ಜಮಾಅತೆ ಇಸ್ಲಾಮಿ ಹಿಂದ್ ನ ಹಿರಿಯ ಸದಸ್ಯ ವಿದ್ವಾಂಸ ಮೌಲಾನಾ  ಯೂಸುಫ್ ಸಾಹೇಬ್ ನಿಧನ

Source: sonews | By sub editor | Published on 23rd November 2017, 3:56 PM | Coastal News | State News | Don't Miss | Special Report |

ಮಂಗಳೂರು: ಹಿರಿಯ ಧಾರ್ಮಿಕ ವಿದ್ವಾಂಸ ಜಮಾಅತೆ ಇಸ್ಲಾಮಿ ಹಿಂದ್ ಮಂಗಳೂರು ಶಾಖೆಯ ಮಾಜಿ ಅಧ್ಯಕ್ಷ ಮೌಲಾನಾ ಸೈಯದ್ ಯೂಸುಫ್ ಸಾಹೇಬ್ ಗುರುವಾರ ಬೆಳಗ್ಗೆ 5 ಗಂಟೆಗೆ ಮಂಗಳೂರಿನ ಬಿಕರ್ನಕಟ್ಟೆಯಲ್ಲಿರುವ ಸ್ವಗೃಹದಲ್ಲಿ ನಿಧನರಾದರು. ಅವರಿಗೆ 87 ವರ್ಷ ವಯಸ್ಸಾಗಿತ್ತು.

ಮೂಲತಃ ಮೂಡುಬಿದಿರೆ ನಿವಾಸಿಯಾಗಿದ್ದ ಮೌಲಾನಾ ಸೈಯದ್ ಯೂಸುಫ್ ಸಾಹೇಬ್ ಪ್ರಸ್ತುತ ಮಂಗಳೂರಿನ ಬಿಕರ್ನಕಟ್ಟೆಯಲ್ಲಿ ವಾಸವಾಗಿದ್ದರು. ಅವರು ಸುದೀರ್ಘ ಕಾಲ ಮಂಗಳೂರಿನ ಬಂದರ್ ನಲ್ಲಿರುವ ಕಚ್ಚಿ ಮೇಮನ್ ಮಸೀದಿಯ ಖತೀಬರಾಗಿ (ಮುಖ್ಯ ಧರ್ಮಗುರುಗಳು) ಸೇವೆ ಸಲ್ಲಿಸಿದ್ದರು. ಮೌಲಾನಾ ಅವರ ಜುಮಾ (ಶುಕ್ರವಾರದ ನಮಾಝ್) ಪ್ರವಚನ ಅತ್ಯಂತ ಪ್ರಸಿದ್ಧವಾಗಿತ್ತು. ಅದನ್ನು ಕೇಳಲೆಂದೇ ದೊಡ್ಡ ಸಂಖ್ಯೆಯಲ್ಲಿ ಜನ ಸೇರುತ್ತಿದ್ದರು. ಸದಾ ಪರೋಪಕಾರ, ಸಮಾಜ ಸೇವೆ , ಶಾಂತಿ ಸಹಬಾಳ್ವೆ, ಸೌಹಾರ್ದದ ಸಂದೇಶ ನೀಡುತ್ತಿದ್ದ ಹಾಗೂ ಅದರಂತೆ ಬದುಕಿದ ಸಜ್ಜನ ಸಂತ ವ್ಯಕ್ತಿತ್ವ ಅವರದಾಗಿತ್ತು. ಎಲ್ಲ ಧರ್ಮಗಳ ಬಹುದೊಡ್ಡ ಸಂಖ್ಯೆಯ ಜನರು ಅವರ ಅಭಿಮಾನಿಗಳಾಗಿದ್ದರು.

ವೌಲಾನಾ ಅವರು ಪತ್ನಿ, ನಾಲ್ವರು ಪುತ್ರಿಯರು, ಇಬ್ಬರು ಪುತ್ರರ ಸಹಿತ ಅಪಾರ ಬಂಧುಮಿತ್ರರು, ಅಭಿಮಾನಿಗಳನ್ನು ಅಗಲಿದ್ದಾರೆ.

ಮೃತರ ದಫನ ಕಾರ್ಯವು ಇಂದು (ನ.23) ಇಶಾ ನಮಾಝ್ ಬಳಿಕ ಮೂಡುಬಿದಿರೆ ಕೋಟೆಬಾಗಿಲಿನ ಅಸ್ಸಹಬಾ ಮಸೀದಿಯ ವಠಾರದಲ್ಲಿ ನೆರವೇರಲಿದೆ ಎಂದು ವೌಲಾನ ಸೈಯದ್ ಯೂಸುಫ್ ಸಾಹೇಬ್ ಅವರ ಪುತ್ರ  ಡಾ.ಇಹ್ತೆಶ್ಯಾಮ್  ತಿಳಿಸಿದ್ದಾರೆ.

ಮೌಲಾನಾ ಸಯ್ಯದ್ ಯೂಸುಪ್ ಸಾಹೇಬ್

ಮೌಲಾನ ಸಯ್ಯದ್ ಯೂಸುಪ್ ಸಾಹೇಬರು 193ಂ ಇಸವಿಯಲ್ಲಿ ಮೂಡಬಿದ್ರೆಯಲ್ಲಿ ಜನಿಸಿದರು. ಅವರ ತಂದೆ ಅಬ್ದುಲ್ ವಹ್ಹಾಬ್. ತಾಯಿ ಖದೀಜಾಬಿ. ಈ ದಂಪತಿಗಳ 4 ಮಕ್ಕಳಲ್ಲಿ ಮೌಲಾನರು ಮೂರನೆಯವರು. ಸಯ್ಯದ್ ಯೂಸುಪ್ ಸಾಹೇಬರು ಬಿಕರ್ನಕಟ್ಟೆಯ ತನ್ನ ಮಗನ ಮನೆಯಾದ ಆಸಿಯಾನದಲ್ಲಿ ವಾಸವಾಗಿದ್ದರು. ಮೂಡಬಿದ್ರೆ ಕೋಟೆ ಬಾಗಿಲಿನ ಉರ್ದು ಶಾಲೆಯಲ್ಲಿ 4ನೇ ತರಗತಿಯವರೆಗೆ ಶಾಲಾ ವ್ಯಾಸಂಗ ನಡೆಸಿದ ಮೌಲಾನರು ನಂತರ ಮೂಡಬಿದ್ರೆಯ ಜೈನ್ ಹೈಸ್ಕೂಲು ಸೇರಿದರು. ಐದನೆಯ ತರಗತಿಯಲ್ಲಿ ಓದುತ್ತಿದ್ದಾಗ ಶಾಲಾ ಮೈದಾನದಲ್ಲಿ ಆಟದ ವೇಳೆ ಬಿದ್ದು ಕಾಲು ಮುರಿದುಕೊಂಡರು. ಕಾಲಿನ ಗಾಯ ವಾಸಿಯಾಗಲು ಬಹು ದಿನಗಳ ಕಾಲ ಮನೆಯಲ್ಲೇ ಉಳಿದುಕೊಳ್ಳಬೇಕಾಯಿತು. ನಂತರ ಮೌಲಾನರಿಗೆ ಶಾಲೆಗೆ ಹೋಗುವ ಅವಕಾಶ ಲಭ್ಯವಾಗಲಿಲ್ಲ.

ಅವರ ತಂದೆ ಮೌಲಾನಾ ಅಬ್ದುಲ್ಲಾ ವಹ್ಹಾಬ್‍ರು ಕಾರ್ಕಳದ ಆನೆಕೆರೆ ಮಸೀದಿಯಲ್ಲಿ ಇಮಾಮ್ ಆಗಿದ್ದರು. ಬಾಲಕ ಸಯ್ಯದ್ ಯೂಸುಪ್ ರನ್ನು ಅವರ ತಂದೆ ಕಾರ್ಕಳದಲ್ಲಿರುವ ಮೌಲಾನಾ ಸಯ್ಯದ್ ಮುಹಮ್ಮದ್ ಯೂಸುಪ್ ಸಾಹೇಬರ ಮದ್ರಸಕ್ಕೆ ಸೇರಿಸಿದರು. ಅಲ್ಲಿ ಎರಡು ವರ್ಷಗಳ ಮದ್ರಸಾ ಶಿಕ್ಪಣ ಪಡೆದ ಅವರು ತನ್ನ ಗುರುಗಳಾದ ಮೌಲಾನಾ ಸಯ್ಯದ್ ಮುಹಮ್ಮದ್ ಯೂಸುಪ್ ಸಾಹೇಬರು ಕಚ್ಚೀ ಮಸೀದಿಗೆ ಖತೀಬರಾಗಿ ಬಂದಾಗ, ಅವರ ಶಿಷ್ಯ ಸಯ್ಯದ್ ಯೂಸುಪ್ ರೂ ಅವರ ಜತೆ ಬಂದರು.ಆಗ ಅವರಿಗೆ ಹದಿನೇಳು ವರ್ಷ ಪ್ರಾಯವಾಗಿತ್ತು.

ಭಾರತಕ್ಕೆ ಸ್ವಾತಂತ್ರ್ಯ ಸಿಗುವಾಗ ಸಯ್ಯದ್ ಯೂಸುಪ್ ರು ಮಂಗಳೂರಿನ ಕಚ್ಚೀ ಮದ್ರಸದಲ್ಲಿ ವಿದ್ಯಾರ್ಥಿಯಾಗಿದ್ದರು. ಗುರುವಿನ ಆದರ್ಶ ಶಿಷ್ಯನೊಳಗೆ ಮೊಳಕೆ ಒಡೆಯಿತು. ಅವರು ಹೀಗೆ ಕಚ್ಚೀ ಮಸೀದಿಯ ಮದ್ರಸದಲ್ಲಿ ಎಂಟು ವರ್ಷಗಳ ಕಾಲ ಅಲ್ಲಿ ಅರಬಿ ಮೌಲ್ವಿ ಪಾಝಿಲ್ ಮತ್ತು ಪಾರ್ಸಿಯ ಮುನ್ಶಿ ಪಾಝಿಲ್ ಪಾರಂಗತರಾದರು.

ಇದೇ ಸಂದರ್ಭದಲ್ಲಿ ಅವರು ಜಮಾಅತೆ ಇಸ್ಲಾವಿೂ ಹಿಂದ್‍ನ ಕಾರ್ಯ ಚಟುವಟಿಕೆಗಳಿಂದ ಆಕರ್ಷಿತರಾದರು. ಆ ಬಳಿಕ ಉಡುಪಿಯ ಜಾವಿೂಯ ಮಸೀದಿಗೆ ಇಮಾಮತ್‍ ಹೊಣೆಯನ್ನು ವಹಿಸಿದರು. ಉಡುಪಿಯಲ್ಲಿ ಎಂಟು ತಿಂಗಳ ಸೇವೆ ಸಲ್ಲಿಸಿ ಅವರು ನಂತರ ಕಚ್ಚೀ ಮಸೀದಿಯಲ್ಲಿ ಇಮಾಮರಾಗಿ ಸೇವೆಯನ್ನು ಆರಂಭಿಸಿದರು. ಕಚ್ಚೀ ಮಸೀದಿಯಲ್ಲಿ ಖುತುಬಾ ಮತ್ತು ಭಾಷಣದ ಮೂಲಕ ಮೌಲಾನ ಪ್ರಸಿದ್ದಿ ಪಡೆದರು. ಮೌಲಾನರ ವಿವಾಹ ಮೂಡಬಿದಿರೆಯ ವ್ಯಾಪಾರಿ ಸಯ್ಯದ್ ಉಮರ್ ಸಾಹೇಬರ ಮಗಳು ಬದ್ರುನ್ನಿಸಾರೊಂದಿಗೆ ನಡೆಯಿತು. ಮೂಡಬಿದಿರೆಯ ಕೋಟೆ ಬಾಗಿಲಿನಲ್ಲಿಯೇ ವಾಸಿಸಿ ಮಂಗಳೂರಿನಿಂದ ವಾರಕ್ಕೊಮ್ಮೆ ಅಥವಾ 5 ದಿವಸಗಳಿಗೊಮ್ಮೆ ಊರಿಗೆ ಹೋಗುತ್ತಿದ್ದರು.

ಮೌಲಾನರು ಜಮಾಅತೆ ಇಸ್ಲಾಮಿ ಹಿಂದ್ ನ ನೇತೃತ್ವವನ್ನು ವಹಿಸಿ ಮಂಗಳೂರಿನ ಕುದ್ರೋಳಿ, ಬಿಕರ್ನಕಟ್ಟೆ, ಇತರ ಪ್ರದೇಶಗಳಲ್ಲಿ ಸಮುದಾಯದ ಇತರರ ತೀವ್ರ ವಿರೋಧದ

ನಡುವೆಯೂ ಜಮಾಅತ್ ನ ಕಾರ್ಯ ಚಟುವಟಿಕೆಗಳನ್ನು ವ್ಯಾಪಕಪಡಿಸಿ ಜಮಾಅತೆ ಇಸ್ಲಾಮಿಯನ್ನು ಕಟ್ಟಿ ಬೆಳೆಸಿದರು.

ಇಂದಿರಾ ಗಾಂಧಿ ತುರ್ತು ಪರಿಸ್ಥಿತಿ ಘೋಷಿಸಿದಾಗ ಆರೆಸ್ಸೆಸ್ ಮತ್ತು ಜಮಾಅತ್‍ನ್ನು ನಿಷೇಧಿಸಿತು. ಜಮಾಅತ್ ನ ಸದಸ್ಯರಾಗಿದ್ದ ಸಯ್ಯದ್ ಯೂಸುಪ್ ಸಾಹೇಬರನ್ನು ಬಂಧಿಸಿದರು ಮತ್ತು ಅಝೀಝುದ್ದೀನ್ ರಸ್ತೆಯಲ್ಲಿದ್ದ ಜಮಾಅತ್ ಕಾರ್ಯಾಲಯಕ್ಕೆ ಪೊಲೀಸರು ಬೀಗ ಜಡಿದರು. ೩ ದಿವಸಗಳ ಕಾಲ ಜೈಲಿನಲ್ಲಿಟ್ಟು ಬಿಟ್ಟರು. . ಜೈಲಿನಲ್ಲಿ ಇಸ್ಲಾಮಿನ ಕುರಿತು ಆರೆಸ್ಸೆಸ್ ಮಂದಿಯೊಂದಿಗೆ ಚರ್ಚಿಸುವ ಅವಕಾಶ ಮೌಲಾನರಿಗೆ ಸಿಕ್ಕಿತು.

ಸಂದೇಶ ಪ್ರಚಾರದಲ್ಲಿ ಅಪಾರ ಆಸಕ್ತಿ ಹೊಂದಿದ್ದ ಮೌಲಾನರು ಸಂದೇಶ ಪ್ರಚಾರಕ್ಕಾಗಿ ಸನ್ಮಾರ್ಗ ವಾರ ಪತ್ರಿಕೆ, ಸಾಹಿತ್ಯ ಪ್ರಕಾಶನ, ಇಸ್ಮಿಕ ಅಂಚೆ ವಾಚನಾಲಯ, ಬಡ್ಡಿ ರಹಿತ ಸಾಲ ಸಂಸ್ಥೆ, ಹಿದಾಯತ್ ಸೆಂಟರ್ ಸ್ಥಾಪಕ ಸದಸ್ಯರಲ್ಲಿ ಪ್ರಮುಖರು. ಕನ್ನಡಕ್ಕೆ ಪವಿತ್ರ ಕುರ್ ಆನ್ ಅನುವಾದಿಸುವ ಸಂಪಾದಕ ಮಂಡಳಿಯ ಸದಸ್ಯರಾಗಿದ್ದರು, ಸಹೀಹುಲ್ ಬುಖಾರಿ ಅನುವಾದಕ ಮಂಡಳಿಯ ಸಂಪಾದಕರಾಗಿದ್ದರು.ಮೂಡಬಿದಿರೆಯ ಕೋಟೆಬಾಗಿಲಿನಲ್ಲಿ ಅಸ್ಸಹಾಬಾ ಜುಮಾ ಮಸೀದಿ, ಪೂರ್ಣ ಅವಧಿಯ ಮದ್ರಸ, ಧಾರ್ಮಿಕ ಲೌಕಿಕ ಶಿಕ್ಷಣ ಸಂಸ್ಥೆಯಾ ಸ್ಥಾಪಕ ಅಧ್ಯಕ್ಷರು. ಮೌಲಾನರು ಸನ್ಮಾರ್ಗ, ತಕ್ಲಿದ್, ಇತ್ಯಾದಿ ಕಿರು ಕ್ರತಿಗಳನ್ನು ರಚಿಸಿದ್ದಾರೆ.

ಮೌಲಾನರು ದಕ್ಷಿಣ ಕನ್ನಡ ಕೊಡಗು ಜಿಲ್ಲಾ ಸಂಚಾಲಕರಾಗಿಯೂ, ವಿಭಾಗ ಸಂಚಾಲಕರಾಗಿಯೂ ಕಾರ್ಯ ನಿರ್ವಹಿಸಿದ್ದಾರೆ. ಇತ್ತೀಚೆಗಿನ ವರೆಗೂ ಕಚ್ಚೀ ಮಸೀದಿಯಲ್ಲಿ ಕುತುಬಾ ಪ್ರವಚನ ನೀಡುತ್ತಿದ್ದರು. ಮೌಲಾನರು ಉತ್ಸಾಹ, ಚಿಲುಮೆ, ವಯೋ ಸಹಜವಾದ ಅನಾರೋಗ್ಯವಿದ್ದರೂ ಅವರು ಸಕ್ರಿಯರಾಗಿದ್ದರು.

87ವರ್ಷದ ಈ ಮೇರು ವ್ಯಕ್ತಿತ್ವವು ನಮ್ಮನ್ನು ಬಿಟ್ಟು ಆಗಲಿದೆ. ಅವರು ಪತ್ನಿ ಬದ್ರುನ್ನಿಸಾ, ಮಕ್ಕಳಲ್ಲಿ ದೊಡ್ಡವರು ಇಫ್ತಿಕಾರ್ ಅನಂತರ ಸಯ್ಯದ್ ಇಹ್ತಿಶಾಮ್, ಅವರ ನಂತರ ಹಫೀಪಾ, ಅನೀಸಾ, ಹವಿೂದ ಮತ್ತು ಸಬೀಹಾ, ನಾಲ್ಕು ಹೆಣ್ಣು ಎರಡು ಗಂಡು ಮಕ್ಕಳು ಮತ್ತು ಅಪಾರ ಬಂಧು ಮಿತ್ರರನ್ನು ಅಗಲಿದ್ದಾರೆ.

ಮೌಲಾನರ ಈ ಸುದೀರ್ಘ ದೀನಿ ಸೇವೆಯು ನಮಗೆಲ್ಲ ಮಾದರಿಯಾಗಲಿ. ಅವರ ಸೇವೆಯನ್ನು ಅಲ್ಲಾಹನು ಸ್ವೀಕರಿಸಲಿ. ಅವರಿಗೆ ಸ್ವರ್ಗದಲ್ಲಿ ಉನ್ನತ ಸ್ಥಾನವನ್ನು ದಯಪಾಲಿಸಲಿ.

Read These Next

ಉ.ಕ.ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದಿಂದ ಅರಣ್ಯ ಪರಿಸ್ಥಿತಿ ಕುರಿತ ರಾಜ್ಯ ಮಟ್ಟದ ವಿಚಾರ ಸಂಕೀರಣ

ಭಟ್ಕಳ: ಪರಿಸರ ಪರಿಸ್ಥಿತಿ, ಸಂರಕ್ಷಣೆ, ಸವಾಲು ಹಾಗೂ ಪರಿಹಾರದ ಬಗ್ಗೆ ಹಮ್ಮಿಕೊಂಡಿದ್ದ ಕಾರ್ಯಾಗಾರದಿಂದ ಜನರು ತಮ್ಮಲ್ಲಿನ ಪರಿಸರದ ...

ಹೆದ್ದಾರಿ ಅಗಲಿಕರಣ; 45ಮೀ ವಿಸ್ತರಣೆಗೆ ಆಗ್ರಹಿಸಿ ಅನಿರ್ಧಿಷ್ಟಾವಧಿ ಧರಣಿ ಸತ್ಯಾಗ್ರಹ

ಭಟ್ಕಳ: ತಾಲೂಕಿನ ಶಿರಾಲಿ ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ರಾಷ್ಟ್ರೀಯ ಹೆದ್ದಾರಿ 66 ಅಗಲೀಕರಣವನ್ನು 30 ಮೀಟರ್‍ಗೆ ಸೀಮಿತಗೊಳಿಸುವ ...

ಸದಸ್ಯರ ಪ್ರಶ್ನೆಗೆ ಉತ್ತರಿಸಲಾಗದೆ ಸಭೆಯಿಂದ ಹೊರನಡೆದ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ

ಭಟ್ಕಳ: ಗ್ರಾಮ ಪಂಚಾಯತ್ ಸಾಮಾನ್ಯ ಸಭೆಯಲ್ಲಿ ಸದಸ್ಯರ ಪ್ರಶ್ನೆಯೊಂದಕ್ಕೆ ಉತ್ತರಿಸಲಾಗದೇ ಗ್ರಾಮ ಪಂಚಾಯತ್  ಪಂಚಾಯತ್ ಅಭಿವೃದ್ದಿ ...

ಶುಕ್ರವಾರದ ನಮಾಝ್ ನಲ್ಲಿ ಮುಸ್ಲಿಮ್ ಸಮುದಾಯದಿಂದ ಹುತಾತ್ಮ ಯೋಧರಿಗಾಗಿ ವಿಶೇಷ ಪ್ರಾರ್ಥನೆ ​​​​​​​

ಉಡುಪಿ: ಕಾಶ್ಮೀರದ ಪುಲ್ವಾಮ ಜಿಲ್ಲೆಯ ಅವಂತಿಪೋರದಲ್ಲಿ ಭಯೋತ್ಪಾದಕ ದಾಳಿಯಲ್ಲಿ ಹುತಾತ್ಮರಾದ ಯೋಧರಿಗಾಗಿ ಗಂಗೊಳ್ಳಿ ...

ಉ.ಕ.ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದಿಂದ ಅರಣ್ಯ ಪರಿಸ್ಥಿತಿ ಕುರಿತ ರಾಜ್ಯ ಮಟ್ಟದ ವಿಚಾರ ಸಂಕೀರಣ

ಭಟ್ಕಳ: ಪರಿಸರ ಪರಿಸ್ಥಿತಿ, ಸಂರಕ್ಷಣೆ, ಸವಾಲು ಹಾಗೂ ಪರಿಹಾರದ ಬಗ್ಗೆ ಹಮ್ಮಿಕೊಂಡಿದ್ದ ಕಾರ್ಯಾಗಾರದಿಂದ ಜನರು ತಮ್ಮಲ್ಲಿನ ಪರಿಸರದ ...

ಹೆದ್ದಾರಿ ಅಗಲಿಕರಣ; 45ಮೀ ವಿಸ್ತರಣೆಗೆ ಆಗ್ರಹಿಸಿ ಅನಿರ್ಧಿಷ್ಟಾವಧಿ ಧರಣಿ ಸತ್ಯಾಗ್ರಹ

ಭಟ್ಕಳ: ತಾಲೂಕಿನ ಶಿರಾಲಿ ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ರಾಷ್ಟ್ರೀಯ ಹೆದ್ದಾರಿ 66 ಅಗಲೀಕರಣವನ್ನು 30 ಮೀಟರ್‍ಗೆ ಸೀಮಿತಗೊಳಿಸುವ ...

ಸದಸ್ಯರ ಪ್ರಶ್ನೆಗೆ ಉತ್ತರಿಸಲಾಗದೆ ಸಭೆಯಿಂದ ಹೊರನಡೆದ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ

ಭಟ್ಕಳ: ಗ್ರಾಮ ಪಂಚಾಯತ್ ಸಾಮಾನ್ಯ ಸಭೆಯಲ್ಲಿ ಸದಸ್ಯರ ಪ್ರಶ್ನೆಯೊಂದಕ್ಕೆ ಉತ್ತರಿಸಲಾಗದೇ ಗ್ರಾಮ ಪಂಚಾಯತ್  ಪಂಚಾಯತ್ ಅಭಿವೃದ್ದಿ ...

ರಾಷ್ಟ್ರೀಯ ಹೆದ್ದಾರಿ ಅಗಲೀಕರಣದಿಂದಾಗಿ ಭಟ್ಕಳದಿಂದ ಕಾಲು ಕೀಳಲು ಸಿದ್ಧವಾಗಿರುವ ದೂರದರ್ಶನ ಕೇಂದ್ರ..?

ಭಟ್ಕಳ: ಪ್ರಸಕ್ತ ಕಾಲಘಟ್ಟದಲ್ಲಿ ಭಟ್ಕಳ ಎಂಬ ಪುಟ್ಟ ಊರು ಬೆಳೆದು ನಿಂತಿದೆ. ಅಂತರಾಷ್ಟ್ರೀಯ ಆವಿಷ್ಕಾರಗಳನ್ನು ಕಾಣುವ ತವಕ ...

ಉತ್ತರಪ್ರದೇಶದಲ್ಲಿ ವಿರೋಧ ಪಕ್ಷಗಳ ಚುನಾವಣಾ ರಣತಂತ್ರಉತ್ತರಪ್ರದೇಶದಲ್ಲಿ ವಿರೋಧ ಪಕ್ಷಗಳ ಚುನಾವಣಾ ರಣತಂತ್ರ

ಇತ್ತೀಚೆಗೆ ಉತ್ತರಪ್ರದೇಶದಲ್ಲಿ ನಡೆದ ಬೆಳವಣಿಗೆಗಳು ಕೇಂದ್ರದಲ್ಲಿ ಹಾಲೀ ಅಧಿಕಾರದಲ್ಲಿರುವ ಪಕ್ಷದ ಆಳ್ವಿಕೆಯ ವಿರುದ್ಧ ...

ಹವಾಮಾನ ಬದಲಾವಣೆ ಮತ್ತು ಬಡವರು

ಹವಾಮಾನ ಬದಲಾವಣೆಯು ಒಂದು ತುರ್ತುಸ್ಥಿತಿಯನ್ನೇ ಸೃಷ್ಟಿಸಿದ್ದು ಈ ಭೂಮಿಗೆ ಮತ್ತು ಇದರ ಮೇಲೆ ವಾಸಿಸುತ್ತಿರುವ ಮಾನವ, ಸಸ್ಯ ಮತ್ತು ...

ಸಾವಿನ ಕೂಪ ದ ಲ್ಲಿ ಗಣಿಗಾರಿಕೆ

ಮೇಘಾಲಯದಲ್ಲಿ ಇತ್ತೀಚೆಗೆ ಸಂಭವಿಸಿದ ಗಣಿಕಾರ್ಮಿಕರ ಸಾವುಗಳು ಸಬ್ ಕಾ ಸಾಥ್, ಸಬ್ ಕಾ ವಿಕಾಸ್ ಎಂಬ ಘೋಷಣೆಯ ಪ್ರತಿಪಾದಕರಿಗೆ ನಾಚಿಕೆ ...