ಮುಂಡಗೋಡ : ಕೇವಲ ಎರಡು ತಿಂಗಳ ಹಿಂದೆಷ್ಟೇ  ವಿವಾಹವಾಗಿದ್ದ ನವದಂಪತಿ ಉತ್ತರಕನ್ನಡ ಜಿಲ್ಲೆಯ ಮುಂಡಗೋಡ ಬಳಿಯ ಬಾಚಣಿಕೆ ಡ್ಯಾಂ ಪಕ್ಕ ಆತ್ಮಹತ್ಯ ಮಾಡಿಕೊಂಡಿರುವ ದಾರುಣ ಘಟನೆ ನಡೆದಿದೆ. 
ಹುಬ್ಬಳ್ಳಿ ಹೊಸೂರ ನಿವಾಸಿಗಳಾದ ವೆಂಕಟೇಶ ಅಲಿಯಾಸ್ ಜೋಗಿ ರಾಮರೆಡ್ಡಿ ಮಲ್ಲಸಮುದ್ರ(೨೮) ಹಾಗೂ ಆತನ ಪತ್ನಿ ಅಶ್ವಿನಿ(೨೫) ಬಾಚಣಿಕೆ ಡ್ಯಾಂ ಬಳಿಯ ನರ್ಸರಿಯಲ್ಲಿ ಮರಕ್ಕೆ ಒಂದೇ ಪ್ಲಾಸ್ಟೀಕ್ ಹಗ್ಗದಿಂದ ನೇಣುಬಿಗಿದು ಆತ್ಮಹತ್ಯೆ ಮಾಡಿಕೊಂಡಿರುವ ನತದೃಷ್ಟ ನವದಂಪತಿಯಾಗಿದ್ದಾರೆ. ಆತ್ಮಹತ್ಯಮಾಡಿಕೊಂಡಿರುವ ವಿಷಯ ಗುರುವಾರ ಬೆಳಗ್ಗೆ ಬೆಳಕಿಗೆ ಬಂದಿದೆ.
ಹುಬ್ಬಳ್ಳಿಯಿಂದ ಟಾಟಾ ಟವೇರಾ ನಂ ಕೆ.ಎ.೨೫ ಸಿ.೮೭೦೪ ವಾಹನದಲ್ಲಿ ಬಂದಿದ್ದ ವೆಂಕಟೇಶ, ಅಶ್ವಿನಿ ವಾಹನವನ್ನು ಘಟನಾ ಸ್ಥಳದಲ್ಲಿ ಬಿಟ್ಟು ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಆತ್ಮಹತ್ಯೆಗೆ ಮುನ್ನ ನಮ್ಮ ಸಾವಿಗೆ ನಾವೆ ಕಾರಣ ಎಂದು ಡೆತ್ ನೋಟ ಬರೆದಿಟ್ಟಿದ್ದು ಆಯ್.ಲವ್,ಯೂ ಅಶ್ವಿನಿ ಎಂಬ ಬರಹವು ಇದೆ 
ಆತ್ಮಹತ್ಯೆ ಮಾಡಿಕೊಂಡಿರುವ ನವ ದಂಪತಿ ಉದ್ಯೋಗಿಗಳೇ, ಒಂದೇ ಜಾತಿಯವರೇ, ಅನ್ಯಕೊಮಿನವರೆ, ಆತ್ಮಹತೆ ಮಾಡಿಕೊಂಡಿರುವ ಈ ಕಠೋರ ನಿರ್ಧಾರದ ಹಿಂದೆ ಮದುವೆಗೆ ಎರಡು ಕುಟುಂಬಗಳವರ ವಿರೋಧವಿತ್ತೇ ಇದೊಂದು ಆತ್ಮಹತ್ಯೆಯೋ ಪೂರ್ವನಿಯೋಜಿತ ಕೊಲೆಯೋ ಎಂಬ ಬಗ್ಗೆ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ ಘಟನಾ ಸ್ಥಳಕ್ಕೆ ಮುಂಡಗೋಡ ಪಿ.ಎಸ್‌ಆಯ್ ಲಕ್ಕಪ್ಪ ನಾಯಕ್ ಮತ್ತು ಸಿಬ್ಬಂದಿ ಭೇಟಿನೀಡಿ ಪರಿಶೀಲಿಸಿದ್ದು ತನಿಖೆ ನಡೆದಿದೆ