ಭಟ್ಕಳ: ಲಯನ್ಸ್ ಕ್ಲಬ್ ಮುರ್ಡೇಶ್ವರವು ಸ್ನೇಹ ವಿಶೇಷ ಶಾಲೆಗೆ ವಿಶೇಷ ಅಗತ್ಯವುಳ್ಳ ಮಕ್ಕಳನ್ನು ಶಾಲೆಗೆ ಕರೆತರಲು ಅವಶ್ಯಕವಾದ ವಾರ್ಷಿಕ ಪ್ರಯಾಣ ಭತ್ಯೆಯಾಗಿ 6000ರೂಪಾಯಿಗಳನ್ನು ದೇಣಿಗೆಯಾಗಿ ನೀಡಿತು. 
ಲಯನ್ಸ್ ಕ್ಲಬ್ ಅಧ್ಯಕ್ಷರಾದ ನಾಗರಾಜ ಭಟ್‍ರವರು ಚೆಕ್‍ನ್ನು ಶಾಲೆಯ ಮುಖ್ಯ ಶಿಕ್ಷಕಿಯಾದ ಮಾಲತಿ ಶಿರೂರ್‍ರವರಿಗೆ ಹಸ್ತಾಂತರಿಸಿದರು. 
ಈ ವೇಳೆ ಲಯನ್ಸ್ ಕಾರ್ಯದರ್ಶಿ ನಾಗೇಶ ಮಡಿವಾಳ, ಸದಸ್ಯರಾದ ಡಾ.ವಾಧಿರಾಜ ಭಟ್, ಡಾ.ಸುನೀಲ್ ಜತ್ತನ್, ಡಾ.ಹರಿಪ್ರಸಾದ ಕಿಣಿ, ತಿಲಕ್ ರಾವ್, ಎ.ಎನ್.ಶೆಟ್ಟಿ, ವಿಶ್ವನಾಥ ಕಾಮತ, ಸುಬ್ರಾಯ ನಾಯ್ಕ, ಮೋಹನ ನಾಯ್ಕ, ಕಿರಣ ಕಾಯ್ಕಿಣಿ, ಗೌರೀಶ ನಾಯ್ಕ, ಶ್ರೀಧರ ನಾಯ್ಕ, ಗಜಾನನ ಶೆಟ್ಟಿ ಹಾಜರಿದ್ದರು. ಈ ವರ್ಷ ಜೂನ್ ತಿಂಗಳಲ್ಲಿಯೂ ಕೂಡ ಲಯನ್ಸ್ ಕ್ಲಬ್ ಈ ಶಾಲೆಗೆ ಸಾರಿಗೆ ಭತ್ಯೆಯಾಗಿ 10000ರೂಪಾಯಿಗಳನ್ನು ನೀಡಿದ್ದು, ಕ್ಲಬ್‍ನ ಸಮಾಜಮುಖಿ ಕಾರ್ಯಗಳಿಗೆ ಶಾಲಾ ಶಿಕ್ಷಕರು ಹರ್ಷ ವ್ಯಕ್ತಪಡಿಸಿದರು. ಪ್ರತಿ ವರ್ಷ ಮುರ್ಡೇಶ್ವರ ಲಯನ್ಸ್ ಕ್ಲಬ್ ಈ ಶಾಲೆಯಲ್ಲಿ ಒಂದಿಲ್ಲೊಂದು ಕಾರ್ಯಕ್ರಮ ಹಮ್ಮಿಕೊಂಡು ಸಹಾಯ ನೀಡುತ್ತಿರುವುದನ್ನು ಸ್ಮರಿಸಬಹುದಾಗಿದೆ.