ಮುಂಡಗೋಡ : ತಾಲೂಕಿನಲ್ಲಿ ಭತ್ತದ ಬೆಳಗೆ ತೆನೆ ಕತ್ತರಿಸುವ ಸೈನಿಕ ಹುಳುವಿನ ಬಾಧೆ ಕಂಡು ಬಮದಿದ್ದು ರೈತರು ಸೂಕ್ತ ಔಷಧಿ ಸಿಂಪಡಿಸುವುದರಿಂದ ಬೆಳೆ ರಕ್ಕಷಣೆ ಮಾಡಿಕೊಳ್ಳುವಂತೆ ಸಹಾಯಕ ಕೃಷಿ ನಿರ್ದೇಶಕ ಎಂ.ಎಸ್.ಕುಲಕರ್ಣಿ ತಿಳಿಸಿದ್ದಾರೆ
ತಾಲೂಕಿನ ಗುಂಜಾವತಿ ಮೈನಳ್ಳಿ,  ಹುನುಗುಂದ, ಚವಡಳ್ಳಿ ಗ್ರಾಮ ಪಂಚಾಯತಿ ವ್ಯಾಪ್ತಿಯ ಹಳ್ಳಿಗಳಲ್ಲಿ ಈ ಕೀಟಬಾಧೆ ಕಂಡು ಬಂದಿದೆ. ಕೃಷಿ ಕೀಟ ತಜ್ಞೆ ರೂಪಾ ಪಾಟೀಲ(ಶಿರಸಿ) ಹಾಗೂ ಮುಂಡಗೋಡ ಕೃಷಿ ಇಲಾಖೆ ಸಿಬ್ಬಂದಿಗಳು ಆಯಾ ಗದ್ದೆಗಳಿಗೆ ಭೇಟಿನೀಡಿ ಪರಿಶೀಲನೆ ನಡೆಸಿ ರೈತರಿಗೆ ಸಲಹೆಗಳನ್ನು ನೀಡುತ್ತಿದ್ದೇವೆ ಎಂದು ತಿಳಿಸಿದರು
ಈ ತೆನೆ ಕತ್ತರಿಸುವ ಸೈನಿಕ ಹುಳುಗಳು ಹಗಲು ಹೊತ್ತಿನಲ್ಲಿ ಭತ್ತದ ನೆಳೆಯ ವಿಲಯ ಕೆಳಗೆ ಹಾಗೂ ಮಣ್ಣಿನಲ್ಲಿ ಅಡಗಿರುತ್ತದೆ. ರಾತ್ರಿ ವೇಳೆಯಲ್ಲಿ ಭತತದ ತೆನೆಯನ್ನು ಕತ್ತರಿಸಿ ಹಾಕುತ್ತದೆ.
ಔಷಧ ತಯಾರಿಕೆ ವಿಧಾನ: ಒಂದು ಹೆಕ್ಟೇರ ಭತ್ತದ ಪ್ರದೇಶಕ್ಕೆ ಐವತ್ತು ಕೆಜಿ ಭತ್ತದ  ತೌಡು, ಐದು ಕೆಜಿ ಬೆಲ್ಲ, ಮನೋಕ್ರೋಟೊಪಾಸ್ 625ಮಿ.ಲೀ., ನೀರು 10 ಲೀ ಎಲ್ಲವನ್ನು ಮಿಶ್ರಣ ಮಾಡಿ 24 ಗಂಟೆಗಳ ಕಾಲ ಗಾಳಿಯಾಡದಂತೆ ಬಂದ್ ಮಾಡಿ ಇಡಬೇಕು ನಂತರ  ಸಂಜೆ 4 ಗಂಟೆಯ ನಂತರ ಈ ಔಷಧಿಯನ್ನು ಗದ್ದೆಯಲ್ಲಿ ಸಿಂಪಡಿಸಬೇಕು ಹೊಲದ ಸುತ್ತ ಬೋದು ಹರಿ ಅಗೆದು ಅದರಲ್ಲಿ ಫೆನ್ವೆವಲ್‍ರೆಟ್ ಅಥವಾ ಮೇಲಾಥಿಯನ್ ಪುಡಿ ಹಾಕಬೇಕು ಇದರಿಂದ ಕೀಟ ಒಮದು ಹೊಲದಿಂದ ಮತ್ತೊಂದು ಹಲಕ್ಕೆ ಹೋಗುವುದನ್ನು ತಪ್ಪಿಸಬಹುದು. ಹೆಚ್ಚಿನ ಮಾಹಿತಿಗೆ ಕೃಷಿ ಇಲಾಖೆಗೆ ಭೇಟಿ ನೀಡಿ ಮಾಹಿತಿ ಪಡೆದುಕೊಳ್ಳುವಂತೆ ಕೃಷಿ ಅಧಿಕಾರಿ ತಿಳಿಸಿದ್ದಾರೆ