ಮುಂಡಗೋಡ : ದಲಿತ, ಅಲ್ಪಸಂಖ್ಯಾತ ಮತ್ತು ಹಿಂದುಳಿದ ವರ್ಗಗಳ ಬಡವರಿಗೆ, ಹಾಗೂ  ರೈತರಿಗೆ  ಸಾಮಾಜಿಕ ನ್ಯಾಯ ಮತ್ತು ಸಂವಿದಾನ ಬದ್ಧವಾದ  ಹಕ್ಕುಗಳನ್ನು ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಒದಗಿಸದುವುದು ಸೇರಿದಂತೆ ವಿವಿದ ಬೇಡಿಕೆ ಈಡೇರಿಸುವಂತೆ ಆಗ್ರಹಿಸಿ ಕರ್ನಾಟಕ ದಲಿತ ಸಂಘರ್ಷ ಸಮಿತಿ ಶುಕ್ರವಾರ ಪಟ್ಟಣದಲ್ಲಿ ಪ್ರತಿಭಟನೆ ನಡೆಸಿ ತಹಶೀಲ್ದಾರ ಮುಖಾಂತರ ಪ್ರಧಾನ ಮಂತ್ರಿಗಳಿಗೆ ಹಾಗೂ ಮುಖ್ಯ ಮಂತ್ರಿಗಳಿಗೆ ಮನವಿ ಅರ್ಪಿಸಿದರು.
ಬೇಡಿಕೆಗಳು – ಸರ್ಕಾರಿ ಪ್ರಾಥಮಿಕ ಶಾಲೆಗಳನ್ನು ಸರ್ಕಾರ ಅನಾವಶಕ ಕಾರಣಗಳನ್ನು ಮುಂದಿಟ್ಟು ಮುಚ್ಚಬಾರದು ಮತ್ತು ಪ್ರಾಥಮಿಕ ಶಾಲೆಗಳಲ್ಲಿ ಎಲ್,ಕೆ,ಜಿ-ಯು,ಕೆ.ಜಿ. ಪ್ರಾರಂಭಿಸಿ ಆಂಗ್ಲ ಮಾಧ್ಯಮವನ್ನು ಅಳವಡಿಸಿ ಬಡವರ ಮಕ್ಕಳು ಶ್ರೀಮಂತರ ಮಕ್ಕಳ ಹಾಗೆ ಇಂಗ್ಲಿಷ ಕಲಿತು ಸಮಾಜದಲ್ಲಿ ಮುಂದೆ ಬರಬೇಕು. ಬಿ.ಪಿ.ಎಲ್. ಕಾರ್ಡ ಹೊಂದಿದ ಬಡವರಿಗೆ ಸರ್ಕಾರ ಯುನಿಟ್ ಪದ್ದತಿ  ಜಾರಿಗೆ  ತಂದಿರುವುದು ಬಡವರಿಗೆ ಗೊಂದಲ ಉಂಟಾಗಿದ್ದು ಕೂಡಲೇ ಯುನಿಟ್ ಪದ್ದತಿ ರದ್ಧು ಮಾಡಿ ಈ ಹಿಂದಿನಂತೆ ೩೦ ಕೆ,ಜಿ. ಆಹಾರ ಧಾನ್ಯಗಳನ್ನು ನೀಡಬೇಕು. ಪ್ರಾಥಮಿಕ ಮತ್ತು ಪ್ರೌಢಶಾಲೆಗಳಲ್ಲಿ ಬಿಸಿ ಊಟ ತಯಾರಿಸಲು ನೇಮಕ ಮಾಡಿಕೊಂಡಿರುವ ಕೆಲಸಗಾರರನ್ನು ತೆಗೆದು ಹಾಕಿ ಕೇಂದ್ರಿಕೃತ ಅಡುಗೆ ಮನೆಯಿಂದ ಊಟವನ್ನು ಶಾಲೆಗಳಿಗೆ ಸಾಗಾಣೆಕೆ ಮಾಡುವುದು ವಿದ್ಯಾರ್ಥಿಗಳ ಹಿತದೃಷ್ಟಿಯಿಂದ ಮತ್ತು ಅಡುಗೆ ತಯಾರಿಕಾ ಕೆಲಸಗಾರರ ಹಿತದೃಷ್ಟಿಯಿಂದ ಇದು ಸರಿಯಾದ ಕ್ರಮವಲ್ಲ ಈ ಕ್ರಮವನ್ನು ಸರ್ಕಾರ ಕೈ ಬಿಟ್ಟು ಈಗ ಇದ್ದ ಪದ್ದತಿಯನ್ನೆ ಮುಂದುವರೆಸಬೇಕು, ಕಾವೇರಿ ಮತ್ತು ಮಹದಾಯಿ ನದಿ ವಿಷಯದಲ್ಲಿ ಕರ್ನಾಟಕಕ್ಕೆ ತುಂಭಾ ಅನ್ಯಾಯವಾಗಿದ್ದು, ಈ ಬಗ್ಗೆ ಕೇಂದ್ರ ಸರ್ಕಾರ ಮಧ್ಯ ಪ್ರವೇಶಿಸಿ ಸರಿಯಾದ ನ್ಯಾಯ ಒದಗಿಸಿಕೊಡಬೇಕು. ೨೦೧೬-೧೭ ಸಾಲಿನಲ್ಲಿ ಮುಂಡಗೋಡ ತಾಲೂಕು ಸೇರಿದಂತೆ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಮಳೆಯಾಗದೆ ಬೆಳೆ ಒಣಗುತ್ತಿವೆ ಹಾಗಾಗಿ ಕೇಂದ್ರ ಹಾಗೂ ರಾಜ್ಯ ಸರ್ಕಾರ ರೈತರಿಗೆ ಬೆಳೆ ವಿಮೆ ಹಾಗೂ ಪ್ರತಿ ಎಕರೆಗೆ ೨೫ ಸಾವಿರ ರೂಗಳನ್ನು ಪರಿಹಾರ ಧನ ನೀಡಬೇಕು. ಈ ದೇಶದ ಒಟ್ಟು ಭೂಮಿಯಲ್ಲಿ ಶೇ ೩೩  ರಷ್ಟು ಭೂಮಿಯಲ್ಲಿ ಗಿಡ ಮರಗಳನ್ನು ನೆಟ್ಟು ಇದ್ದ ಅರಣ್ಯವನ್ನು ಹಾಗೂ ಪಶ್ಚಿಮ ಘಟ್ಟವನ್ನು ರಕ್ಷಿಸಿ ಮಾನವ ಕುಲಕ್ಕೆ ಪರಿಸರ ಸಂಪತ್ತನ್ನು ಉಳಿಸುವುದರ ಮೂಲಕ ಪ್ರಾಣಿ ಪಕ್ಷಿಗಳು ಬದುಕಲು ಅವಕಾಶ ಮಾಡಿಕೊಡಬೇಕು ಅಲ್ಲದೆ ಅನೇಕ ಬೇಡಿಕೆಗಳನ್ನು ಸಮರ್ಪಕವಾಗಿ ಈಡೇರಿಸುವಂತೆ ಒತ್ತಾಯಿಸಿದ್ದಾರೆ. 
ಈ ಸಂಧರ್ಭದಲ್ಲಿ ಕರ್ನಾಟಕ ದಲಿತ ಸಂಘರ್ಷ ಸಮಿತಿ ಜಿಲ್ಲಾ ಸಂಚಾಲಕ ಎಸ್, ಫಕ್ಕೀರಪ್ಪ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ತಿರುಪತಿ ಕೊಂಡ್ಲಿ, ಜಿಲ್ಲಾ ಖಜಾಂಚಿ ಬಸವಂತಪ್ಪ ಮಡ್ಲಿ, ಬಸವರಾಜ ಹರಿಜನ, ಬಸವರಾಜ ಹಳ್ಳೆಮ್ಮನವರ, ರಾಜು ಭೋವಿ,  ಪಕ್ಕೀರಪ್ಪ ಹರಿಜನ, ಬಾಸ್ಕರ್ ಭೋವಿ, ರಾಘವೇಂದ್ರಪ್ಪ ಹರಿಜನ, ನಾಗರಾಜ ಮಾಡಳ್ಳಿ, ಹನುಮಂತಪ್ಪ ಹರಿಜನ  ಉಪಸ್ಥಿತರಿದ್ದರು.