ಮುಂಡಗೋಡ : ಕಳೆದ ತಿಂಗಳು ಮುಂಡಗೋಡ ಹಾಗೂ ಕಾತೂರ ಅರಣ್ಯ ವಲಯದ ಪ್ರದೇಶದಲ್ಲಿ ಎಂಟು ದಿನಗಳ ಕಾಲ ಹುಲಿ ಗಣತಿ ಕಾರ್ಯಮುಗಿದಿದ್ದು ತಾಲೂಕಿನಲ್ಲಿ ಹುಲಿ ಇರುವ ಬಗ್ಗೆ ಯಾವುದೇ ಸುಳಿವು ಕಂಡು ಬಂದಿಲ್ಲ.
ಚಿರತೆ ಓಡಾಡಿರುವ ಹೆಜ್ಜೆ ಗುರುತು ವಡಗಟ್ಟಾ ಹಾಗೂ ಬ್ಯಾನಳ್ಳಿ ಅರಣ್ಯ ಪ್ರದೇಶದಲ್ಲಿ ಕಂಡು ಬಂದಿದೆ ಎಂದಿದೆ ಅರಣ್ಯ ಇಲಾಖೆ ಯ ಮೂಲಗಳಿಂದ ತಿಳಿದು ಬಂದಿದೆ
ಕಳೆದ ತಿಂಗಳ ಕೊನೆಯಲ್ಲಿ ಎಂಟು ದಿನಗಳ ಕಾಲ ಅರಣ್ಯ ಇಲಾಖೆಯವರು ಮುಂಡಗೋಡ ಹಾಗೂ ಕಾತೂರ ಅರಣ್ಯವಲಯದಲ್ಲಿ ಪ್ರತ್ಯಕವಾಗಿ ಕೈಗೊಂಡ ಹುಲಿ ಗಣತಿ ಕಾರ್ಯ ಮುಗಿದಿದ್ದು, ಹುಲಿ ಹೊರತು ಪಡಿಸಿ ಚಿರತೆ , ಕಾಡಾನೆ, ಜಿಂಕೆ, ಮುಳ್ಳು ಹಂದಿ ನರಿ, ಕರಡಿ, ಹಾಗೂ ಕೆಂಪು ಹಾಗೂ ಕಪ್ಪು ಮುಖದ ಮಂಗಗಳು ಇರುವುದು ಕಂಡು ಬಂದಿದೆ
ಕಾಡು ಹಂದಿ ಇರುವುದು ಸರ್ವೇಕಾರ್ಯದಲ್ಲಿ ದಾಖಲಾಗಿದೆ. ತಾಲೂಕಿನಲ್ಲಿ ವಡಗಟ್ಟಾ ಹಾಗೂ ಬ್ಯಾನಳ್ಳಿ ಅರಣ್ಯ ಪ್ರದೇಶದಲ್ಲಿ ಚಿರತೆಯ ಹೆಜ್ಜೆ ಗುರುತು ಮೂಡಿದ್ದು ಗುಂಜಾವತಿ ಅರಣ್ಯದಲ್ಲಿ ಆನೆಗಳು ಒಡಾಡಿರುವ ಮಾಹಿತಿಯನ್ನು ಕಲೆ ಹಾಕಲಾಗಿದೆ. ಇಂದೂರ ಅರಣ್ಯ ಪ್ರದೇಶದಲ್ಲಿ ಜಿಂಕೆಗಳು ಗುಂಪು ಗುಂಪಾಗಿ ಜಲಮೂಲಗಳ ಸನಿಹ ಹುಲ್ಲು ತಿನ್ನುತ್ತಿರುವುದು, ಕಾಡು ಹಂದಿಗಳು ಓಡಾಟ ನಡೆಸಿರುವುದು ಅರಣ್ಯ ಇಲಾಖೆಯ ಕ್ಯಾಮರಾದಲ್ಲಿ ಸೆರೆಯಾಗಿದೆ
ಅರಣ್ಯ ಪ್ರದೇಶದಲ್ಲಿ ಪ್ರಾಣಿಗಳ ಇರುವಿಕೆಯ ನಿಖರವಾದ ಮಾಹಿತಿ ಕಲೆಹಾಕಲು ಗಣತಿಗೆ ಹಗಲು ಮತ್ತು ರಾತ್ರಿಗೆ ಪೂರಕವಾದ 10 ಕ್ಯಾಮರಾಗಳನ್ನು ಅರಣ್ಯ ವ್ಯಾಪ್ತಿಯಲ್ಲಿ ಅಳವಡಿಸಲಾಗಿತ್ತು
ಹಗಲು ಮತ್ತು ರಾತ್ರಿಗೆ ಪೂರಕವಾಗಿದ್ದ ಕ್ಯಾಮರಾಗಳಲ್ಲಿ ಕೆಲವಡೆ ಜಿಂಕೆಗಳು ಸೇರಿದಂತೆ ಇನ್ನಿತರ ಪ್ರಾಣಿಗಳ ಚಲನವಲನ ಸೆರೆಯಾಗಿದೆ ಎಂದು ಎಸಿಎಫ್ ಜಿ.ಆರ್.ಶಶಿಧರ ತಿಳಿಸಿದ್ದಾರೆ,
ಪ್ರಾಣಿಗಳ ಚಲನ ವಲನ ಗುರುತಿಸಲು ದಟ್ಟವಾದ ಅರಣ್ಯ ಪ್ರದೇಶ, ಜಲಮೂಲಗಳ
ಸನಿಹ ಹಾಗೂ ದಿನವೂ ಒಡಾಡುವ ದಾರಿ ಎಂದು ಗುರುತಿಸಿರುವ ಕಡೆಗಳಲ್ಲಿ ಕ್ಯಾಮರಾಗಳನ್ನು ಅಳವಡಿಸಲಾಗಿತ್ತು, ಇದಲ್ಲದೆ ಕೆಲವಂದು ಗುಣಲಕ್ಷಣಗಳ ಮೇಲೆ ಪ್ರಾಣಿಗಳ ಇರುವಿಕೆ ಅಥವಾ ಓಡಾಡಿರುವುದನ್ನು ಕಂಡು ಹಿಡಿಯಲಾಗಿದೆ. ಎಂದು ಹೇಳಿದರು
ಹೆಜ್ಜೆ ಗುರುತು, ಗಿಡಮರಗಳ ಬುಡದಲ್ಲಿ ಪರಚಿದಂತೆ ಗೇರೆ ಮೂಡಿರುವುದು, ಲದ್ದಿ ಹಾಕಿರುವುದು, ಉಚ್ಚೆ ವಾಸನೆ ಸೇರಿದಂತೆ ಪ್ರಾಣಿಗಳ ಇನ್ನಿತರ ಗುಣ ಲಕ್ಷಣಗಳನ್ನು ಆಧರಿಸಿ ನಿಖರವಾದ ಗಣತಿ ಕಾರ್ಯ ಕೈಗೊಳಲಾಗಿದೆ. ತಾಲೂಕಿನಲ್ಲಿ ಹುಲಿ ಇರುವ ಅಥವಾ ಓಡಾಡಿರುವ ಗುರುತು ಪತ್ತೆಯಾಗಿಲ್ಲ ಎಂದು ಅವರು ತಿಳಿಸಿದರು