ಮುಂಡಗೋಡ : ಮನೆಯೊಂದಕ್ಕೆ ಆಕಸ್ಮಿಕವಾಗಿ ಬೆಂಕಿ ಬಿದ್ದು ಅಪಾರ ಹಾನಿಯಾದ ಘಟನೆಯೊಂದು ತಾಲೂಕಿನ ಮಳಗಿ ಗ್ರಾ.ಪಂ. ವ್ಯಾಪ್ತಿಯ ಹೊಸಕೊಪ್ಪ ಗ್ರಾಮದಲ್ಲಿ ನಡೆದಿದೆ.
ತಾಲೂಕಿನ ಹೊಸಕೊಪ್ಪ ಗ್ರಾಮದ ಮಂಗಲಾ ಗಜಾನನ ಕೊಡಿಯಾ ಅವರ ಮನೆಗೆ ಆಕಸ್ಮಿಕವಾಗಿ ಬೆಂಕಿ ಬಿದ್ದು ಮನೆಯಲ್ಲಿದ್ದ ಮಂಚ, ಕಲರ್ ಟಿ.ವಿ., ೨೫೦ ಹಂಚು, ರೀಪು, ಪಕಾಸು, ಪಾತ್ರೆ, ಬಟ್ಟೆ ಬಾಗಿಲು ಸುಟ್ಟು ಹೋಗಿದೆ. 
ಈ ಬೆಂಕಿ ಅನಾಹುತದಿಂದ ೫೦-೬೦ಸಾವಿರರೂ. ಹಾನಿಯಾಗಿದೆ ಎಂದು ಅಂದಾಜಿಸಲಾಗಿದೆ. ಘಟನಾ ಸ್ಥಳಕ್ಕೆ ಮಳಗಿ ಗ್ರಾ.ಪಂ.ಅಧ್ಯಕ್ಷೆ ರೇಖಾ ಅಂಡಗಿ, ಪಿ.ಡಿ.ಓ. ಪರಶುರಾಮ ಮಲವಳ್ಳಿ, ಉಪಾಧ್ಯಕ್ಷರು, ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ಈ ಸಂದರ್ಭದಲ್ಲಿ ಮಂಗಲಾ ಕೊಡಿಯಾ, ಆನಂದ ಪೂಜಾರ ಇದ್ದರು. 
ಬೆಂಕಿ ಅನಾಹುತದಿಂದ ಅಪಾರ ಹಾನಿಯಾಗಿರುವ ಮಂಗಲಾ ಕೊಡಿಯಾ ಅವರಿಗೆ ಸೂಕ್ತ ಪರಿಹಾರ ನೀಡಬೇಕೆಂದು ಮಳಗಿ ಗ್ರಾ.ಪಂ.ದವರು ಮುಂಡಗೋಡ ತಹಶೀಲದಾರರಿಗೆ ಮನವಿಯೊಂದನ್ನು ಸಲ್ಲಿಸಿದ್ದಾರೆ.