ನವದೆಹಲಿ, ಡಿ ೨೨: ಇ - ಕಾಮರ್ಸ್ ಕಂಪನಿ ಸ್ನಾಪ್ಡೀಲ್ ಇಂದು 'ಕ್ಯಾಶ್ ಅಟ್ ಹೋಮ್’ ಎಂಬ ಸೇವೆಯ ಮೂಲಕ ಬಳಕೆದಾರರು ನಗದು 2,000 ರೂಪಾಯಿಗಳನ್ನು ಮನೆಯಲ್ಲಿಯೇ ಪಡೆದುಕೊಳ್ಳುವ ನೂತನ ವಿಧಾನವನ್ನು ಘೋಷಿಸಿತು.
"ನೋಟು ಅಮಾನ್ಯಗೊಂಡ ಬಳಿಕ ಹೊಸ ನೋಟುಗಳ ಲಭ್ಯತೆ ತುಂಬಾ ಕಷ್ಟವಾದುದರಿಂದ ದೈನಂದಿನ ಅಗತ್ಯಗಳಿಗೆ ಹಣ ಹೊಂದಿಸುವುದು ತುಂಬಾ ಕಷ್ಟವಾಗಿದ್ದು ಈ ಕೊರತೆಯನ್ನು ನೀಗಿಸುವಲ್ಲಿ ನೂತನ ವಿಧಾನವನ್ನು ಬಿಡುಗಡೆಗೊಳಿಸಲಾಗಿದೆ" ಎಂದು ಸ್ನಾಪ್ಡೀಲ್ ಸಹ ಸಂಸ್ಥಾಪಕ ರೋಹಿತ್ ಬನ್ಸಾಲ್ ತಿಳಿಸಿದ್ದಾರೆ.
ಸ್ನಾಪ್ಡೀಲ್ ಈ ಸೌಲಭ್ಯ ಕಾರ್ಯನಿರ್ವಹಿಸಲು ಇದು ವಿತರಣೆ (ಕಾಡ್) ಮೇಲೆ ನಗದು ಮೂಲಕ ಪಡೆದುಕೊಳ್ಳುವ ನಗದು ಬಳಸಿ ಮಾಡಲಾಗುತ್ತದೆ.
ಸ್ನಾಪ್ಡೀಲ್ ನ ಈ ಸೇವೆಯನ್ನು ಪಡೆಯಲು ಬುಕಿಂಗ್ ಸಮಯದಲ್ಲಿ ಫ್ರೀಚಾರ್ಜ್ ಮೂಲಕ ಅಥವಾ ಡೆಬಿಟ್ ಕಾರ್ಡ್ ಮೂಲಕ ಪಾವತಿ ಮಾಡಬೇಕಾಗುತ್ತದೆ. ಈ ಸೇವೆಗಾಗಿ ಕೇವಲ ಒಂದು ರೂಪಾಯಿ ಅಧಿಕ ಪಾವತಿಸಬೇಕಾಗುತ್ತದೆ.
ನಗದು ವಿಲೇವಾರಿ ಮಾಡುವ ಸಮಯದಲ್ಲಿ ಗ್ರಾಹಕರು ತಮ್ಮ ಕಾರ್ಡ್ ಅನ್ನು ಪಿ.ಒ.ಎಸ್. ಅಥವಾ ಪಾಯಿಂಟ್ ಆಫ್ ಸೇಲ್ಸ್ ಉಪಕರಣದಲ್ಲಿ ಸ್ವೈಪ್ ಮಾಡಬೇಕಾಗುತ್ತದೆ. ಟ್ರಾನ್ಸಾಕ್ಷನ್ ಯಶಸ್ವಿಗೊಂಡ ಬಳಿಕ ಕೊರಿಯರ್ ಸಿಬ್ಬಂದಿ ಎರಡು ಸಾವಿರ ನಗದು ಹಣವನ್ನು ಗ್ರಾಹಕರಿಗೆ ನೀಡಲಿದ್ದಾರೆ.
ಸ್ನಾಪ್ ಡೀಲ್ ನಲ್ಲಿ ಕ್ಯಾಶ್ ಆನ್ ಡೆಲಿವರಿ ಮೂಲಕ ಖರೀದಿಸುವ ಗ್ರಾಹಕರಿಂದ ನಗದು ಹಣವನ್ನು ಪಡೆಯುವುದರಿಂದ ಈ ನಗದನ್ನು ಅಗತ್ಯವುಳ್ಳ ಇತರ ಗ್ರಾಹಕರಿಗೆ ನೀಡಲು ಈ ಕ್ರಮ ಅನುಸರಿಸಲಾಗಿದೆ.