ಎಪಿಎಂಸಿ ಪ್ರಾಂಗಣದಲ್ಲಿ ಕೊಳೆ; ಸಾಂಕ್ರಾಮಿಕ ರೋಗ ಹರಡುವ ಭಯ ಕಸ್ತೂರಿ ಕರ್ನಾಟಕ ಜನಪರ ವೇದಿಕೆ ಪ್ರತಿಭಟನೆ

Source: sonews | By sub editor | Published on 5th July 2018, 7:04 PM | State News | Don't Miss |

ಶ್ರೀನಿವಾಸಪುರ: ಕಸದ ತಿಪ್ಪೆಯಾಗಿ ಸಾಂಕ್ರಾಮಿಕ ರೋಗಗಳಿಗೆ ಕಾರಣವಾದ ಕೊಳೆ ಮಾವಿನ ರಾಶಿಗಳನ್ನು ತೆಗೆಸಬೇಕೆಂದು ಈ ಮುಂಚೆ ಮನವಿ ಮಾಡಿದ್ದರೂ ಎಪಿಎಂಸಿ ಅಧಿಕಾರಿಗಳು ಹಾಗು ಆಡಳಿತ ಮಂಡಳಿ ನಿರ್ಲಕ್ಷ ವಹಿಸಿ ಜನರ ಪ್ರಾಣಗಳ ಜೊತೆ ಚೆಲ್ಲಾಟವಾಡುತ್ತಿದೆ ಎಂದು ಕಸ್ತೂರಿ ಕರ್ನಾಟಕ ಜನಪರ ವೇದಿಕೆ ಕಾರ್ಯಕರ್ತರು ಆರೋಪ ಮಾಡಿದರು.

ಶ್ರೀನಿವಾಸಪುರ ಎಪಿಎಂಸಿ ಪ್ರಾಂಗಣದಲ್ಲಿ ಗುರುವಾರ ಕಸ್ತೂರಿ ಕರ್ನಾಟಕ ಜನಪರ ವೇದಿಕೆ ವೇದಿಕೆ ವತಿಯಿಂದ  ಆಡಳಿತ ಮಂಡಳಿ ಕಚೇರಿ ಮುಂದೆ ಹಮ್ಮಿಕೊಂಡಿದ್ದ ಪ್ರತಿಭಟನೆಯಲ್ಲಿ ವೇದಿಕೆ ಮುಖಂಡರು ಮಾತನಾಡಿ ಎಪಿಎಂಸಿ ಪ್ರಾಂಗಣದಲ್ಲಿ ಸೀಜನ್ ಸಮಯದಲ್ಲಿ ಸಾವಿರಾರು ಮಂದಿ ಕೆಲಸ ಕಾರ್ಯಗಳಲ್ಲಿ ತೊಡಗುತ್ತಾರೆ ಆದರೆ ಇಲ್ಲಿ ಮಂಡಿಗಳಲ್ಲಿ ಬಂದ ಮಾವು ಕೊಳೆತ ನಂತರ ಇಲ್ಲಿಯೇ ರಾಶಿರಾಶಿಯಾಗಿ ಹಾಕುವುದರಿಂದ ಜನರ ಆರೋಗ್ಯದ ದುಷ್ಪರಿಣಾಮ ಬೀರುತ್ತದೆ ಎಂದು ಅಪಾದಿಸಿದರು.
ಆದ್ದರಿಂದ ಕೊಳೆತ ಕಾಯಿಗಳನ್ನು ತೆಗೆದು ಸ್ವಚ್ಚತೆ ಕಾಪಾಡಬೇಕೆಂದು ಜೂನ್ 30ರಂದು ಆಡಳಿತ ಮಂಡಳಿಯ ಅಧ್ಯಕ್ಷರಿಗೆ ಹಾಗು ಕಾರ್ಯದರ್ಶಿಗಳಿಗೆ ಸೇರಿದಂತೆ ಪುರಸಭೆ ಹಾಗು ತಹಶೀಲ್ದಾರರಿಗೆ ಈ ಬಗ್ಗೆ ಮನವಿಯನ್ನು ಸಲ್ಲಿಸಲಾಗಿತ್ತು ಆದರೂ ಇದುವರಿಗೂ ಪ್ರಯೋಜನ ಕಂಡು ಬರದ ಕಾರಣ ಪ್ರತಿಭಟನೆ ಅನಿವಾರ್ಯವಾಗಿ ಹಮ್ಮಿಕೊಳ್ಳಬೇಕಾಯಿತು. ಎಂದರು. ಸದರಿ ಎಪಿಎಂಸಿ ಪ್ರಾಂಗಣದಲ್ಲಿ ಮಾವು ವಹಿವಾಟು ಆರಂಭಗೊಂಡು 2 ತಿಂಗಳಿಗೆ ಸಮೀಪಿಸುತ್ತಿದೆ ಆದರೆ ಕೊಳೆತ ಕಾಯಿಗಳನ್ನು ದೂರ ಸಾಗಿಸುವ ಕೆಲಸ ಮಾಡದೇ ಅಧಿಕಾರಿಗಳು ಸಬೂಬುಗಳನ್ನು ಹೇಳುತ್ತಾ ನುಣಚಿಕೊಳ್ಳುತ್ತಿದ್ದಾರೆ  ಇಡೀ ವಿಶ್ವದ ಗಮನ ಸೆಳೆದ ಮಾವಿನ ನಾಡು ಶ್ರೀನಿವಾಸಪುರ ಎಪಿಎಂಸಿ ಪ್ರಾಂಗಣ ಅನೈರ್ಮಲ್ಯದಿಂದ ಕೂಡಿದೆ ಎಂದು ವಿಷಾದಿಸಿದರು.

ಇಲ್ಲಿ ಕೂಲಿಯಾಳುಗಳು, ವ್ಯಾಪಾರಸ್ಥರು ಸೇರಿದಂತೆ ಸಾವಿರಾರು ಸಂಖ್ಯೆಯಲ್ಲಿ ಜನರು ಇರುವ ಸ್ಥಳದಲ್ಲಿ ಸ್ವಚ್ಛತೆ ಕನಸಾಗಿ ದುರ್ವಾಸನೆ ಎಲ್ಲೆಲ್ಲೂ ವ್ಯಾಪಿಸಿಕೊಂಡಿದೆ. ಪ್ರಾಂಗಣದಲ್ಲಿ ಇರಬೇಕಾದರೆ ಮೂಗು ಮುಚ್ಚಿಕೊಂಡು ಇರಬೇಕು ಎಂದರು. ಈಗಾಗಿ ಸ್ವಚ್ಚತೆಗಾಗಿ ಎಪಿಎಂಸಿ ನಿರ್ಲಕ್ಷ ತಾಳಿದೆ ಎಂದರು. ಈ ಸಂದರ್ಭದಲ್ಲಿ ಎಪಿಎಂಸಿ ಕಾರ್ಯದರ್ಶಿಗಳ ಅನುಪಸ್ಥಿಯಲ್ಲಿ ಸಿಬ್ಬಂದಿ ಹಾಗು ಆಡಳಿತ ಮಂಡಳಿ ಅಧ್ಯಕ್ಷೆ ಶ್ಯಾಮಲಾ ರವರ ಪತಿ ಪ್ರತಿಭಟನೆಕಾರರೊಂದಿಗೆ ಮಾತನಾಡಿ ಈಗಾಗಲೇ ಕಾಯಿಗಳನ್ನು ದೂರ ಸಾಗಿಸುವ ಕೆಲಸ ಮಾಡುತ್ತಿದ್ದೇವೆ ಕೂಡಲೇ ಎಲ್ಲಾ ಮಾಡಿ ಎಂದರೆ ಆಗುವುದಿಲ್ಲ ಪ್ರತಿದಿನ ಈ ಕೆಲಸದಲ್ಲಿ ತೊಡಗಿದ್ದೇವೆ ಎಂದರು. ಈ ಮದ್ಯೆ ಮಾತಿಗಿಳಿದ  ಸಂಘಟನೆಯ ಮುಖಂಡರು. ಏನಾದರೊಮದು ಸಬೂಬು ಹೇಳುತ್ತಿದ್ದೀರಿ ಎಪಿಎಂಸಿಯ ಕಾರ್ಯದರ್ಶಿಗಳನ್ನು ಕರೆಸಿ ಎಂದಾಗ ಅವರು ಕಾರ್ಯನಿಮಿತ್ತ ಬೆಂಗಳೂರಿಗೆ ಹೋಗಿದ್ದಾರೆಂದರು ಇದರಿಂದ ಕುಪಿತಗೊಂಡ ಪ್ರತಿಭಟನಾಕಾರರು ಯಾವಾಗಲೂ ಅವರಿಗೆ ಮೀಟಿಂಗ್ ಇಲ್ಲಿ ಮಾಡುವುದಾರರೂ ಏನೆಂದು ಅಕ್ರೋಶವ್ಯಕ್ತಪಡಿಸಿದರು. ಸ್ವಚ್ಚತೆ ಮಾಡಲು ತಮಗೆ ಏನು ಸಮಸ್ಯೆ ಜನ ಇಲ್ಲಿ ಆರೋಗ್ಯ ಕಾಪಾಡಿಕೊಳ್ಳುವುದು ಹೇಗೆಂದರು.  ಕೊಳೆತ ಕಾಯಿಗಳು ದುರ್ವಾಸನೆಗೆ ಕಾರಣವಾಗಿದೆ  ಎಂದರು. ಆಡಳಿತ ಮಂಡಳಿಯ ಕೆಲವರು ರೈತರು ತರುತ್ತಾರೆ ಮಂಡಿಗಳವರು ಕೊಳೆತ ಕಾಯಿಗಳನ್ನು ಪ್ರಾಂಗಣದಲ್ಲಿ ಎಸೆಯುತ್ತಾರೆ ಆದರೂ ನಾವು ಸ್ವಚ್ಚತೆಗೆ ಆದ್ಯತೆ ನೀಡುತ್ತಿದ್ದೇವೆ ಎಂದರು ಕೊಳೆತ ಕಾಯಿಗಳನ್ನು ರೈತರು ತರುವುದಿಲ್ಲ ಎಂದಾಗ ಆಡಳಿತ ಮಂಡಳಿಯ ಅಧಿಕಾರಿಗಳು ಹಾಗು ಪ್ರತಿಭಟನಾಕಾರರೊಂದಿಗೆ ಕೆಲಕಾಲ ಮಾತಿನ ಚಕಮಕಿ ನಡೆಯಿತು. ಒಂದೆರಡು ದಿನದಲ್ಲಿ ಸ್ವಚ್ಚತೆ ಪೂರ್ಣಗೊಳಿಸುತ್ತೇವೆ ಎಂದಾಗ ಹಾಗೆಂದು ಬರವಣಿಗೆಯಲ್ಲಿ ಕೊಡಿ ಎಂದು ಪ್ರತಿಭಟನೆಕಾರರು ಕೇಳಿದಾಗ ಮತ್ತಷ್ಟು ಮಾತಿನ ಚಕಮಕಿ ಎರಡುಕಡೆಯಿಂದ ನಡೆಯಿತು. ಕೊನೆಗೂ ಆಡಳಿತ ಮಂಡಳಿಯವರು 4 ದಿನದೊಳಗೆ ಸ್ವಚ್ಚಗೊಳಿಸುತ್ತೇವೆ ಒಂದು ವೇಳೆ ಹಾಗೆ ಮಾಡದಿದ್ದಲ್ಲಿ ತವು ಬಂದು ಪ್ರತಿಭಟನೆ ಮಾಡಬಹುದು ಎಂದಾಗ ಪ್ರತಿಭಟನೆ ಹಿಂತೆಗೆದುಕೊಂಡು ಮನವಿಯನ್ನು ಸಲ್ಲಿಸಲಾಯಿತು.

ಪ್ರತಿಭಟನೆಯಲ್ಲಿ ವೈ.ಬಿ.ಮಂಜುನಾಥ್, ಟಿ.ಸುಬ್ರಮಣಿ, ಸಂತೋಷ್, ಸುರೇಶ್, ನವೀನ್, ಶಿವಣ್ಣ, ಅಂಬರೀಶ್, ನರಸಿಂಹರಾಜ್, ಸತೀಶ್, ನಾಗೇಶ್ ಇತರರು ನೇತೃತ್ವ ವಹಿಸಿದ್ದರು.
 

Read These Next

ಶುದ್ಧ ಕುಡಿಯುವ ನೀರಿನ ಘಟಕ ಹಾಗೂ ನೂತನ ಕೊಳವೆಬಾವಿ ಲೋಕಾರ್ಪಣೆ ನೀರಿನ ಸದ್ಬಳಕೆಗೆ ಶಾಸಕ ಕೆ.ಶ್ರೀನಿವಾಸಗೌಡರ ಕರೆ 

ಕೋಲಾರ: ಕೋಲಾರ ನಗರದ 26ನೇ ವಾರ್ಡಿಗೆ ಸೇರಿದ ಸಂತೇ ಮೈದಾನ ಶಿವಗಿರಿ ನಗರದಲ್ಲಿ ಕೇಂದ್ರ ಪುರಸ್ಕøತ ಅಮೃತ್ ಯೋಜನೆಯಡಿ ನಿರ್ಮಿಸಿರುವ ...

ಉಪಚುನಾವಣೆ; ಸಮಬಲದಲ್ಲಿ ಸಮ್ಮಿಶ್ರ ಸರ್ಕಾರ.ಒಂದು ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡ ಬಿಜೆಪಿ

ಬೆಂಗಳೂರು: ನ.೩ ರಂದು ನಡೆದ ಮೂರು ಲೋಕಸಭೆ ಮತ್ತು ಎರಡು ವಿಧಾನಸಭಾ ಕ್ಷೇತ್ರದ ಚುನಾವಣೆ ಫಲಿತಾಂಶ ಪೂರ್ಣಗೊಂಡಿದ್ದು ಆಡಳಿತರೂಢ ...

 ಟಿಪ್ಪೂ,ಇಕ್ಬಾಲ್,ಆಝಾದ್; ಇತಿಹಾಸದ ಸ್ಮೃತಿಪಟಲದಿಂದ ಮಾಸದೆ ಇರುವ ತ್ರೀರತ್ನಗಳು

ನ,೯,೧೦,೧೧ ಈ ಮೂರು ದಿನಗಳು ಇತಿಹಾಸದ ಸ್ಮೃತಿಪಟಲದಿಂದ ಮಾಸದೆ ಇವರು ತ್ರೀರತ್ನಗಳಾದ ಮೈಸೂರು ಹುಲಿ ಟಿಪ್ಪೂ ಸುಲ್ತಾನ್,”ಸಾರೆ ಜಹಾಂ ಸೆ ...

ವಿಕಲಚೇತನ ವಿದ್ಯಾರ್ಥಿಗಳಲ್ಲಿನ ಪ್ರತಿಭೆಗಳನ್ನು ಪೋಷಿಸುತ್ತಿರುವ ಸ್ನೇಹ ಶಾಲೆ-ಎಂ.ವಿ.ಹೆಗಡೆ

ಭಟ್ಕಳ: ವಿಶೇಷ ಚೇತನ ಮಕ್ಕಳಿಗೆ ಒಂದು ಶಾಲೆಯನ್ನು ತೆರೆದು ಅವರಿಗೆ ಸೇವೆ ನೀಡುತ್ತಿರುವ ಸ್ನೇಹ ವಿಶೇಷ ಮಕ್ಕಳ ಶಾಲೆಯ ಮಾಲತಿ ...