ಮುಂಡಗೋಡ : ಅಕ್ರಮವಾಗಿ ಕಾಡುಹಂದಿಯ ಮಾಂಸವನ್ನು ಅಟೋರಿಕ್ಷಾದಲ್ಲಿ ಸಾಗಿಸುತ್ತಿರುವಾಗ ಅರಣ್ಯ ಇಲಾಖೆ ಸಿಬ್ಬಂದಿ ದಾಳಿನಡೆಸಿ ಮೂವರು ಆರೋಪಿಗಳ ಸಮೇತ ಅಟೋ ರೀಕ್ಷಾ ಹಾಗೂ ಒಂದು ಬೈಕ್ ವಶ ಪಡಿಸಿಕೊಂಡ ಘಟನೆ ತಾಲೂಕಿನ ವಡಗಟ್ಟಾ  ಅರಣ್ಯ ಸರ್ವೇನಂ 42 ರಲ್ಲಿ ಜರುಗಿದೆ.
ಬಂದಿತ ಆರೋಪಿಗಳನ್ನು ಪಟ್ಟಣದ ಗಾಂಧಿನಗರದ ಸುರೇಶ ತಿಮ್ಮಣ್ಣ ಕೊರವರ(38)ಕಲ್ಲಪ್ಪ ಹನ್ಮಂತಪ್ಪ ಕೊರವರ(37) ಹಾಗೂ ಅಂಬೇಡ್ಕರ ಓಣಿಯ ಗಂಗಾಧರ ಕೊರವರ(31)ಎಂದು ತಿಳಿದು ಬಂದಿದೆ.
ವಡಗಟ್ಟಾ ಕಾಯ್ದಿಟ್ಟ ಅರಣ್ಯ ಪ್ರದೇಶ ಸವೇ ನಂ 42 ರಲ್ಲಿ  ಬೆಳಗಿನ ಜಾವ ಕಾಡುಹಂದಿಯನ್ನು ಬೇಟೆಯಾಡಿದ ಆರೋಪಿಗಳು  ಅದನ್ನು ಅಲ್ಲಿಯೇ ಮಾಂಸವನ್ನು ಬೇರ್ಪಡಿಸಿ ಸುಮಾರು 80 ಕೆಜಿ ಮಾಂಸವನ್ನು ಎರಡು ಚೀಲದಲ್ಲಿ ತುಂಬಿ ಅಟೋ ರಿಕ್ಷಾದಲ್ಲಿ ತೆಗೆದುಕೊಂಡು ಬರುತ್ತಿರುವಾಗ  ಅರಣ್ಯ ಇಲಾಖೆಯವರು ದಾಳಿ ನಡಸಿ ಬಂದಿತರಿಂದ ಎರಡು ಚಾಕು ಒಂದುಕತ್ತಿ ಹಾಗೂ ಒಂದು ಬೈಕ್ ಸೇರಿದಂತೆ ಎಂಭತ್ತು ಕೆಜಿ ಕಾಡುಹಂದಿ ಮಾಂಸ ಅಟೋ ರಿಕ್ಷಾವನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.
ಈ ದಾಳಿಯ ನೇತೃತ್ವವನ್ನು ವಲಯ ಅರಣ್ಯಾಧಿಕಾರಿ ಸುರೇಶ ಕಲ್ಲೋಳ್ಳಿ ಹಾಗೂ ವನಪಾಲಕರಾದ ಬಸವರಾಜ ಪೂಜಾರಿ, ಆನಂದ ಪೂಜಾರ, ಅರಣ್ಯ ರಕ್ಷಕರಾದ ನಿಂಗಪ್ಪ  ಕಲಾದಗಿ, ರಮೇಶ ಸಜ್ಜನ, ಬೋಜು ಚವ್ಹಾಳ ರಮೇಶ ಭಜಂತ್ರಿ, ಸಸವರಾಜ ನಾಯ್ಕ ಮುಂತಾದವರಿದ್ದರು. ಈ ಕುರಿತು ಪ್ರಕರಣ ದಾಖಲಿಸಿಕೊಂಡಿದ್ದಾರೆ