ಮುಂಡಗೋಡ : ಪಟ್ಟಣದಲ್ಲಿ ಬಿಡಾಡಿ ದನಗಳ ಹಾವಳಿ ಹೆಚ್ಚಾಗಿ ದನಗಳು ರಸ್ತೆ ಮೇಲೆ ಎಲ್ಲಂದರಲ್ಲಿ ಬಿದ್ದು ಕೊಂಡಿರುವ್ಯದರಿಂದ ವಾಹನ ಸವಾರರಿಗೆ ತುಂಬಾ ತೊಂದರೆಯಾಗುತ್ತಿದ್ದು ವಾಹನ ಚಾಲಕರು ಪಟ್ಟಣ ಪಂಚಾಯತ ಅಧಿಕಾರಿಗಳಿಗೆ ಹಿಡಿಶಾಪ ಹಾಕುತ್ತಿರುವುದು ನಿತ್ಯದ ಕಾಯಕವಾಗಿದೆ.
ಯಲ್ಲಾಪುರ ರಸ್ತೆಯ ಬನ್ನಿಕಟ್ಟೆ, ಬಸು ಸುಪರ ಮಾರ್ಕೇಟ್, ಬಂಕಾಪುರ ರಸ್ತೆಯ ಡಾ|| ದೇಸಾಯಿ ದವಾಖಾನೆ ಹತ್ತಿರ, ಪೊಲೀಸ ಠಾಣೆಯ ಹತ್ತಿರ, ಶಿರಸಿ ರಸ್ತೆಯ ಬಸ್ ಸ್ಯಾಂಡ್ ಹತ್ತಿರ, ಆಯ್ ಬಿ ಹತ್ತಿರ, ಹುಬ್ಬಳ್ಳಿ ರಸ್ತೆಯ ಪಟ್ಟಣ ಪಂಚಾಯತ್ ಹತ್ತಿರ, ಬಸವನಬೀದಿ ಕ್ರಾಸ್ ಹತ್ತಿರ, ಸರಕಾರ ದವಾಖಾನೆ ಹತ್ತಿರ ಹೀಗೆ ಪಟ್ಟಣದ ವಿವಿಧ ರಸ್ತೆಗಳಲ್ಲಿ ರಾಜಾರೋಶವಾಗಿ ರಸ್ತೆ ಅಡ್ಡಾಡುವುದು ಮಲಗುವುದು ಎಲ್ಲಂದರಲ್ಲಿ ಸಗಣಿ ಹಾಕಿ ಪಟ್ಟಣವನ್ನು ಗಲೀಜು ಮಾಡುತ್ತಿರುತ್ತವೆ. ಒಂದೊಂದು ಸಾರಿ ತಮ್ಮೊಳಗೆ ಗುದ್ದಾಡಿಕೊಂಡು  ಸಾರ್ವಜನಿಕರಲ್ಲಿ ಭಯವುಂಟು ಮಾಡುತ್ತವೆ ಇಷ್ಟೆಲ್ಲಾ ಆಗಿದ್ದರೂ   ಪಟ್ಟಣ ಪಂಚಾಯತ್ ಮುಂಡಗೋಡ ದವರು ಕೈ ಕಟ್ಟಿ ಕುಳಿತ್ತಿದ್ದಾರೆ ಅವರಿಗೆ ಪಟ್ಟಣದ ಕುರಿತು ಎಷ್ಟು ಕಾಳಜಿ ಇದೆ ಎನ್ನುವುದು ತೋರಿಸಿಕೊಡುತ್ತಿದೆ
ಹೀಗೆ ಬೀಡಾಡಿ ದನಗಳು ರಸ್ತೆ ಮೇಲಿರುವುದರಿಂದ ರಾತ್ರಿ ಹೊತ್ತಿನಲ್ಲಿ ವಾಹನ ಚಾಲಕರು ಡಿಕ್ಕಿ ಹೊಡೆದು ಬಿದ್ದಿರುವ ಅನೇಕ ನಿದರ್ಶನಗಳಂಟು.  ರಾತ್ರಿ ಹೊತ್ತಿನಲ್ಲಿ ದ್ವೀ ಚಕ್ರಸವಾರರು ಸಗಣಿ ಮೇಲೆ ಬ್ರೇಕ್ ಹಾಕಿ ಜಾರಿ ಬಿದ್ದಿರುವುದು ಅನೇಕರು. 
ಪಟ್ಟಣದಲ್ಲಿರುವ ಎರಡು ಕೊಂಡವಾಡಗಳು ಪಟ್ಟಣದಿಂದ ಬಹುದೂರ ಇರುವುದರಿಂದ ದನಗಳನ್ನು ಕೊಂಡವಾಡದಲ್ಲಿ ಹಾಕಲು ಸಿಬ್ಬಂದಿಗಳು ನಿಸ್ತೇಜನ ಗೊಂಡಿದ್ದಾರೆ. ದನಗಳನ್ನು ಕೊಂಡವಾಡಕ್ಕೆ ಹಾಕಿದರೆ ನಂತರ ಅದಕ್ಕೆ ಮೇವು ನೀರು ಇಡಬೇಕಲ್ಲಾ ಯಾಕೆ ಬೇಕು ನಮಗೆ ಬೀಡಾಡಿದನ ಉಸಾಬರಿ ನಮಗ್ಯಾಕೆ ಎಂದು ತೆಪ್ಪಗಿದ್ದಾರೆ ಎಂದು ಊಹಿಸಬಹುದಾಗಿದೆ
ಜನರ ಸುರಕ್ಷತೆ ಹಾಗೂ ಪಟ್ಟಣದ ಸೌಂದರ್ಯವನ್ನು ಹಾಳುಮಾಡುವ ಬೀಡಾಡಿ ದನಗಳನ್ನು ನಿಯಂತ್ರಿಸಲು ಮುಂದಾಗಲಿ. ಬೀಡಾಡಿ ದನಗಳನ್ನು ಕೊಂಡವಾಡಕ್ಕೆ ಹಾಕಿ ಬೀಡಾಡಿ ದನಗಳ ಮಾಲಿಕರಿಗೆ ದಂಡ ಹಾಕಿದರೆ ಬೀಡಾಡಿ ದನಗಳ ಹಾವಳಿ ಕಡಿಮೆ ಯಾಗಬಹುದು ಎಂದು ಊಹಿಸಬಹುದಾಗಿದೆ