ಮುಂಡಗೋಡ : ಜೆಡಿಎಸ್ ಮುಖಂಡರಾದ ರಾಮಣ್ಣ ಕುನ್ನೂರ ಮತ್ತು ತಾಲೂಕಿನ ಇಂದೂರ ಗ್ರಾಮದ ಬಿ.ಜೆ.ಪಿ. ಮುಖಂಡ ಶಿವರಾಜ ಸುಭೇದಾರ ಅವರು ಮಂಗಳವಾರ ಶಾಸಕ ಶಿವರಾಮ ಹೆಬ್ಬಾರ ಅವರ ಸಮ್ಮುಖದಲ್ಲಿ ಕಾಂಗ್ರೆಸ ಪಕ್ಷಕ್ಕೆ ಸೇರ್ಪಡೆಯಾದರು.
     ಈ ಸಂದರ್ಭದಲ್ಲಿ ಶಾಸಕ ಶಿವರಾಮ ಹೆಬ್ಬಾರ ಮಾತನಾಡಿ, ಪಕ್ಷ ಸೇರ್ಪಡೆಯಾದ ರಾಮಣ್ಣ ಕುನ್ನೂರ ಮತ್ತು ಶಿವರಾಜ ಸುಭೇದಾರ ಅವರನ್ನು ಕಾಂಗ್ರೆಸ ಪಕ್ಷದಲ್ಲಿ ಪ್ರೀತಿ, ವಿಶ್ವಾಸದಿಂದ ನೋಡುತ್ತೇವೆ. ಅಲ್ಲದೇ ಇವರಿಬ್ಬರ ಅನುಭವವನ್ನು ಪಕ್ಷ ಸಂಘಟನೆಯಲ್ಲಿ ಬಳಸಿಕೊಳ್ಳುತ್ತೇವೆ ಎಂದರು. 
     ತಾಲೂಕಾ ಕಾಂಗ್ರೆಸ ಅಧ್ಯಕ್ಷರಾದ ರವಿಗೌಡ ಪಾಟೀಲ, ಪ.ಪಂ.ಅಧ್ಯಕ್ಷ ರಫೀಕ ಇನಾಂದಾರ, ಪ.ಪಂ.ಉಪಾಧ್ಯಕ್ಷ ಫಕ್ಕಿರಪ್ಪ ಅಂಟಾಳ, ತಾ.ಪಂ.ಸದಸ್ಯ ಜ್ಞಾನದೇವ ಗುಡಿಯಾಳ, ಮುಖಂಡರಾದ ಮಹ್ಮಗೌಸ ಮಕಾನದಾರ, ರಾಮಣ್ಣ ಪಾಲೇಕರ ಆಸೀಫ ಮಕಾನದಾರ ಮುಂತಾದವರಿದ್ದರು.