ಮುರುಡೇಶ್ವರ ಗ್ರಾಮೀಣ ಶಿಕ್ಷಣ ಪ್ರತಿಷ್ಠಾನ (ರಿ.), ಮುರ್ಡೇಶ್ವರದ ವತಿಯಿಂದ, ಗ್ರಾಮೀಣ ಭಾಗದ 5 ರಿಂದ 9 ನೇ ತರಗತಿಯ ವಿದ್ಯಾರ್ಥಿಗಳಿಗಾಗಿ, ಸಂಸ್ಥೆಯ “ಕಿಡ್ಸ್ ಕಂಪ್ಯೂಟರ್” ಯೋಜನೆಯ  ಅಡಿಯಲ್ಲಿ, ಉಚಿತ ಇಂಗ್ಲೀಷ್ ಭಾಷಾ ತರಬೇತಿ, ಸಾಮಾನ್ಯ ಜ್ಞಾನ, ಬದುಕುವ ಕಲೆ, ನೈತಿಕ ಶಿಕ್ಷಣ, ವಿದ್ಯಾರ್ಥಿಗಳಿಗೆ ಉತ್ತಮ ನಾಗರೀಕರಾಗಲು ಬೇಕಾಗುವ ಅವಶ್ಯಕ ತರಬೇತಿಗಳ ಸೌಲಭ್ಯಗಳೊಂದಿಗೆ, “ಉಚಿತ ಕಂಪ್ಯೂಟರ್ ತರಬೇತಿ” ಹಾಗೂ ಉಚಿತ ಶಿಬಿರಗಳನ್ನು ಏರ್ಪಡಿಸಲಾಗುವುದು. ಗರಿಷ್ಠ 30 ವಿದ್ಯಾರ್ಥಿಗಳಿಗೆ ಪ್ರವೇಶ ಕಲ್ಪಿಸಿದ್ದು, ಮೊದಲು ಬಂದವರ ಆಧ್ಯತೆಯ ಮೇರೆಗೆ ಉಚಿತ ಪ್ರವೇಶ ನೀಡಲಾಗುವುದು. ಪ್ರವೇಶ ಪ್ರಕ್ರಿಯೆಯನ್ನು ಈಗಾಗಲೇ ಆರಂಭಿಸಲಾಗಿದೆ. ಈ ತರಬೇತಿಯು ಪ್ರತಿ ಶನಿವಾರ ಹಾಗೂ ಭಾನುವಾರ ಮಧ್ಯಾಹ್ನ; 2.30 ರಿಂದ ಸಂಜೆ: 5.30 ರವರೆಗೆ ನಡೆಯಲಿದ್ದು, ಇದೇ ಬರುವ ಜೂನ್ -15 ರಿಂದ ಆರಂಭಗೊಂಡು 2018ರ ಮೇ ತಿಂಗಳಲ್ಲಿ ಕೊನೆಗೊಳ್ಳಲಿದೆ. 

ಮಾತೆಯರು ತಮ್ಮ ಮಕ್ಕಳಿಗೆ ಈ ಶಿಕ್ಷಣದ ಅರಿವು ಮೂಡಿಸಿ, ಉಚಿತವಾಗಿ ತರಬೇತಿಗೆ ಸೇರಿಸಬಹುದೆಂದು ಸಂಸ್ಥೆಯ ಯೋಜನಾ ನಿರ್ದೇಶಕಿಯರಾದ ಶ್ರೀಮತಿ ಆಶಾ ಕಾಮತ್ ರವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. 
 
ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ : ಶ್ರೀ ಎಸ್. ಎಸ್. ಕಾಮತ್, ಆಡಳಿತ ಧರ್ಮದರ್ಶಿಗಳು, 
                             ಮೊ. ನಂ: 9902688754.