ಮುಂಡಗೋಡ : ಆಧುನಿಕತೆ ಜೀವನ ಶೈಲಿ ಹಾಗೂ ಆಹಾರ ಪದ್ದತಿಯಿಂದ ಇಂದು ಜನರು ರೋಗಗಳನ್ನು ಬರಮಾಡಿಕೊಂಡು ರೋಗಗ್ರಸ್ತರಾಗಿ ಆರೋಗ್ಯಕ್ಕಾಗಿ ಹಣ ಖರ್ಚುಮಾಡುತ್ತಾ ಸಣ್ಣಸಣ್ಣ ಆಸ್ಪತ್ರೆಯಿಂದ ಹಿಡಿದು ದೊಡ್ಡದೊಡ್ಡ ಮಲ್ಟಿ ಸ್ಪೇಶಾಲಿಟಿ ಆಸ್ಪತ್ರೆಗಳಿಗೆ  ಅಲೆದಾಡುತ್ತಿರುವುದನ್ನು ನೋಡಿದರೆ ಖೇದವೆನಿಸುತ್ತಿದೆ ಏಕೆಂದರೆ ಆರೋಗ್ಯ ಯಾವ ಆಸ್ಪತ್ರೆಯಲ್ಲಿ ಸೀಗುವುದಿಲ್ಲಾ ಆರೋಗ್ಯ ನಮ್ಮ ಅಂಗೈಯಲ್ಲಿದೆ ಎಂದು ಹುಬ್ಬಳ್ಳಿಯ ಆಯುರ್ವೇದಿಕ ಮಹಾವಿದ್ಯಾಲಯದ ಪ್ರೋಫೆಸರ  ಡಾ: ಸಿದ್ದನಗೌಡ ಪಾಟೀಲ ಹೇಳಿದರು
ಅವರು ಸರಕಾರಿ ಆಯುರ್ವೇದ ಆಸ್ಪತ್ರೆ ಮುಂಡಗೋಡ ಹಾಗೂ ಮೃತ್ಯುಂಜಯ ಸಮಗ್ರ ಅಭಿವೃದ್ದಿ ಸಂಸ್ಥೆ ಮುಂಡಗೋಡ ಇವರ ಸಂಯುಕ್ತಾಶ್ರಯದಲ್ಲಿ ಆಸ್ಪತ್ರೆಯ ಯೋಗ ಹಾಲ್ ನಲ್ಲಿ ಹಮ್ಮಿಕೊಂಡಿರುವ ಉಚಿತ ಮೂಲವ್ಯಾದಿ ತಪಾಸಣಾ ಚಿಕಿತ್ಸಾ ಶಿಬಿರದ ಮುಖ್ಯ ಅತಿಥಿಗಳಾಗಿ(ಚಿಕಿತ್ಸಕರಾಗಿ) ಮಾತನಾಡುತ್ತಿದ್ದರು.
ಮೂಲವ್ಯಾದಿಗೆ ಪ್ರಥಮ ಹಂತದಲ್ಲಿ ವೈದ್ಯರ ಔಷದೋಪಚಾರದಿಂದ ಗುಣವಾಗ ಬಲ್ಲದು ಆದರೆ ನಮ್ಮ ಜನರು ನಾಚಿಕೆಗೆ ಒಳಪಟ್ಟು ಮೂಲವ್ಯಾದಿ ಕೊನೆಹಂತಕ್ಕೆ ಬಂದಾಗ ತೋರಿಸಿಕೊಳ್ಳುತ್ತಾರೆ . ಬೇರೆ ಬೇರೆ ಅಂಗಗಳಿಗೆ ಏನಾದರೂ ಆದರೆ ಹೇಗೆ ತೋರಿಸಿಕೊಂಡು ಗುಣಪಡಿಸಿಕೊಳ್ಳುತ್ತಿರೋ ಹಾಗೆ ಇದು ಒಂದು ಅಂಗ ಎಂದು ನಾಚಿಕೆ ಪಟ್ಟು ರೋಗ ಉಲ್ಬಣವಾಗದಂತೆ ನೋಡಿಕೊಳ್ಳುವ ಎಲ್ಲರ ಜವಾಬ್ದಾರಿಯಾಗಿದೆ ಎಂದರು 
ಇಂದು ಮೂಲವ್ಯಾದಿಗೆ ಮೂಲಕಾರಣ ಆಹಾರ ಪದ್ದತಿ ಹೊರಗಿನ ಆಹಾರಕ್ಕೆ ಅಂಟಿಕೊಂಡಿರುವುದರಿಂದ ಹಾಗೂ ಸಮಯಕ್ಕೆ ಸರಿಯಾಗಿ ಊಟ ಮಾಡುವುದು, ಊಟದಲ್ಲಿ ಫೈಬರಯುಕ್ತ ಆಹಾರ, ಹಸಿರು ತರಕಾರಿ ತಿನ್ನದೆ, ಹೆಚ್ಚು ಹೆಚ್ಚು ನೀರು ಕುಡಿಯದೇ ಇರುವದರಿಂದ ರೋಗಗಳು ನಮ್ಮ ದೇಹಕ್ಕೆ ಅಂಟಿಕೊಳ್ಳುತ್ತಿದ್ದೆವೆ ಎಂದರು. ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಚಹಾ, ಕಾಫೀ ಕುಡಿಯುವುದರಿಂದ ಹಾಗೂ ವ್ಯಾಯಮ ಇಲ್ಲದ ಜೀವನ ರೋಗಗಳಿಗೆ ಅಹ್ವಾನ ನೀಡುವಂತಾಗುತ್ತದೆ
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ ಜಿ.ಪಂ ಸದಸ್ಯ ಎಲ್.ಟಿ.ಪಾಟೀಲ, ಯಲ್ಲಾಪುರದ ನರಸಿಂಹ ಕೋಣನಮನೆ, ಪೀಟರ ಸ್ಯಾಮಸನ್, ಬಿಜೆಪಿ ಧುರಿಣ  ಬಸವರಾಜ ಓಶೀಮಠ, ಸಮಾಜ ಸೇವಕ ಎನ್ ಮೂರ್ತಿ ಮುಂತಾದವರು ಮಾತನಾಡಿದರು
ಪ.ಪಂ ಅಧ್ಯಕ್ಷ ರಫೀಕ ಇನಾಮದಾರ, ತಾಲೂಕ ಬಿಜೆಪಿ ಅಧ್ಯಕ್ಷ ಗುಡ್ಡಪ್ಪಾ ಕಾತೂರ,  ಹಜ್ ಕಮಿಟಿ ಸದಸ್ಯ ಯಾಖೂಬ ಎಲಿವಾಳ.ಎಪಿ‌ಎಮ್‌ಸಿ ಮಾಜಿ ಅಧ್ಯಕ್ಷ ಮಲ್ಲಿಕಾರ್ಜುನ ಕುಟ್ರಿ, ಕಿರಣ ಶೇರಖಾನೆ ಆಸ್ಪತ್ರೆಯ ವೈದ್ಯಾಧಿಕಾರಿ ಸಂಜಯ ಗಲಗಲಿ ಸೇರಿದಂತೆ ಮುಂತಾದವರು ಉಪಸ್ಥಿತ ರಿದ್ದರು ಕಾರ್ಯಕ್ರಮ ನಿರೂಪಣೆಯನ್ನು ಮಾರುತಿ ಓಂಕಾರ ಮಾಡಿದರು