ಲಿ ಸ್ವೀಡನ್ 1-0 ಅಂತರದ ಜಯಗಳಿಸಿ ಶುಭಾರಂಭ ಮಾಡಿದೆ.
ಸ್ವೀಡನ್ ತಂಡದ ನಾಯಕ ಆಂಡ್ರಸ್ ಗ್ರಾನ್​ಕ್ವಿಸ್ಟ್​ ಅವರು 65ನೇ ನಿಮಿಷದಲ್ಲಿ ಸಿಡಿಸಿದ ಮೊದಲ ಗೋಲು ತಂಡಕ್ಕೆ ಜಯ ತಂದುಕೊಟ್ಟಿತು. ಪಂದ್ಯದ ಮೊದಲಾರ್ಧದಲ್ಲಿ ಎರಡೂ ತಂಡಗಳು ಕಠಿಣ ಹೋರಾಟ ನಡೆಸಿದರೂ ಯಾವುದೆ ಗೋಲು ದಾಖಲಾಗಿಲ್ಲ. 21ನೇ ನಿಮಿಷದಲ್ಲಿ ಸ್ವೀಡನ್ ತನ್ನ ಮೊದಲ ಖಾತೆ ತೆರೆಯುವ ಸನಿಹದಲ್ಲಿ ಇತ್ತಾದರು, ಸೌತ್ ಕೊರಿಯಾದ ಗೋಲ್ ಕೀಪರ್ ಅದ್ಭುತವಾಗಿ ತಡೆದು, ಗೋಲ್​ಗೆ ಅವಕಾಶ ನೀಡಲಿಲ್ಲ. ಬಳಿಕ 65ನೇ ನಿಮಿಷದಲ್ಲಿ ಗ್ರಾನ್​​​​​ಕ್ವಿಸ್ಟ್​​ ಅವರು ಸ್ಪಾಟ್ ಕಿಕ್​​ ಮೂಲಕ ಸಿಡಿಸಿದ ಗೋಲು ತಂಡದ ಜಯಕ್ಕೆ ನೆರವಾಯಿತು.
ಸೌತ್ ಕೊರಿಯಾ ಗೋಲಿಗಾಗಿ ಕೊನೆ ಹಂತದ ವರೆಗೂ ಹೋರಾಟ ನಡೆಸಿತಾದರು, ಚೆಂಡನ್ನು ನೆಟ್​ ಒಳಗೆ ಹಾಕಲು ಸಾಧ್ಯವಾಗಿಲ್ಲ. ಈ ಮೂಲಕ 60 ವರ್ಷಗಳ ಬಳಿಕ ಸ್ವೀಡನ್ ಗೆದ್ದು ವಿಶ್ವಕಪ್​ನಲ್ಲಿ ಶುಭಾರಂಭ ಮಾಡಿದೆ.