ರಿಯಾದ್, ಮಾ ೧೩: ಖ್ಯಾತ ಸಾಹಿತಿ, ಚಿತ್ರ ನಿರ್ದೇಶಕ, ರಂಗಕರ್ಮಿ ಮತ್ತು ಪ್ರಗತಿಪರರಾದ  ಯೋಗೇಶ್ ಮಾಸ್ಟರ್ ಅವರ ಮೇಲಿನ ಹಲ್ಲೆಯು ಅಭಿವ್ಯಕ್ತಿ ಸ್ವಾತಂತ್ರ್ಯದ ಮೇಲಿನ ಹಲ್ಲೆಯಾಗಿದ್ದು,  ರಿಯಾದ್ ಇಂಡಿಯನ್ ಸೋಶಿಯಲ್ ಫಾರಮ್ ಕರ್ನಾಟಕ ರಾಜ್ಯ ಸಮಿತಿಯು ಇದನ್ನು  ತೀವ್ರವಾಗಿ ಖಂಡಿಸಿದೆ.  ಹಾಗೂ ಇದು ಕೇವಲ ಯೋಗೇಶ್ ಮಾಸ್ಟರ್‌ಗೆ ಆಗಿರುವ ಅವಮಾನವಲ್ಲ. ಪ್ರಗತಿಪರರು, ದಲಿತರು, ಸಾಹಿತಿಗಳಿಗೆ  ಆಗಿರುವ ಅವಮಾನವಾಗಿದೆ. ವೈಚಾರಿಕತೆಯನ್ನು ಎದುರಿಸಲು ಸಾಧ್ಯವಾಗದೇ ಇಲ್ಲಿರುವ ಸಾಹಿತಿಗಳನ್ನು ನಿರಂತರವಾಗಿ ಧಮನಿಸಲು ಪ್ರಯತ್ನಿಸುತ್ತಿರುವುದು ಇತ್ತೀಚಿನ ದಿನಗಳಲ್ಲಿ ಅಧಿಕವಾಗುತ್ತಿದೆ. ಕೂಡಲೇ ಸರಕಾರವು  ತಪ್ಪಿತಸ್ಥರ ವಿರುದ್ಧ ಸೂಕ್ತ  ಕಾನೂನು ಕ್ರಮವನ್ನು ಕೈಗೊಳ್ಳಬೇಕು ಹಾಗೇ  ಯೋಗೇಶ್ ಮಾಸ್ಟರ್‌ ಮತ್ತು ರಾಜ್ಯದ ಇತರ ಪ್ರಗತಿಪರ ಸಾಹಿತಿಗಳಿಗೆ ಸೂಕ್ತ ರಕ್ಷಣೆ ನೀಡಬೇಕೆಂದು ಈ ಮೂಲಕ ಸರ್ಕಾರಕ್ಕೆ ಆಗ್ರಹಿಸಿದೆ.