ಬೆಂಗಳೂರು: ರವಿವಾರ ಇಲ್ಲಿನ ವಸಂತನಗರದ ಸರ್ದಾರ್ ಪಟೇಲ್ ಭವನದಲ್ಲಿ ಶಾಂತಿ ಮತ್ತು ಮಾನವೀಯತೆ ಅಭಿಯಾನ ಸ್ವಾಗತ ಸಮಿತಿ ಏರ್ಪಡಿಸಿದ್ದ ‘ಸದ್ಭಾವನಾ ಮಂಚ್’, ಕರ್ನಾಟಕ ಉದ್ಘಾಟನೆ ಹಾಗೂ ‘ಸದ್ಭಾವನಾ’ ಪ್ರಶಸ್ತಿ ಪ್ರದಾನ ಸಮಾರಂಭವನ್ನುzಶಿಸಿ ಅವರು ಮಾತನಾಡಿದರು.
ರಾಜಕೀಯ ಲಾಭ ಪಡೆಯುವ ಹಿನ್ನಲೆಯಲ್ಲಿ ಕೆಲವರು ಪರೋಕ್ಷವಾಗಿ ಕುಮ್ಮಕು ನೀಡಿ ಕೋಮುವಾದ ಭಿತ್ತಿದ್ದಾರೆ. ಇದನ್ನು ಡೋಂಗಿ ಕೋಮುವಾದ ಎನ್ನಬಹುದು. ಅದೇ ರೀತಿ, ಉzಶ ಪೂರಕವಾಗಿಯೇ ಕೋಮುವಾದ ಹುಟ್ಟು ಹಾಕಿ ಲಾಭ ಪಡೆಯುತ್ತಿದ್ದಾರೆ. ಇಂತಹ ಸಮಾಜ ವಿರೋಧಿ ಶಕ್ತಿಗಳ ವಿರುದ್ಧ ಎಲ್ಲ ಸಮುದಾಯಗಳು ಒಗ್ಗೂಡಿ ಹೋರಾಟ ನಡೆಸಬೇಕೆಂದು ಕರೆ ನೀಡಿದರು.
ಮುಸ್ಲಿಮ್ ಸಮುದಾಯ ಪ್ರತ್ಯೇಕವಾಗಿ ಉಳಿಯುವ ಸಂಪ್ರದಾಯ ಮುರಿಯಬೇಕು. ಆರೋಗ್ಯಕರ ಚರ್ಚೆಗಳಲ್ಲಿ ಪಾಲ್ಗೊಳ್ಳುವ ಜೊತೆಗೆ ಜನರ ಹಕ್ಕುಗಳ ಹೋರಾಟದಲ್ಲಿ ಸಕ್ರಿಯವಾಗಬೇಕು ಎಂದ ಅವರು, ರಾಜಕೀಯ ಶಕ್ತಿಗಳು ಧರ್ಮ-ಜಾತಿ ಆಧರಿಸುವುದನ್ನು ಕೈಬಿಟ್ಟು, ಜಾತ್ಯತೀಯ ಮನೋಭಾವ ಬೆಳೆಸಲು ಮುಂದಾಗಬೇಕೆಂದು ದೊರೆಸ್ವಾಮಿ ಹೇಳಿದರು.
ಅಭಿಯಾನ ಸಂಚಾಲಕರಾದ ಅಕ್ಬರ್ ಅಲಿ ಉಡುಪಿ ಮಾತನಾಡಿ ೨೦೧೬ರ ಅಗಸ್ಟ್ ೨೧ ರಿಂದ ಸೆಪ್ಟಂಬರ್ ೪ರವರೆಗೆ ನಡೆದ ಶಾಂತಿ ಮತ್ತು ಮಾನವೀಯತೆ ರಾಷ್ಟ್ರೀಯ ಅಭಿಯಾನ ನಮ್ಮ ರಾಜ್ಯದಲ್ಲಿಯೂ ಯಶಸ್ವಿಯಾಗಿ ನಡೆಯಿತು. ಈ ಅಭಿಯಾನದ ಧ್ಯೇಯೋದ್ದೇಶಗಳನ್ನು ಭವಿಷ್ಯದಲ್ಲಿಯೂ ನಿರಂತವಾಗಿ ಸಾಧಿಸಲು ಜಿಲ್ಲಾ, ಗ್ರಾಮ, ಕೇರಿ ಮತ್ತು ವಾರ್ಡ್ ಮಟ್ಟಗಳಲ್ಲಿಯೂ ಸದ್ಭಾವನಾ ಮಂಚ್‌ಗಳನ್ನು ಸ್ಥಾಪಿಸಲು ನಿರ್ಧರಿಸಲಾಗಿದೆ. ಆ ನಿಟ್ಟಿನಲ್ಲಿ ರಾಜ್ಯ ಮಟ್ಟದಲ್ಲಿ ಸದ್ಭಾವನಾ ಮಂಚನ್ನು ಇಂದು ಉದ್ಘಾಟಿಸಲಾಗಿದೆ. ಇದರ ಸಂಚಾಲಕರಾಗಿ ರಾಜ್ಯ ಬಸವ ಸಮಿತಿಯ ಅಧ್ಯಕ್ಷರಾದ ಶ್ರೀ ಅರವಿಂದ ಜತ್ತಿಯವರು ಆಯ್ಕೆಯಾಗಿರುತ್ತಾರೆ ಎಂದು ತಿಳಿಸಿದರು 
ಪ್ರಶಸ್ತಿ ಪದಾನ:  ಕೋಮು ಸೌಹಾರ್ದಕ್ಕೆ ಶ್ರಮಿಸಿದ ಹಿನ್ನಲೆಯಲ್ಲಿ ಹಿರಿಯ ಸಾಹಿತಿ ಡಾ.ಸಿದ್ದಲಿಂಗಯ್ಯ, ಡಾ|ನಾ.ಡಿಸೋಜಾ ಮತ್ತು ಕರ್ನಾಟಕ ಕೋಮು ಸೌಹಾರ್ದ ವೇದಿಕೆಯ ಪ್ರಧಾನ ಕಾರ್ಯದರ್ಶಿ ಕೆ.ಎಲ್.ಅಶೋಕ್ ಅವರಿಗೆ ‘ಸದ್ಭಾವನಾ’ ಪ್ರಶಸ್ತಿ ಪ್ರದಾನಿಸಿ ಗೌರವಿಸಲಾಯಿತು. ನಿತ್ಯೋತ್ಸವ ಕವಿ ಪ್ರೋ ನಿಸಾರ್ ಅಹ್ಮದ್ ಹಾಗೂ ಗದಗದ ತೊಂಟದ ಶ್ರೀಶ್ರೀ ಸಿದ್ಧಲಿಂಗ ಸ್ವಾಮೀಜಿಗಳಿಗೂ ಈ ಪ್ರಶಸ್ತಿ ಪ್ರದಾನವಾಗಿದ್ದು, ಕಾರಣಾಂತರಗಳಿಂದ ಬರಲು ಅಸಾಧ್ಯವಾದುದರಿಂದ ಅವರನ್ನು ಅವರ ಸ್ವಗೃಹದಲ್ಲಿ ಸನ್ಮಾನಿಸಲಾಗುವುದು ಎಂದು ಸಂಘಟಕರು ತಿಳಿಸಿದರು. 
ಕಾರ್ಯಕ್ರಮದಲ್ಲಿ ಅಮೀರೆ ಶರಿಯತ್ ಮುಫ್ತಿ ಮುಹಮ್ಮದ್ ಅಶ್ರಫ್ ಅಲಿ, ಬಸವ ಸಮಿತಿ ಅಧ್ಯಕ್ಷ ಅರವಿಂದ ಜತ್ತಿ, ಜಾಮಿಯಾ ಮಸ್ಜಿದ್‌ನ ಖತೀಬ-ಓ-ಇಮಾಮ ಮೌಲಾನ ಮಖ್ಸೂದ್ ಇಮ್ರಾನ್ ರಶಾದಿ, ಜಮಾ‌ಅತೆ ಇಸ್ಲಾಮೀ ಹಿಂದ್‌ನ ರಾಜ್ಯಾಧ್ಯP ಮುಹಮ್ಮದ್ ಅತ್ಹರು ಶರೀಫ್, ಸತ್ಯನಾರಾಯಣ ಮಲ್ಲಿಪಟ್ನ, ಸುಧಾರೆಡ್ಡಿ, ಸ್ವಾಗತ ಸಮಿತಿಯ ಸಂಚಾಕರಾದ ಮುಹಮ್ಮದ್ ಯೂಸುಫ್ ಕನ್ನಿ ಸೇರಿ ಪ್ರಮುಖರು ಹಾಜರಿದ್ದರು. ಈ ಕಾರ್ಯಕ್ರಮದಲ್ಲಿ ರಾಜ್ಯದ ವಿವಿಧ ಜಿಲ್ಲೆಗಳಿಂದ ಅಭಿಯಾನದ ಸ್ವಾಗತ ಸಮಿತಿಗಳ ಪದಾಧಿಕಾರಿಗಳು ಮತ್ತು ಸದಸ್ಯರು ದೊಡ್ಡಸಂಖ್ಯೆಯಲ್ಲಿ ಹಾಜರಿದ್ದರು. 
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಬೆಂಗಳೂರಿನ ಬೇಲಿಮಠ ಮಹಾ ಸಂಸ್ಥಾನದ ಶ್ರೀಶ್ರೀಶ್ರೀ ಶಿವಾನುಭವ ಶಿವರುದ್ರ ಮಹಾಸ್ವಾಮಿಗಳು ವಹಿಸಿದ್ದರು.