ಮುಂಡಗೋಡ : 2017-18 ನೇ ಸಾಲಿನ ಆತ್ಮಾ ಯೋಜನೆಯಡಿ ರೈತ ಕ್ಷೇತ್ರ ಪಾಠಶಾಲೆಯನ್ನು ತಾಲೂಕಿನ ಕೋಳಗಿ ಗ್ರಾಮದಲ್ಲಿ ಕೈಗೊಳ್ಳಲಾಗಿತ್ತು ಇದರ ಅಂಗವಾಗಿ ಹರಗನಹಳ್ಳಿಗ್ರಾಮದಲ್ಲಿ  ಗಜಾನನ ಕತ್ಲೇರ್, ಪ್ರಗತಿಪರ ರೈತರ ಕ್ಷೇತ್ರದಲ್ಲಿ ಪ್ರಾತ್ಯಕ್ಷತೆಯ ಕ್ಷೇತ್ರೋತ್ಸವ ಜರುಗಿಸಲಾಯಿತು.
ಕ್ಷೇತ್ರದಲ್ಲಿ ಗಂಗೋತ್ರಿ ಮತ್ತು ಅಭಿಲಾಷಾ ಭತ್ತದ ತಳಿಗಳ ಕುರಿತು ನಾಟಿ ಹಾಗೂ ಕೂರಿಗೆ ಬಿತ್ತನೆಗಳ ಬಗ್ಗೆ ತಾಂತ್ರಿಕ ಅವಿಷ್ಕಾರಗಳ ಅಳವಡಿಕೆ ಕುರಿತು ಭಾಗವಹಿಸಿದ ಸುಮಾರು 70 ರೈತರಿಗೆ ಕೃಷಿ ವಿಜ್ಞಾನ ಕೇಂದ್ರದ ವಿಜ್ಞಾನಿಗಳ ಮೂಲಕ ತಾಂತ್ರಿಕ ಮಾಹಿತಿಯನ್ನು ನೀಡಲಾಯಿತು. ಕ್ಷೇತ್ರೋತ್ಸವದ  ದಾನಿ ರೈತ ಗಜಾನನ ಅತ್ಲೇರ  ಮಾತನಾಡಿ ಈ ತಳಿಗಳ ಬಗ್ಗೆ ತಮ್ಮ ಅನುಭವ ಹಾಗೂ ಮೆಚ್ಚುಗೆಯನ್ನು ವ್ಯಕ್ತಪಡಿಸಿದರು.
ಕಾರ್ಯಕ್ರಮದಲ್ಲಿ ಮಧುಕರ ಸೇಟ್, ಆರ್.ಜಿ.ನಾಯ್ಕ, ಮೈಲಾರಪ್ಪ ಬಾವಿಮ ನಾಗರಾಜಗೌಡ ಪಾಟೀಲ ಚಂದ್ರಗೌಡ ಪಾಟೀಲ್ ಹುಲಮನಿ ಸೇರಿದಂತೆ ಮುಂತಾದವರು ಭಾಗವಹಿಸಿದ್ದರು