ಕೋಲಾರ : ಕೋಲಾರ ರೋಟರಿ ಸಂಸ್ಥೆ ಹಾಗೂ ಜಿಲ್ಲಾ ಪಲ್ಸ್ ಪೋಲಿಯೊ ಕಮಿಟಿ ಮತ್ತು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಅಧಿಕಾರಿಗಳ ಕಾರ್ಯಲಯ ಕೋಲಾರ ಇವರ ಸಂಯುಕ್ತಾಶ್ರಯದಲ್ಲಿ ಒಂದು ದಿನದ ಪೋಲಿಯೊ ನಿರ್ಮೂಲನೆ ಕಾರ್ಯಗಾರವನ್ನು ಜಿಲ್ಲಾ ಆರೋಗ್ಯ ಇಲಾಖೆ ಸಭಾಂಗಣದಲ್ಲಿ ನಡೆಯಿತು. 

ಪೋಲಿಯೊ ನಿರ್ಮೂಲನೆ ಕಾರ್ಯಗಾರವನ್ನು ಜಿಲ್ಲಾ ಆರೋಗ್ಯ ಅಧಿಕಾರಿ ಎಸ್.ಎನ್. ವಿಜಯ ಕುಮಾರ ಉದ್ಘಾಟನೆ ಮಾಡಿದರು,  ಪಲ್ಸ್ ಪೋಲಿಯೊ ಬಿತ್ತಿ ಪತ್ರಗಳನ್ನು ರೋಟರಿ ಅದ್ಯಕ್ಷ ದೇವರಾಜ್ ಬಿಡುಗಡೆ ಮಾಡಿ ಮಾತನಾಡಿ ಈ ಒಂದು ಕಾರ್ಯಗಾರದಲ್ಲಿ ಪೋಲಿಯೊ ಮುಕ್ತ ಜಿಲ್ಲೆಯನ್ನಾಗಿಸಲು ಆಶಾ ಕಾರ್ಯಕರ್ತರು ಶ್ರಮಿಸಬೇಕೆಂದು ತಿಳಿಸಿದರು. ವೈದ್ಯಧಿಕಾರಿ ಎನ್.ಟಿ. ನಾಗರಾಜ್ ಪೋಲಿಯೊ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ಇಲಾಖೆ ಸಿಬ್ಬಂದಿ ವರ್ಗದವರಿಗೆ ಕಿರುಚಿತ್ರ ಪ್ರದರ್ಶನದ ಮುಖಾಂತರ ತಿಳಿಸಿದರು.

ರೋಟರಿ ಜಿಲ್ಲಾ 3190 ಪೋಲಿಯೊ ಛೇರಮನ್ ವಿ.ಪಿ.ಸೋಮಶೇಖರ್ ಮಾತನಾಡಿ ಇದೇ ತಿಂಗಳ 28ರಂದು ಭಾನುವಾರ ಇಡೀ ರಾಜ್ಯಾದ್ಯಂತ 5 ಲಕ್ಷಕ್ಕೂ ಹೆಚ್ಚು ಮಕ್ಕಳಿಗೆ ಪಲ್ಸ್ ಪೊಲೀಯೋ ಲಸಿಕೆ ಹಾಕುವ ಕಾರ್ಯಕ್ರಮಕ್ಕೆ ಸಾರ್ವಜನಿಕರು ತಮ್ಮ 0ಯಿಂದ 5 ವರ್ಷದ ಮಕ್ಕಳನ್ನು ಕರೆತರಲು ಸಹಕರಿಸಬೇಕೆಂದು ತಿಳಿಸಿದರು.

ಈ ಕಾರ್ಯಕ್ರಮದಲ್ಲಿ ಜಿಲ್ಲಾ ಆರೋಗ್ಯಧಿಕಾರಿ ಚಂದನ ಕುಮಾರ, ರೋಟರಿ ಖಜಾಂಚಿ ರೋ| |ಸಿ.ಆರ್.ಅಶೋಕ, ವಾ|| ಓಂಪ್ರಕಾಶ್, ವಾ||ರಂಜಿತ್ ಕುಮಾರ್, ಜಿಲ್ಲಾ ಆರೋಗ್ಯ ಇಲಾಖೆ ಸಿಬ್ಬಂಧಿ ವರ್ಗ ಮತ್ತು ಜಿಲ್ಲಾ ಆಶಾ ಕಾರ್ಯಕರ್ತರು ಹಾಜರಿದ್ದರು.