ಲಕ್ಷ್ಮೀಪುರ ಮೇ.23: ನೆಲವಂಕಿ ಹೋಬಳಿಯ ಪುಲಗೋರಕೋಟೆ ಗ್ರಾಮಪಂಚಾಯಿತಿ ವ್ಯಾಪ್ತಿಗೆ ಸೇರಿದ ತಂತಾರ್ಲಪಲ್ಲಿ ಗ್ರಾಮದಲ್ಲಿ ಗೂಂಜ್ ಅಂತರಾಷ್ಟ್ರೀಯ ಸ್ವಯಂ ಸೇವಾ ಸಂಸ್ಥೆ, ಬೆಂಗಳೂರು, ಅವಾರ್ಡ್ ಸಂಸ್ಥೆ ಲಕ್ಷ್ಮೀಪುರ, ಇವರ ಸಂಯುಕ್ತಾಶ್ರಯದಲ್ಲಿ ತಂತಾರ್ಲಪಲ್ಲಿ  ಕೆರೆಯ ಕಾಲುವೆ ಮತ್ತು  ಕೆರೆ ಅಂಗಳ ಗುಂಡಿಯನ್ನು ಸುಮಾರು 65 ಅಡಿ ಉದ್ದ  80 ಅಡಿ ಅಗಲ 1 ಳಿ ಅಡಿ ಎತ್ತರದ ಹೂಳನ್ನು ಜನರ ಸಹಕಾರದಿಂದ ಸಂಪೂರ್ಣವಾಗಿ ಶ್ರಮದಾನದ ಮೂಲಕ ಸ್ವಚ್ಚಗೊಳಿಸುವ ಹಾಗೂ ವೈಯಕ್ತಿಕ ಸ್ವಚ್ಚತೆ ಕಾಪಾಡುವ ಬಗ್ಗೆ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು.

ಕೆರೆಅಂಗಳ, ಕೆರೆ ಕಾಲುವೆ ಮುಳ್ಳುಗಿಡ, ಮಣ್ಣು, ವಿವಿಧ ಕಸಕಡ್ಡಿ ತೆರವುಗೊಳಿಸಿ, ಮಳೆ ನೀರನ್ನು ಶೇಖರಿಸಲು ಅವಶ್ಯಕವಾದ ಕ್ರಮಗಳನ್ನು ವಹಿಸಿಕೊಳ್ಳಲು ಸ್ಥಳೀಯ ನಾಗರೀಕರ ಮನವೊಲಿಸಿ ಕಾರ್ಯಕ್ರಮದಲ್ಲಿ ಸುಮಾರು 165 ಜನಕ್ಕೂ ಮೀರಿ ಭಾಗವಹಿಸುವಂತೆ ಸ್ಥಳೀಯ ಸ್ವಯಂ ಸೇವಾ ಸಂಸ್ಥೆಗಳಾದ ಅವಾರ್ಡ್ ಸಂಸ್ಥೆ ಕ್ರಮ ವಹಿಸಿದ್ದವು.
    
ಕಾರ್ಯಕ್ರಮದ ಪರಿಚಯವನ್ನು ಅವಾರ್ಡ್ ಸಂಸ್ಥೆಯ ಕಾರ್ಯದರ್ಶಿ ಎ.ಪಿ.ಎಸ್. ಕುಮಾರ್ ರವರು ಪ್ರಾಸ್ತಾವಿಕ ಭಾಷಣದ ಮೂಲಕ ಭಾಗವಹಿಸಿದ್ದ ಜನರಲ್ಲಿ ನೀರಿನ ಬಗ್ಗೆ ಅರಿವು ಮೂಡಿದರು. ಅಂತರಾಷ್ಟ್ರೀಯ ಗೂಂಜ್ ಸ್ವಯಂಸೇವಾ ಸಂಸ್ಥೆಯ ಕ್ಷೇತ್ರಾಧಿಕಾರಿಯಾದ ಶಾಲಿನ್ ಕುಮಾರ್ ರವರು ಆ ಸಂಸ್ಥೆಯ ಕಾರ್ಯ ಚಟುವಟಿಕೆಗಳ ಬಗ್ಗೆ ವಿವರವಾಗಿ ಹಿಂದಿ ಭಾಷೆಯಲ್ಲಿ ತಿಳಿಸಿದರು. ಅವರ ಭಾಷಣವನ್ನು ಕನ್ನಡಕ್ಕೆ ತರ್ಜುಮೆ ಮಾಡಿ ಎ.ಪಿ.ಎಸ್. ಕುಮಾರ್‍ರವರು ತಿಳಿಸಿಕೊಟ್ಟರು.

    ಮುಂದಿನ ದಿನಗಳಲ್ಲಿ ಶಾಲಾ ಮಕ್ಕಳಿಗೆ ಅವಶ್ಯಕವಾದ ಶೂ, ಸಮವಸ್ತ್ರ, ಲೇಖನಿ ಸಾಮಾಗ್ರಿಗಳು ಇತ್ಯಾದಿಗಳನ್ನು ನೀಡುವುದಾಗಿ ಶ್ಯಾಲಿನ್ ಕುಮಾರ್ ರವರು ಅಶ್ವಾಸನೆಯನ್ನು ನೀಡಿದರು. 
    ಇದೇ ಸಂದರ್ಭದಲ್ಲಿ ಸ್ವಯಂ ಸೇವಾ ಸಂಸ್ಥೆಯ ಕಾರ್ಯದರ್ಶಿಯಾದ ಆರ್.ನಾರಾಯಣಸ್ವಾಮಿರವರು ವೈಯುಕ್ತಿಕ ಸ್ವಚ್ಚತೆ ಕಾಪಾಡುವಲ್ಲಿ ತಂದೆ ತಾಯಿಗಳು ಮತ್ತು ಮಕ್ಕಳು ತೆಗೆದುಕೊಳ್ಳಬೇಕಾದ ಮುನ್ನೆಚ್ಚರಿಕೆಗಳ ಬಗ್ಗೆ ಅರಿವು ಮೂಡಿಸಿದರು. ಮತ್ತು ಕೈ ತೊಳೆಯುವ ಪ್ರಾತ್ಯಕ್ಷತೆಯ ಚಟುವಟಿಕೆಯನ್ನು ನಡೆಸಿಕೊಟ್ಟರು.
    ಈ ಕಾರ್ಯಕ್ರಮದಲ್ಲಿ ಊರಿನ ಹಿರಿಯ ಮುಖಂಡರಾದ ಹಾಗೂ ಎಪಿಎಂ.ಸಿ ಉಪಾದ್ಯಕ್ಷರಾದ ನಾರಾಯಣಸ್ವಾಮಮಿ, ಪುಲಗೂರಕೋಟೆ ಗ್ರಾಮ ಪಂಚಾಯಿತಿ ಸದಸ್ಯರಾದ ಕೃಷ್ಣಪ್ಪ ನವರ ಅನುಪಸ್ಥಿತಿಯಲ್ಲಿ ಗೂಂಜ್ ಸಂಸ್ಥೆಯ ಟೀಮ್ ಲೀಡರ್ ಡೇವಿಡ್ ರಾಯ್, ಸತೀಶ್,  ಮಹಿಳೆಯರು ಮತ್ತು ಮಹಿಳಾ ಸ್ವ ಸಹಾಯ ಸಂಗದ ಸದಸ್ಯರುಗಳು ಯುವಕ ಯುವತಿಯರು ಭಾಗವಹಿಸಿ ಮುಖ್ಯವಾಗಿ ಶ್ರೀಯುತ ಪಾಪಣ್ಣ, ಮತ್ತು ಮುನಿರತ್ನಪ್ಪ ರವರು ಶ್ರಮದಾನದಲ್ಲಿ ಭಾಗವಹಿಸಿದ್ದರು ಮತ್ತು ಭಾಗವಹಿಸಿದ್ದ 165 ಜನರಿಗೂ ಕಿಟ್‍ಗಳನ್ನು ನೀಡಲಾಯಿತು.